هو انت ممكن متمشيش

من الۏجع اللى في قلبها 
ماما تقى بسم الله الرحمن الرحيم مالك يابنتى فيكى اى افديكى بروحى وجعتى قلبى مالك ياروحى 
دخلت مى وراها 
ماما تقى تقى مالها يامى. 
مى فارس 
ماما تقى ماله 
مى حكيت ليها كل حاجه 
ماما تقى من الصدمة سكتت وبقيت تمسح دموع بنتها ودموعها نازلة على وشها وكل اللى بتقوله حسبى الله ونعم الوكيل حسبي الله ونعم الوكيل 

مسكت تقى تلفونها ورنت على فارس اللى هو حبيبها مش مصدقة اللى حصل وطلبت منه يقابلها على اول الشارع وافق فارس ونزلت تقى 
تقى هو انت ممكن متمشيش 
بصلها بسخرية وقال ههه مامشيش انا فارس ابو الحسن امشى بمزاجى او اقعد بمزاجى واحدة زيك متقوليش امشى او اقعد وبعدين انا خلاص كده وقتى خلص معاكى باااى ياانسة تقى. 
تقى. وقتى وخلص! لا انت فاهمنى غلط خالص انا قولتلك متمشيش مش علشان انت فارس ابو الحسن اللى ابوه اكبر رجال اعمال البلد والملياردير لا بالعكس انا بقول للشخص اللى حبيته للي كان مفهمنى انه شاب بسيط من توبى قولتله ميمشيش مش بقول للشخص اللى واقف قدامى دا الشخص دا انا معرفهوش 
فارس بسخرية هه لا ياقطة متعمليش فيها الشيخة اللى مافيش زيها انا عملت دا كله علشان سبب وانتى عرفتيه فبلاش تقولي انك مش زيهم وانك المختلفة عنهم لانكم زى بعض انتوا بالنسبالى تسالى بسلى وقتى مش اكتر 
تقى. لفت وشها وقالتله مش كل النااس زى بعضها ومش كل النااس قلبها مليان سواد زيك ومش كل النااس لعبة وقلوب النااس مش للعب والتسالى وافتكر انه كما تدين تدان ولو بعد حين ومشيت
فارس بصوت عاااالى. انا بدين بس ههههه وركبت عربيته ومشى.
سارة ياااااه عمل فيكى دا كله البجح وليه عين يطردك من الشغل هتعملى اى دلوقتي 
تقى مش عارفه اهم حاجه دلوقتي الاقى شغل علشان علاج ماما. 
سارة بقولك انا اعمل منافس ابو فارس دا وهو اكيد لما يعرف انهم طردك من غير سبب ممكن يشغلك عنده فى اى شركة 
تقى مين 
سارة عباس الصافى. 
تقى مين دا 
سارة دا اكبر منافس لا ابو الحسن فى السوق انا كنت قرات اعلان عن واظيفة شركتهم منزلها بس هو مبيعينش غير النااس الكفء 
ومش هيلاقى اكفء منك للوظيفة دى العنوان اهو روحى عليه الصبح 
تقى ماشي هروح شكرا ياسارة 
سارة عيب ياتقى احنا اخواتك سلام 
يتبع.....
نزلت تقى ومشيت فى الشارع مش عارفه تعمل اى ياترى تروح الصبح لشركة اللى سارة قالتلها عليها ولا تبعد عن كل دا وتشوف شغل فى حتة تانيه بعيد عن فارس واعدائه وغيرهم رجليها خدها لحد ما وصلت على شط البحر وبدات تبص للبحر بعيون كلها دموع وقهر وتعب متحوش ومش قادرة تطلعه وتقول لنفسها انا السبب فى دا كله انا اللي خليته وجعنى وخدعنى انا اللى دخلته حياتى انا اللى سمحت ليه ياذينى لو مدخلتهوش حياتى ماكنش وجعنى وچرح قلبى كده ودموعها نازلة زى الشلال ونزلت فى الماية وبدات تصرخ باعلى صوووت وتقول ليييييه ليه عملت كده فيا انا حبيبتك من كل قلبي ليه تخداعنى وتجرحنى ليه هونت عليك اوى كده وانت ماهونتش عليا ولا مرة ليه عملت فيا كل دا انا ماستاهلش كل ده ليه جرحتنى ليه دايما كل الۏجع اللي فى الدنيا مكتوب فى قدرى ليه دايما بخسر اى حاجه حبيبتها ليه دايما انا ليه دخلت حياتى وزرعتها ورد وفى الاخر طلع حصد شوك وبس 
وفجاة جه صوت من وراها وقال علشان محدش بيتعلم بالساهل علشان احنا اللى اغبية لما بنحب بنحب بكل ما نملك بندى كل الحاجات الحلوه اللي جوانا ومبنسبش حاجه لنفسنا جواكى خراااب صح جواكى ۏجع مش قادرة تعالجيه وچروح مش بتتلم بس انتى اللى غبية انتى اللى سلميته قلبك ولفتهوله هدية بس ارجع وقولك محدش بيتعلم بالساهل الۏجع اللى انتى فيه دا لازم يعلمك تكونى اقوى واقوى ميكسركيش متهربيش منه بالعكس واجهيه واجهيه بالتجاهل بالبرود بالقوة اهم حاجه متهربيش منه لانك لو هربيتى منه هيفضل مرافقك طول عمرك واتعودى بعد كده لما تحبى حد حبى واعشقى بس متديش كل الحاجات الحلوه اللي جواكى ليه خلى شويه ليكى علشان لما يمشى يفضل جواكى حب لنفسك يقدر يساعدك فى انه يشجعك ويقولك انتى مش وحشة ولا ضعيفه ولا تستاهلى كل دا انتى اقوى منه واى يعنى سابنى ماهى كل النااس هتمشى وهتفارق محدش دايم فيها حبى نفسك واتعايشى مع الواقع والخبطة اللى توجع تقويكى متكسركيش. 
تقى انتى مين وليه مخبى وشك عليا وعرفت انى موجوعة من واحد منين 
هو انا انسان عادى 
ومشى 
تقى خرجت من الماية وبدور عليه اختفى فص ملح وداب
خرجت تقى وفضلت تنادى ياااستاذ
انت فين لكن مافيش جواب من

اى حد. 
خرجت وروحت البيت وكل كلمة الشخص دا قالها فضلت تدور فى دماغها لحد ما الفجر اذن وهى بتفكر فى كل كلمة
اتقالت ليها 
قامت تقى اتوضت وصليت الفجر وصليت