ابويا كاملة بقلم هويدا زغلول
انت في الصفحة 1 من 6 صفحات
وقبل ما نبدا الحكايه اعرفكم بنفسي
انا ولاء عندي 18سنه وعايشه مع بابا وماما
وفي يوم صحيت علي صوت ماما وهي بتقول
ناديه
لا يا حبيبي الشقه من حقي انا معايا بنات
ومش هسيب الشقه دي
عماد
وانا هلبسك مصېبه ومش هسيب ليكي الشقه
تعبي وشقايا يروح كده علي الارض انا طلع
روحي في السفر وجايه دلوقتي وبتقولي عايزه
الجده
جرا اي يا عماد انت ازاي تتكلم معاها بالطريقه
دي مش تحمد ربنا ي اخويا أن هي فضلت
شايله عيالك وانت مسافر برا
عماد
والله اي زوجه اصليه بتعمل كده هي معملتش
حاج زياده يعني عن الستات
الجده
طيب سيب الشقه ليها اليومين دول لحد
ما الدنيا تهدي شويه روح عند امك
ماشي يا حماتي علشان باقي علي البيت
والعيال بس هعمل كده وبعدها مشي
وانا خرجت
ولاء
والله ي ماما حرام كده من ساعه ما بابا
رجع من السفر وانتي عامله معاه مشاكل
الجده
بقولك اي ي بت ادخلي جوا مش عايزه
كلام كتير وبعدين بلاش تدخلي
نفسك في مشاكل الكبار انتي سامعه ولا لا
ناديه
شوفتي يا ماما بيعمل مغةيا اي واحد
غيرو كان شالني في عينه بعد ما
صبرت علي سافرو
الام
اسمعي يا بت هو رجع وخلاص
بقي ايد ورا وايد قدام يعني مش معاه
فلوس والعيشه اللي كنتي انتي عايشه مش هتشوفيها تاني بنتي لازم تطقي
منه وتخدي المؤخر
ناديه
مش عايزه الموضوع يوصل للمحاكم
الام
يوصل يا حبيبتي العيال مالهم انا عارفه
العيله دي مش سهله واكيد هيكونوا
عايزين يعملوا مشاكل وخلاص سيبي
الحوار عليا وانا هتصرف انتي سامعه ولا لا
وفي شقه ام عماد راح عماد وأمه قالت
الام
بسم الله الرحمن الرحيم انت موجود هنا
مش صحيتني
عماد
قولت اسيبك تصحي برحتك يا امي وكنت
بفكر انام بس مش عارف والله
الام
اوعي تقولي انك اتخانقت أنا ومراتك تاني
نفسي افهم بس اي اللي حصل ليها
مراتك مكنتش كده ي ابني والله
عماد
علشان الفلوس كانت بتتعامل معايا
كويس اول لما خلاص مش بقيت معايا فلوس
الام
اسمع ي ابني مراتك دي لازم تتقرص
واكيد لو رفعت عليك قضيه هتاخد
الشقه بالعفش
عماد
تعبي ازاي يروح كده ي امي لا طبعا انا لا يمكن
اوافق علي الكلام ده
الام
يبقي تسمع كلامي في كل كلمه اقولها
ليك علشان تقدر يا حبيبي تاخد
حقك منها تالت ومتلت
عماد
اكيد ي امي بس قوليلي اعمل اي بالظبط
وتاني يوم راحت ماما الشغل ودخل
زميلها وليد
وليد
ازيك يا ناديه عامله اي كل شويه
ادخل المكتب اشوفك جيتي ولا لا
عايز اتكلم معاكي في حوار
ناديه
خير ي وليد ع الصبح اوعي تقولي
انك برضه لسه زعلان انت ومراتك حرام عليك
ي ابني هو انت كل شويه نكد معاها
كده انا مش عارفه مراتك دي اي
وليد
والله ي. بنتي انا ما بعمل اي حاجه غلط
من وراها بس هي عالطول شكاكه وامها
بصراحه عالطول لعبه في دماغها
ناديه
لو منك اعمل كده بجد مش هي بتشك
فيك دائما حاسسها ان وجودها في البيت
ملوش لازمه اتكلم دائما في الموبيل
حسسها انك هتتجوز عليها والشرع حلل اربعه
وليد
تفتكري ممكن تتغير
ناديه
اكيد يعني هتتغير دي لو بتحبك بجد لو
مش بتحبك بقي يبقي الحمد لله
ان ربنا كشفها ليك وسبها من الاول كدم
وليد
بعد ي بخت عماد بيكي انا نفسي مراتي
تكون مهمته بنفسها شويه زيك كده
عالطول مش وراها الا البيت والعيال
وانا اخر حاجه في حياتها
ناديه
وأنا والله ياريت عجباه جوزي بعد ما استحملت
سفرو برا راجع عايز يعمل معايا مشاكل
وعايز يطلقني
وليد
اي ده بقولك اي احنا لازم نخرج
انهارده ونتكلم مع بعض شكلك
مخنوقه اوي وانا كمان
ناديه
خلاص بعد الشغل صحيح هو انت غيرت
عربيتك مش كده
