اعرف واحده كانت متزوجه من سنتين
اعرف واحدة كانت متجوزه بقالها سنين
و كان جوزها مطلع عينها
بس كانت دايما بتسامح و تعدي و تقنع نفسها ان دا العادي وانها لازم تتحمله
و تلاقي له ١٠٠ عذر و ١٠٠٠ مبرر ل اهماله ليها و قلة ذوقه
و انانيته ف حب نفسه اكتر من حبه ليها كلنا يأسنا من انها تسيبه
و شبه فقدنا الامل
و قلنا خلاص بقي طلاما هي قابلة العڈاب دا يبقي بلاش نتكلم اكتر من كدا ....
في الاول قولنا دي فنجرة بوء و حترجع تاني اول ما يصلحها ويكلمها حلو
كنا كلنا قاعدين و جه يصالحها
و هي بمنتهي الهدوء اللي فالدنيا لسانها ماسك ف جملة واحدة
انا اللي مش عايزاك
اللي جنني ان مافيش ولا دمعة نزلت من عينها ولا كأن في حاجة اصلا !!
يا بنتي يرضيكي يهديكي دا عشرة سنين وسنين ! طب هيتغير !!
غيرت رقمها
و سافرت اجازة تستجم مع اطفالها
و بقيت بتخرج
و تضحك و تهزر
و اشتغلت و ركزت ف شغلها
و كل حاجة تخليها تنسى وتبقى سعيده
كلنا كنا بنضرب اخماس ف اسداس !!!
ايه الجبروت دا !!!
مين دي اصلا !!!
هي دي اللي كانت بتتمناله الرضا يرضى
هي دي اللي كانت بتتنازل و تسامح و تعدي و تحايل و تيجي ع نفسها
اااه هي ع فكرة
كلنا عدى علينا العلاقات اللي مكناش مفكرين ان الاتنين دول ممكن يسيبوا بعض !
كلنا شوفنا طرف بيسحل طرف !
كلنا شوفنا الطرف الطيب لما فجأة يطلع جبروت الدنيا !
كلنا اتفاجئنا !
كلنا كنا متوقعين ان اخرت العلاقة دي ان القوي هو اللي يسيب الضعيف !
سبحان مغير قلوبنا من حال ل حال !
ماما دايما تقول مثل حلو اوي
كتر البكا بيعلم القاسېة
هو اللي خالاها ټعيط كتير و تتعجز و تتسند ع نفسها ف وقت ما كانت محتاجاه
هو اللي وصل ان وجوده يبقى زي عدمه لحد ما هي عرفت تخلي عدمه افضل
طلاما كدا كدا مالوش لازمة غير انه منكد عليها عيشتها و مرمط كرامتها
تخاف من عياطه
و احتياجه
و انكساره دا
عشان بعد كل الضعف دا هيفوق
و يتسند ع نفسه
و ساعتها هتبقي اول حد يستغنى عنه
القوي هو اللي بيحافظ ع العلاقة مش اللي بيستقوى ع اللي قدامه
اوعى تفكر انك هتفضل قوي ع طول !!!!
فعلا
كتر البكا بيعلم القاسيه
بلاش تقسوا ع اللي معاكوا عشان هتتفجأوا لما الدنيا تدور
ويستغل حب
وتنازل
ومراضيه الطرف التانى ليه
سواء راجل
أو ست
أو حتى بين الاخوه
والاصدقاء
ربنا يهدينا ويصلح حالنا جميعا ولا يجعلنا سببا فى ألم اى مخلوق
