اسمي احمد متجوز من تسع سنين وعندي بنتين

 اسمي احمد متجوز من تسع سنين وعندي بنتين احلي حاجه في حياتي ومامتهم اسمها مريمطبعا.
كنت ساكن في شقه كويسه جنب اهلي بس اترقيت في شغلي واتنقلت لموقع جديد للشركة في منطقة ساحلية بس في منطقة مقطوعة شويه.
الشركة وفرت لي شقة قريبة من موقع شغلي الجديد 
وبالفعل نقلنا فيها..بس مراتي مكنتش موافقة في الاول عشان مش عايزه تبعد عن أهلنا والعمار بس لما الحيت عليها وافقت..

ابتديت حكايتي لما في يوم مراتي قالتلي انها بتسمع اصوات غريبه في اوض الشقة ولما بتدخل تشوف في ايه مش بتلاقى حاجه.
كنت دايما بحاول اطمنها واقولها تهيئات بس عشان لسه مخدناش ع الشقه وكده وبيني وبينكم انا كمان مبصدقش في العفاريت والحاجات دي.
مراتي ابتدت تخاف وشكوتها زادت لما ابتدت تشوف حاجات كمان مش تسمع بس كمان بناتي بيقولوا انهم بيشوفوا حاجات غريبه.
صحيت من النوم علي صړاخ مراتي جريت بسرعة اتجاه الصړخة اللي كانت جايه من الحمام لقيتها واقعة ع الارض ومغمى عليها شيلتها اخدتها علي السرير وابتديت افوقها.
بعد وقت مش قليل فاقت وكانت مڤزوعة ومړعوبه جدا ومسكت فيا جامد وبتترعش وټعيط..
وتقولي لازم نمشي حالا من البيت ده مش ينفع نعد هنا تاني هيأذونا احنا وبناتنا..
هيأذونا هما مين وايه اللي حصل في الحمام 
انا سمعت صړخت وجريت ع الحمام لاقيتك واقعة ايه اللي حصل يا حبيبتي..
انا كنت داخله الحمام أغسل وشي وبعد مدخلت لاقيت باب الحمام اتقفل عليا جريت عليه وحاولت أفتحه متفتحش وحسيت بحد معايا في الحمام اټرعبت وقعدت ع الارض وفجأة اللمبة طفت واشتغلت بسرعه ولاقيت واحده شعرها طويل جدا ومنقوش وملامحها مرعبة في وشي ومحستش بحاجه تاني.
قولتلها يا حبيبتي انا سمعت صرختك رحت لاقيتك واقعه والباب مفتوح ومفيش حد غيرك..
تلاقي انتي اعصابك تعبانه شويه وزي ماقلتلك تهيئات وبعدين انا كل يوم برجع بليل وببقا صاحي لوقت متأخر ومشفتش اي حاجه ولا حسيت بحاجه.
بصراحه كنت حاسس انها هيا اللي بتعمل كل ده عشان مش عايزه تعد هنا وعايزنا نرجع تاني شقتنا في العمار وجنب أهلنا..
قالتلي انا مبكدبش عليك ولازم نمشي من هنا فورا انت مش خاېف عليا طب مش خاېف علي بناتك.. 
قولتلها طبعا خاېف عليكوا وخدتها في حضڼي لحد ما هديت خالص واطمنت ومحدش نام اليوم ده وجابت بناتنا ناموا معانا في اوضتنا.
الصبح كان لازم انزل شغلي مسبتهاش غير لما وعدتها اني هاخد أجازة ولما ارجع هنرجع شقتنا القديمة نغير جو ونشوف أهلنا عشان اعصابها تستريح. 
قضيت اليوم عادي في الشغل وخدت فعلا الاجازه وروحت علي الشقه خبط ع الباب فتحتلي..
قولتلها انا خدت الاجازه جهزتي نفسك عشان نسافر..
سابتني ومردتش عليا ودخلت الحمام 
قولت لسه اعصابها تعبانه دخلت اوضتي أغير هدومى لقيت بناتي علي السرير قعدت وسطهم