شفت جوزي وهو داخل شقه جارتي
انت في الصفحة 1 من 4 صفحات
أنا نوال عندي 29 سنه متجوزه بقالي سنتين لسه ماعنديش أطفال جوزي اسمه محمود شغال محاسب في شركة.
اتجوزنا في شقة ايجار وقعدنا فيها سنة وبعد السنة لاقينا الشقة اللي ساكنين فيها دلوقتي اشتريناها تمليك وعلشان الظروف اضطريت أبيع دهبي علشان نقدر نكمل تمنها.
حياتنا كانت هادية ومستقرة لحد ما الشقة اللي قصادنا سكنت !!
ست حلوة وصغيره وكمان مهتمه بنفسها.
بعد ما سكنت بأسبوع لاقيتها بتخبط فتحتلها
استغربت ازاي خرجت باللبس ده بره باب شقتها لانه مكشوف
قولتلها اتفضلي
قالتلي زهقت من القعده لوحدي قلت أجيلك أقعد معاكي شويه
قلتها يا أهلا بيكي
قالتلي مابتزهقيش من القعده لوحدك بشوف جوزك بيخرج بدري مش بييجي غير أخر النهار
قالتلي أنا بقي جوزي شغال في محافظه تانيه مش بييجي غير كل شهر أسبوع
وبقالي علي الحال ده أربع سنين بس لسه ما اتعودتش.
دردشنا شويه لحد ما جوزي جه أستأذنت وراحت شقتها
وتكررت الزيارات بيني وبينها
وفي يوم كنت أنا وجوزي بنتغدي والباب خبط
فتحت الباب لاقيت جارتنا لابسه لبس مكشوف أوي وقالتلي معلش خلي جوزك ييجي يشوف التكييف أحسن مش راضي يشتغل
قلتله استني أجي معاك قالي لأ خليكي
وراح جوزي يشوف التكييف وأنا علي ڼار ازاي سبته يروح معاها لوحدهم وهي باللبس ده وفضلت
دماغي تجيب وتودي لحد ما جوزي رجع
أول ما دخل قالي الريموت كان معلق وعملته قلتله تمام وسكت
قالي مالك
قلتله مافيش صدعت شويه.
و مارضيتش أتكلم معاه أحسن يقول عليا غيرانه منها
وهي كمان كل ما كانت تشوفني تقعد توصفلي قد ايه جوزي جدع وحنين
ويا بختي بيه.
بدأت أقلق منهم الاتنين بالذات لما لاحظت انها بتتعمد وقت رجوع جوزي من الشغل تقف قدام الباب بلبس مكشوف.
أما أنا بدأت أحاول أتجنبها علي قد ما أقدر.
وفي يوم علي ميعاد رجوع جوزي من الشغل كنت بخرج الزباله قدام باب الشقه شفت باب جارتي مفتوح دخلت وقفلت باب شقتي وفضلت واقفه ورا الباب أبص من العين السحرية لما جوزي طلع شفت جارتي ندت عليه ودخل معاها شقتها وقفلت الباب.
و بخبط علي الباب جامد.
ثواني والباب فتح لاقيتها خارجة ووشها بيجيب 100 لون.
قولتلها بعلو صوتي جوزي عندك بيعمل أيه
قبل ما تتكلم لاقيته خارج لي أول مرة أشوف وشه مخطۏف كده
و قالي في إيه
قلتله أنت اللي في إيه أنت بتعمل إيه هنا
قولتله وفين جوزها اللي هتصالحها عليه ده
وراح شاددني من إيدي ودخلني شقتنا.
وهي واقفة مش قادره تنطق.
وقعد يحلفلي أن مافيش حاجة وأن نيته سليمة وهو واسطة خير مش أكتر وحرام عليا لأن العماره
كلها إتفرجت علينا وإن أنا بغير من هدومي وماينفعش كده وما ينفعش أرمي الناس بالباطل أومال لو ما كنتش جايباه من شقتها كان قالي إيه
وبعد ما كان بيتحايل عاوز يقلب الطرابيزه عليا ياااااه علي البجاحة وكانت خناقة كبيره طلعت منها في الاخر أنو حتي السلام مش هيرميه عليها وياريت أستريح وأبطل غيره
و طلعت أنا في الأخر شكاكة وما عنديش ثقة في نفسي.
و للأسف الخناقة اللي حصلت دي ما كانتش في مصلحتي خالص
و أخد حذره مني أوي.
بس أنا ما كنتش بدور وراه علشان أخرب بيتي بالعكس أنا كان نفسي أتأكد إن مافيش بينهم حاجه علشان قلبي يطمن لأني كنت حاسه
