((جوزي صعيدي))
انت في الصفحة 1 من 6 صفحات
جوزي صعيدي جبار
الجزء الأول
وقبل مانبدا حكايتنا اعرفكم على بطلتنا اسمها ليلى عندها 17 سنة من الصعيد لسه بتدرس في المدرسه وفي يوم ابوها فواز قال لأمها
اسمعي يا كريمة البت ليلى لازم تتجوز واني بجول كفايه عليها علام لحد أكده
كريمة
جرا ايه يافواز انت عايز تجوز بتك وهي لسه صغيرة أكده اني مش موافجة على الكلام ديه
لاه هجوزها يعني هجوزها وكفايه علام لحد أكده معنديش بنات تتعلم كفايه عليها أكده
كريمة
اني بس عايزة اعرف ايه اللي في راسك فهمني ياراجل انت مكنتش أكده لحد يومين وكنت عمال تجول انك هتخليها تتعلم وتكمل للجامعه
فواز
غيرت راي ومش هرجع فيه تاني والعريس موجود خلاص واني موافج عليه وكلمة زيادة هكون مطلجك وراميكي انتي وهي في الشارع انتي فاهمة ولا لاه
وااه ايه اللي جرا لك بس يافواز انت الظاهر أكده جرا لمخك حاجة انت مش عايز تتفاهم ليه أكده
فواز
عشان اني جولت اللي عندي ومش عايز كلام تاني في الحوار ديه وليلى هتتجوز يعني هتتجوز خلص الكلام
قال كلامها ده وسابها ودخل جوه وكريمة قالت لنفسها
اني مش فاهمة انت ايه اللي في راسك يافواز ربنا يستر علي اللي جاي
هو ابوي كان بيزعج ليه ياما اني كنت سامعه صوته من جوه بس مرضتش اخرج جولت ليتعصب عليا
كريمة
كويس انك مخرجتيش من جوه ابوكي ناوي يجوزك يا ليلي ويخليكي تخرجي من التعليم مش عايزك تكملي تعليم
ليلى بحزن
وااه ليه ياما أكده اني عايزة اكمل علام وادخل الجامعة والنبي ياما بلاش موضوع الجواز ديه اني معايزاش اتجوز دلوك خالص
واني بيدي ايه بس يابتي اني معرفاش اجف جصاده اني اعمل ايه بس انتي عارفه ابوكي لما بيصمم على حاجة بيبجا عامل كيف
ليلى
بس انتو أكده هتظلموني لو خرجتوني من التعليم واني نفسي اكمل حرام والله عليكم أكده
كريمة
اسمعي يابت انتي ابوكي خلاص اللي في راسه هيعمله يعني هيعمله وانتي خلاص لازم توافجي رضيتي ولا لاه انتي لازم توافجي
والله يابتي ڠصب عني اني اجي عليكي أكده لكن هعمل ايه في ابوكي واللي في دماغه ديه هو عايز يعمل اللي في راسه وبس
وعدت الايام وفواز كان ماشي في الشارع وقابله هاشم اللي عايز يتجوز ليلى وقالو
كيفك يافواز انشالله تكون بخير
فواز
اني بخير ياهاشم الحمدلله ياولدي كيفك ان
اني بخير وكنت عايز اعرف عملت ايه في موضوعي اني وليلى بتك هاا وافجت ولا لسه عشان اجيب امي واجي نطلب يدها
فواز
ان شاء الله جريب جوي هرد عليك ياهاشم ومتجلجش ان شاء الله خير
هاشم
اسمع يافواز اني طلبت منك بتك وحولت لك اللي فيها ولو انت رفضت او هي رفضت هيبجا وجتها عليا وعلى أعدائي اظن انت فاهمني زين
فواز
فاهمك ياهاشم فاهمك خلاص بجا جولت لك اديني بس شوية وجت واني هرد عليك بالموافجة
هاشم
ماشي واني في انتظارك ياااا عمي هاهاها
قال كلامه وسابه ومشي وفواز قال
ربنا يسترها عليا منك ياهاشم اني عارف ان الحكاية مش هتعدي بالساهل أكده واصل
ورجع البيت وقال لكريمة
ها ياكريمة لينتي راس بتك ولا لسه
كريمة
بتك مش عايزة يافواز واني بجولك ياخويا فكر تاني في الموضوع ديه مضيعش البت منينا
فواز
اضيعها كيف يامره انتي اني عايز اجوز البت واسترها يعني مش هعمل فيها حاجة عفشه لاسمح الله اني عايز اشوفها احسن واحده في الدنيا
كريمة
بس هي عايزة تكمل علامها يافواز ومعايزاش تتجوز دلوك وبعدين البت صغيرة ومش حمل جواز ومسؤلية والحاجات اللي انت عارفها دي فكر شوية يافواز وشوف مصلحة بتك
فواز
اني شايف مصلحة بتي في الجوازة دي ومن اهنه ورايح كلمتي هي اللي هتمشي وزي ماجولت هي مش هتكمل علام وهتتجوز يعني هتتجوز خلاص خلص الكلام
وخرجت ليلى من جوه وقالت لابوها
انت بتعمل معايا أكده ليه يابوي وعايز تجوزني ڠصب عني من مېتة وانت بتغصب عليا حاجة انت طول عمرك بتجولي اني بتك الوحيدة وانك عايز تشوفني احسن واحده في الدنيا ليه بجا غيرت رايك دلوك
فايز
عشان في حاجات كاتير اتغيرت وبعدين اني بدور على مصلحتك ومش عايز غيرها فانتي لازم تسمعي كلامي واني مش هضرك يابتي
ليلى
لاه يابوي هضرني بجوازي واني نفسي اكمل تعليمي اني لو اتجوزت هسيب التعليم وبكده مش هكمل مش أكده
فواز
وهو اللي اتعلمو خدو ايه بالعلام والبت اخرتها الجواز وخلاص وانتي هتتجوزي جوازه حلوه جوي وعيشه مرتاحة يابتي افهميني بجا
ليلى
لاه يابوي برضك معايزاش اتجوز ولو صممت يابوي اني هرفض برضك
فواز
واني قولتها كلمة ومش هتنيها تاني واللي عندي جولته وإياكي اسمعك تجولي كلمة معايزاش دي تاني انتي فاهمة ولا لاه
وسبها ومشي وهي قالت لأمها
انتي مرافجة على اللي بيحصل ديه ياما انتي شايفاه عمايل ابوي ياما انتي راضية بكده
كريمة
طيب اعمل ايه بس يابتي هو اني في يدي حاجة اعملها ومعلمتهاش ابوكي في حد لاعب في دماغه جامد ومخليه مش شايف حاجة غير الجواز وبس
ليلى
خلاص اتكلمي معاه مره تانية عشان اني مش عايزة اتجوز بدال ماولع في روحي واريحكم مني خالص ياما
قالت كلامها وسابت امها ودخلت جوه وفضلت كريمة قاعده محتارة ومش عارفه تعمل ايه
وعند هاشم قال لأمه
خلاص ياما اني اتكلمت مع فواز وهو خلاص اتكلم مع بته عشان نروحو ونطلبها
الام
اني مش عارفه اشمعنا بت فواز ياولدي ما البنات على جفا مين يشيل اشمعنا بت كريمة يعني
هاشم
عشان اني بحبها ياما وعايزها وخلاص اني مش هتجوز غيرها عشان اني بحبها
الام
والله لو جبتها وركبتك بنت فواز دي ياهاشم لاهتكون انت ابني ولا اعرفك انت فاهم ولا لا
هاشم
وااه ياما ايه اللي عتجولية ديه ما انتي عارفه ان ولدك راجل وبيعرف يتصرف كويس جوي كيف يعني هي هتركبني اني راجل ياما
الام
لما نشوف ياعين امك اصل الراجل لما يعشج الواحدة تركبة الله يرحمة ابوك كان ممشيني على العجين وكان جامد وكنت بخاف منيه جوي اني عايزاك تبجا كيف ابوكي أكده
هاشم
حاضر ياما اوعدك اني اخليها تمشي على العجين ومتكسرليش كلمة واصل وبكره تشوفي
وبعدها بكام يوم فواز قال لمراتة
الناس جايين بكرة ياكريمة خلي بتك تحضر حالها عشان العريس جاي هو وعمة وكمان هنقرا فتحتها على هاشم خليها تجهز
كريمة
يعني انت برضك مصمم انك تجوز بتك بالطريجة دي يافواز ربنا يسترها عليكي يابتي
فواز
اني مفاهمش انتي ليه معترضة على هاشم ماله يعني الراجل جدع وشاري البت ومالي مركزه واي حد في الناحية كلاتها يتمناه لبته انتي معترضة ليه ياكريمة
كريمة
عشان بتي لسه صغيرة ونفسها تكمل علامها وتبجا حاجة كابيرة وانت عارف أكده وكنت عمال تجشعها ايه اللي جرا بجا وخلاك تغير رأيك وتجول انها تتجوز دلوك
فواز
عشان ااا عشان اني حسبتها صح ولجيت ان العلام ممنوش فايدة وان البنته اخرتها الجواز وانها تروح بيت جوزها وتعيش فيه انما العلام والكلام الفارغ ديه لا بيجدم ولا بياخر
كريمة
شكلك أكده مفيش فايدة في الكلام وياك ومصمم على اللي في راسك يافواز وشكلها هتيجي على رأس بتي في الاخر فانا بجولك من دلوك البت لو مرتاحتش في الجوازه ديه اني بنفسي هطلب
