(حمايا عشان الفلوس طلقني من جوزي)
كنت جوه قولت اوضب نفسي والبس هدوم نضيفه
جمالات
حبيبي ياخويا عامل ايه وحشتني اوي
شريف
انتي كمان ياجمالات وحشتيني اوي
جمالات
بس انت خاسس ليه كده ياحبيبي هي الوليه مراتك دي مش بتاكلك ولا ايه
شريف
لا ياجمالات بتاكلني كويس بس انتي عارفة بقا اكل الأجانب بيبقا عبارة عن مسلوق وبس مفيش بقا محشي ولا الكلام ده وبيني وبينك انا اتعودت على كده
بس بصراحة ياشريف انت زي مانت لسه شباب
شريف
شكرا يا ام أسامة انا عارف انك بس بتجامليني
نادية
ليه يعنى هجاملك ليه بس انا بقولك الحقيقه ده احنا حتى بندور لك على عروسه
اسامة
ههههه انتو عايزين تجوزوني لا انا مش عايز غير مواصفات في دماغي بس
وساعتها دخلت عليهم وقولت
سلام عليكم ورحمة الله وبركاته ازيك يا عمي حمد الله على السلامة
مين القمر دي ياعماد انتو خلفتو من ورايا ولا ايه
نادية
ههههه لا ياخويا مخلفناش غير أسامة بس دي بقا تبقا مراته
شريف
واااو معقول دي مرات أسامة ده الواد محظوظ بقا عشان يتجوز القمر ده كله
عماد
ااا اومال ايه أسامة ابني طول عمره زوقة حلو ياشريف
وانتي اسمك ايه يامرات أسامة
هيام
اسمي هيام وبصيت لحمايا وقولت له احضر الغدا ياعمي هو أسامة على وصول دلوقتي
عماد
ماشي ياهيام حضري يابنتي
هيام
حاضر عن اذنكم
ومشيت من قدامهم وكل ده وشريف سرحان فيا وفي جمالي وجمالات بتكلمه بتقوله
وأن شاء الله ياشريف قاعد معانا في مصر مده اد ايه
جمالات
شريف شريف انت مش معانا ولا ايه
شريف انتبه لكلامها وقالها
هاه انتي بتكلميني ياجمالات معلش انا مش واخد بالي اعذريني
جمالات
ااه انا بس كنت بسالك انت قاعد في مصر اد ايه المده يعنى
شريف
مش عارف ياجمالات بس شكلي كده هطول شوية
وبعد شوية رجع أسامة ودخل رحب بعمة وحطيت الاكل وفضل ياكلو وشريف قال
نادية
دي هيام مرات ابني اللي طبخت الاكل ده كله ياشريف وعلى فكرة انا اللي معلماها كل حاجة
شريف بص لي باعجاب وقالي
مشاء الله عليكي ياهيام تسلم ايدك الاكل بجد تحفه جدا
هيام
الف هنا وشفا ياعمي تحب اجبلك حاجة تانية
لا لا تجيبي ايه بس تاني ده انا اكلت لما قولت يابس كفاية كده انا مش عايز يبقالي كرش زي الرجاله المصريين ههههه
جمالات
ياحبيبي كول هو ايه يعني لو عندك كرش ده حتي خاسس على الآخر لا لا انت لازم تتغذى
شريف
ايه ياجمالات انتي هتعملي زي امك الله يرحمك كانت بتفضل تزغط فيا
جمالات
الله يرحمها كانت موصياني انا وعماد عليك ياحبيبي
شريف
الله يرحمها على العموم انا شبعت شكرا على الاكل الجميل ده ياهيام بجد تسلم ايدك
عماد
تعالي ياشريف ندخل الصالون هيام اعملي لنا القهوة المظبوطة بقا انا وعمك
هيام
عيوني ياعمي حاضر ودخلت عملت القهوة ولقيت أسامة داخل يقولي
تسلم ايدك ياست البنات شرفتينا قدام الضيف
هيام
انا اعمل اي حاجه عشان خاطر عيونك انت ياحبيبي برغم كلام امك ليا وتهزيقها بس بحبك برضو
أسامة
انا عارف انك مش بتزعلي منها يلا بقا اعملي القهوة وهاتيها
عند عمي وأخوه في الصالون شريف قال
واسامة ابنك بقا عامل ايه في شغله ياعماد الدنيا ماشية ولا ايه الظروف
عماد
والله انا مش عارف اقولك ايه ياخويا ياشريف أسامة ابني الحال واقف معاه جدا ونفسه يعمل مشروع عمره بس منين هيجيب منين
شريف حس ان حمايا بيرمي على حاجه فرد وقاله
ااه طيب ربنا يوفقه يارب
وفضل قاعد شوية كتير وبقيت حاسه بنظراتة ليا ومشي شريف
وعدي كام يوم عادي وكان بيجي عندنا
