(حمايا عشان الفلوس طلقني من جوزي)
في اوقات حمايا وجوزي مش بيكونو موجودين فيها
وفي يوم شريف قال لعمي
بقولك ايه ياعماد انا مستعد ادي أسامة ابنك مبلغ مكنش يحلم بيه عشان يعمل مشروعة
عماد بفرحة
انت بتتكلم بجد ياشريف انا كنت عارف اني أسامة ابن أخوة مش هيهون عليك تسيبة كده من غير مساعده
شريف
مينفعش طبعا اسيبة ياعماد ده ابن اخويا الكبير الغالى بس انا ليا شرط هيوافق عليه هديله اتنين مليون جنية في لحظة
اي شرط انت تطلبه ياخويا هو ينفذه علطول
شريف
يطلق هيام مراتة واتجوزها انا ها قولت ايه
عماد اټصدم وقال
ايييه انت بتقول ايه ياشريف انت عايز ابني يطلق مراتة عشان اجوزها لك
شريف
ايوه ياعماد زي مانا قولت لك كده أسامة يطلق هيام ياخد مني اتنين مليون جنية ولو عايز اكتر انا مستعد ادفعله بس ينفذ ويطلق انا هسيبك تقوله وتفكرو في الموضوع وتردو عليا اظن ده عرض مايترفضش
وعماد نده لحماتي وقال لها
تعالي يانادية عايزك في موضوع كده تعالي ندخل جوه وقالي اطلعي انتي ياهيام شقتك
هيام
حاضر ياعمي يعني مش محتاجين مني حاجة
عماد
لا يابنتي اطلعي ولما نعوزك هبقا انادي عليكي
في ايه ياعماد مالك عايزني في ايه وبعدين ياخويا دخلت الاوضة انت واخوك عمالين ترغو هو ايه الموضوع بالظبط فهمني
عماد
انا هفهمك كل حاجة بس مش عارف اللي انا فيه ده حلم ولا علم اصلها حاجة تمخول العقل يانادية وحكاية متتصدق
نادية
يووو هو في ايه ياراجل ماتقول علطول ايه اللي حصل بينك وبين اخوك
شريف كان قاعد معايا دلوقتي واتكلمت معاه في موضوع أسامة ابننا هو كان بيسالني عامل ايه في شغله وكده وبعدين انا قولت انتهزها فرصه واقول له ان أسامة نفسه يعمل مشروع بس مفيش فلوس معاه خالص ومحتاج فلوس تصوري رد قال لي ايه يانادية
نادية
قال لك ايه ياعماد اكيد مرضاش يديك فلوس طبعا ااه ماهو اكيد اتعلم البخل في بلاد بره
بخل ايه ياوليه انتي كمان ده قالي انه مستعد يدي أسامة اتنين مليون جنية ولو عايز اكتر ياخد
نادية شهقة وضړبت بايديها على صدرها وقالت
يلهوي اتنين مليون جنيييه ياعماد وبيقولك يمكن اكتر كمان هو انا بحلم ولا ايه
عماد
لا يانادية مش بتحلمي لانه فعلا قالي كده بس المهم أسامة ينفذ الشرط اللي قالي عليه شريف
هو قال لك بشرط وده شرط ايه ياخوي ده بقا
عماد
مش عارف اقول ايه هتستغربي يانادية
نادية
هستغرب ليه ماتقول ياراجل علطول وغوشتني
عماد
شريف عايز أسامة يطلق هيام عشان يتجوزها هو ولو نفذ هيديلو الفلوس علطول غير كده مفيش فلوس
نادية اټصدمت وفضلت ساكتة عماد قالها
ايه يانادية انتي ساكتة ليه ماتردي هنعمل ايه
نادية
مش عارفه ياعماد بس انا ان كان عليا موافقه طبعا دي فرصة متتعوضتش ياخويا واذا كان على السوخامة دي ممكن بالفلوس يتجوز ست ستها بس المهم ابنك يوافق
عماد
بصي بصراحة المبلغ مغري اوي بس أسامة عمره ماهيوافق يطلق مراته انا عارف كده كويس
نادية
ما انا وانت بقا نقعد معاه ونقنعه ونضغط عليه واظن قدام الفلوس دي كلها مش هايقول لا
عماد
اسمعي انا هخرج نفسي من الموضوع ده ولا اقولك هاشوف لما يرجع هنقوله ازاى
ورجع أسامة من الشغل ودخل ملقانيش عند امه تحت قالها
امال هيام فين يا أمي مش هنا ولا ايه
ناديه
لا ياحبيبي دي طلعت فوق بقولك ايه يا اسامة تعالي عايزاك في موضوع كده انا وابوك
أسامة
خير يا أمي
