عايرة اختها بالفقر

عايرت اختها بالفقروانها احسن واجمل منها وان جوزها محلتوش حاجه بس لما دارت السنين رد ربنا كان.........
انا منال عندي 33 سنة وحكايتي بدأت لما.....
..
صابر...
انا مبقتش عارف اعمل اي المرتب بقا بيخلص بعد 15 يوم في الشهر والشغل التاني اللي بشتغله يا دوب بنسد منه الايجار ومصاريف دروس العيال...
منال ...
مانا قلتلك سيبني انزل اشتغل واساعد معاك انت اللي مش راضي ومنشف دماغك...

صابر..
انتي بتقولي اي يا منال يعني علي اخر الزمن اسيبك تنزلي تشتغلي طيب والبيت والعيال مين هيخلي باله منهم..
منال...
انت ملكش دعوه بأي حاجة أنا هعرف أرتب اموري متشغلش بالك انت...
صابر...
انا قلت لا يعني لا واوعاكي تفتحي سيرة الموضوع ده تاني... انا مش هسمح انك تنزلي تشتغلي وسط الرجالة وكمان ترجعي من الشغل تعبانة ده غير عيالك والبيت ده هد حيل...
منال ..
انا كان بس قصدي اساعد معاك بدل زنقة كل شهر.
صابر.. 
إن شاء الله هتفرج وزي ما ربنا بيدبرها كل شهر هتدبر كمان الشهر ده....المهم انتي عاملة لينا اي علي الغدا...
منال. 
انا عاملة مسقعة من اللي قلبك يحبها...
حسام الابن الأكبر عندهم 12 سنة...
هو كل يوم مسقعة مسقعة في اختراع اسمه لحمة وفراخ وسمك .
منال..
ما أنت لسة واكل الفراخ من كام يوم...
حسام. 
شفتي اهه قلتي بنفسك من كام يوم مش من يومين...فك الكيس بقا يا بابا عايزين نغير من جو المسقعة والفول...
الأب صابر بحزن..
حاضر يا حبيبي أن شاء الله بس كام يوم وهجيبلكم كل حاجة نفسكم فيها.
حسام...
هوف امتة بس انت كل يوم يا بابا تقول نفس الكلام وبرضه بنرجع ناكل مسقعة وفول...
منال. 
اسكت بقا يا حسام سيب ابوك يتغدي عشان ينزل شغله...
حسام. 
حاضر سكتنا وأمرنا لله وبعد ما خلصوا غدا...
منال..
انا آسفة يا حبيبي علي الكلام اللي قاله ليك حسام انت عارف ان حسام ابنك لسانه متبري منه والنبي متزعل روحك..
صابر. 
الولد معاه حق يا منال ده بقالهم 15 يوم مداقوش اي لحمة.. ودول اطفال ملهمش ذنب في اي حاجة..
منال...
وانت يعني كنت قصرت في حاجة انت عملت اللي عليك وزيادة......
صابر...
أنا همشي دلوقتي عشان متأخرش علي معاد الشغل....وبعد ما بيمشي...
منال.. 
كدة يا حسام تزعل ابوك منك كان لازم يعني تفتح معاه سيرة اللحمة...
حسام..
ولاد خالتي صفاء كل يوم بياكلوا لحمة وبانيه وفراخ واحنا بندوقها في الشهر مرة...
منال بحزن...
بس احنا ظروفنا علي قدنا...
حسام..
وليه ميبقاش معانا فلوس كتير زيهم ونجيب كل حاجة نفسنا فيها..
منال...
عشان دي أرزاق وربنا هو اللي مقسمها وكل واحد بياخد رزقه ونصيبه وبس..
حسام...
ياريت طلعنا اغنية بدل الفقر اللي احنا فيه ده....
منال...
وبعدين معاك يا حسام انت كدة هتزعلني منك ويلا خش ذاكر عشان تطلع الاول زي كل سنة.. 
حسام. 
ماما هو انا ممكن اسالك سؤال ...
منال.. 
اللهم طولك يا روح... اتفضل اسال يا اخر صبري...
حسام.. 
هو انتي ليه متجوزتيش