عايرة اختها بالفقر
قدام الناس اللي جايه.... وكمان عايزك تنزلي النهارده تروحي اكبر محل هدوم وتجيبي ليكي فستان سواريه...
صفاء....
اذا كان فيها فستان سواريه فانا موافقه على اي حاجه......
سامح....
واذا كان على اختك انا هبقى اخليه السواق يبعت ليهم اي حاجه من الاكل اللي في الحفله انا عارف ان اللحمه والفراخ والجاتوه مش بيدخل بيتهم غير في المناسبات وبس..... عشان بس تعرفي ان قلبي طيب...
لا ما تبعتش اي حاجه خليها كده عشان تجرب الفقر كويس اللي انا ياما حذرتها منه...
سامح...
ايوه يا حبيبتي بس دي برده مهما كان تبقى اختي وانت عارفه ان قلبي طيب ومش هينفع اسيبها كده..
صفاء....
انا بقى هسيبها كده ومش هتاخذ من هنا اي حاجه وكويس انك انت ما عزمتهاش عشان ما تحسدناش على الخير والنعيم اللي احنا فيه...
طيب يا حبيبتي اللي تشوفيه انا هعمله المهم انا عازم ناس من علية القوم ولازم تكون الحفله حاجه تشرف...... عشان كده انا اختارت فندق خمس نجوم نعمل فيه الحفله بتاعت عيد ميلاد ابننا كريم....
صفاء....
بجد يا حبيبي دي هتبقى احلى حفله حصلت......
بعد يومين عند منال....
صابر...
مالك يا منال يعني قاعده كده زعلانه هو في حاجه حصلت ولا ايه
ها ما فيش حاجه انا بس كنت بفكر في حاجه كده..
صابر...
عليا انا برده هو انا مش عارفك ده احنا عشره اكثر من 13 سنه قولي بقى في ايه....
منال بتفتح الفيس بتاعها
بص كده يا صابر دي اختي وزوجها عملوا الحفله بتاعت ابنهم وما عزموناش...
صابر بيحاول يتدارك الموقف...
ما يمكن يا حبيبتي نسيو يعزمونا انت عارفه ان الناس دلوقتي بقت تنشغل...
انت بتقول كده بس عشان انا ما ازعلش لكن انا وانت عارفين امال ايه معزموناش اختي بتستعر مننا..
صابر...
اول واخر مره اسمعك تقولي الكلام ده احنا صحيح فقرا وعلى قد حالنا لكن عندنا اللي مش موجود عند أي حد.... كفايه كرامتنا وعزت نفسنا عمرنا ما تحوجنا لاي حد....
منال بحزن....
تقدر تقول لي ايه السبب اللي يخلي اختي ما تعزمنيش في عيد ميلاد ابنها...
اظن قلت لك يمكن نسيوا او يمكن هم مش عايزيننا نكون موجودين في الاساس في كلا الحالتين الموضوع ما يفرقش معانا ومش عايز الموضوع ده يسيطر على تفكيرك....... انت لازم تطلعي احسن منها وتتصلي عليها في التليفون وتقولي ليها كل سنة وابنها طيب...
منال...
انت بتقول ايه يا صابر انا مستحيل اعمل حاجه زي كده انت لسه دلوقتي بتقول كرامتنا...
اللي بقوله ده هو الكرامه انت كده هتبيني ليها انه مش فارق معاكي... وصدقيني لو الظروف كانت تسمح انا كنت قلت لك تشتري هدية وتبعتيها ليها...لكن الظروف والوقت ميسمحوش.... انا عايزك دلوقتي تكوني قويه وتتصلي بيها يلا..
منال....
ايوا يا حبيبي بسسسسس
صابر...
وبعدين انا قلت ايه اتصلي بيها....
منال...
حاضر يا حبيبي طالما انت شايف كده انا هعمل اللي
