فاطمه
انت في الصفحة 1 من 5 صفحات
فاطمة
الحلقة_الأولى
اقدر اقول ان الفراغ هو الدافع الوحيد اللي خلاني في اليوم دا افتح ال Others وابص في الرسايل اللي مبعوتالي ..
كل كاتب لما بيخلص قصة جديدة بيحس بالفراغ والخواء الداخلي احنا مش بنكتب حروف احنا بنكتب من روحنا وتجربتنا في الحياة الناس شايفانا مجرد مخرفين بيختلقوا أحداث وهمية علشان مغيبين تانيين عارفين كويس أوي انها مش حقيقية بس بيقرروا بكامل إرادتهم يتواطؤوا معانا ويصدقوا الوهم دا ..
بقالي اكتر من سنة عايش مع شخصيات الرواية دي وماليين عليا حياتي عايش معاهم كإنهم أشخاص حقيقيين من لحم ودم كإنهم اصحابي مثلا ممكن يكون السبب في دا اني واحد كسر حاجز الستين سنة وعايش لوحدي تماما بعد ما مراتي وولادي ماتوا في حريقة الشقة اللي انا كنت السبب فيها شغلي في وزارة الثقافة كان سادد جانب كبير جدا من الفراغ دا وكان شاغل وقتي وسارقني من نفسي ومن أفكاري لكن بعد ما خرجت معاش لقيت نفسي في وحدة ممېتة ..
الرواية الأخيرة تحديدا انا عشت مع شخصياتها وارتبطت بيهم اكتر من اللازم ..
وخصوصا فاطمة بطلة الرواية اللي اټقتلت في آخر الاحداث فاطمة بطرس صليب ..
فاطمة كانت عايشة معايه حياتي يوم بيوم كنت بصحى الصبح اعيش معاها على الورق لحد ما انام بالليل وكان أصعب قرار خدته في حياتي هو قرار ان فاطمة ټموت ..
كنت مخير بين اني اقتل فاطمة في الخيال او اقتل الف زيها في الواقع واخترت اني اقتل فاطمة .. ماټت فاطمة وسابتني اعيش تاني لوحدي ..
دا كان الجو العام في حياتي قبل ما افتح رسايل ال other واشوف الناس باعتالي ايه ..
رسايل كتير اوي ..
اكتر من الف رسالة هقرالكم عينات منها ..
القصة جميلة جدا يسلم قلمك
نفسي
