صړخت على الطريق
يا ميس
قالت وهي تهرول خلفه داخل مكتبه أيوة جسار بيه في زباين جديدة حددت ليهم مواعيد مناسبة وكمان صاحب قضية عايز يقابل حضرتك ضروري بيقول في أمور جدت هتقوي موقفه في القضية وفي كمان زبونة عايزة تقابل حضرتك انهاردة وبتقول قضيتها صعبة
تمام انا قدامي ساعتين اللي يجي هقابله
طيب واستاذة سارة موجودة في مكتبها
تمام اطلبيلي فنجان قهوة مع مسكن الصداع هيفرتك دماغي
ألف سلامة علي حضرتك حالا هجيبهم
وواصلت بفخر وألف مبروك لحضرتك مش غريب عليك مكسب جديد ينضاف للقصايا اللي ربحتها
ابتسم بتواضع الحمد لله يا ميس يلا الحقيني بالقهوة والمسكن
ابتلع قرص المسكن واحتسي قهوته ثم ارتد للوراء مسترخيا علي ظهر مقعده يحاول نيل بعض الهدوء سمع طرقا علي الباب تبعه دخول ميس
الست اللي طلبت تقابل حضرتك انهاردة وصلت ومعاها واحدة تانية
استعاد نشاطه معتدلا بجلسته تمام خليهم يتفضلوا
عبرت سيدة تلقى التحية تصحبها فتاة ما أن أبصرها جسار حتى أهتزت أهدابه پصدمة للحظات قبل أن يتمالك رباطة جأشه من جديد مخفيا ما اعتراه ببراعة مجيبا التحية وعليكم السلام
ليحين دور شمس لتصدم برؤيته
حملقت به لتتأكد أن هو ذاته ذاك العابث ودون أن تشعر مشطت سريعا هيئته التي طغي عليها الوقار وعوينات شفافة تضيف عليه هيبة وجاذبية خاصة وهو يهتف متجاهلا نظراتها تحت أمركم ازاي اقدر اخدمكم
قالت صديقتها المعنية بسبب الزيارة أنا جيت لحضرتك بعد ما نصحوني ولاد حلال ان انت بعد ربنا اللي هتقدر ترجعلي حقي اللي اخده مني جوزي وأهله
راحت السيدة تسرد ما لديها باستفاضة فانخرط ذهنه بما تقصه متعاطف قلبا وقالبا مع قضيتها ليهتف بعدها واضح ان جوزك وأهله لعبوها صح لكن اطمني إن شاء الله هيتربوا علي ايدي أعتبري ان حقك رجعلك من دلوقت
كلماته الواثقة بثت فيها الأمل فصاحت بامتنان ربنا يكرمك يا استاذ جسار ماتتصورش كلامك لوحده ريحني ازاي وبالنسبة للأتعاب أنا
ظلت تتابع حوارهما وهي تختلس إليه النظرات وحدقتاها تقيمه بنظرة أخرى كأنه شخص أخر تماما لولا أنه ذات الأسم اللذي تعرفه لظنت انه شخص أخر يشبهه بينما تعمد جسار التغاضي عنها كأنه لم يعرفها رغم أنه مدركا لترقبها المختلس له لاحظ بنظرته الأولى حين رآها أن مظهرها على حاله مازالت ملامحها جادة ونظرتها قوية ربما بدت أنحف قليلا جمالها متواضع كما عهدها قبلا
منحها ابتسامة مطمئنة بإذن الله يا مدام ثقي في ربنا قبل اي حد
ونعم بالله
هنا فقط شيعها بنظرة قوية وهي تغادر مع رفيقتها نظرة ثاقبة تخبرها انه يذكرها تظاهرت أنها لم تعيره اهتماما وهي توصد الباب خلفها لكن هيهات أن تهدأ هذه الدقات المتواثبة في قلبها ماذا حدث!
حتي لو كان هو مالها وماله صار أوسم وأكثر جاذبية أضحت له هيبة وهو يتحدث بثقة ومهنية
لمعة عينه وهو يتفاعل مع مظلمة صديقتها
كأنه يتوعد بالويل لمن سلب حقها ليكسيه خيالها عباءة بطولية تتعجب أنها أثارتها هزت رأسها بقوة ناعتة ذاتها بالعته منذ متى تكترث لأحد وله هو بالذات ألم تناطحه يوما وهي تهدده أن يبتعد عن
ابنة عمها ألم تراه حينها مجرد شاب ماجن
هل ستعيد تقيمه الآن
لما ما الداعي
لن تكترث هو لقاء عابر ومضى
لن يتكرر ثانيا
لن يتكرر
قاطعت رفيقتها
سيل أفكارها وهي تقول
ما قولتليش يا شمس ايه رأيك في كلام المحامي
شكله واثق من نفسه اوي بصراحة كلامه طمني ومتفائلة
انتبهت لحديث صديقتها وقالت ها أه فعلا عندك حق واثق من نفسه عموما احنا جينا بعد ما ناس كتير
رشحوه ليكي ثم ربتت على كتفها بإذن الله حقك هيرجع يا نشوى
يارب ياشمس
ثم استأنفت شاكرة وألف شكر انك جيتي معايا ياقلبي وعطلتي نفسك
عيب ده احنا أصحاب أنا معاكي في اي حاجة ربنا ينصرك حبيبتي
مش دي شمس بنت عم سارة اللي خرجت دلوقت
غمغم جسار دون اهتمام أيوة هي يا أشرف
جاية ليه أوعي تقول جت تتخانق عشان سارة شغالة معاك!
قال بتهكم هو احنا لسه طلبة يا أشرف سارة بتشتغل هنا معايا گ محامية زيك انت وأدم بالظبط مش جاية تلعب عموما هي جت مع صديقتها عشان قضية تخصها مش أكتر وشكلها اتفاجأت بوجودي
فهمت أصل بصراحة لما شوفتها استغربت
طب سيبك منها وقولي ايه اخبار قضية شركة الصرافة أخدت فيها حكم
لسه الجلسة أتأجلت للاسبوع الجاي لأن في شهود جديدة بس اطمن هتكون مكسب جديد لمكتبنا يا جسار بيه
ابتسم الأخير عفارم عفارم على رأي جدي
هو جدك له عرق تركي
لا عشان كلمة عفارم يعني عادي دي مصطلحات جيله واستطرد أنا همشي لأني مجهد جدا تحب اوصلك
لأ بالسلامة انت أنا قاعد شوية
تمام أشوفك بكره
طب ماتعدي عليا بالليل نسهر شوية زي زمان
هشوف واقولك سلام
في رعاية الله يا متر
كانت قابعة بغرفتها منهمكة بمطالعة بعض الأوراق ولم تشعر بمن تسربت لغرفتها دون ان تنتبه لها
يا سيدي علي الناس المركزة في شغلها ومش دارية باللي حواليها
تفاجأت بها سارة ثم ابتسمت مرحبة حبيبتي يا مشمش وحشتيني ثم مازحتها وكالعادة بتدخلي بخفة زي اللصوص بالظبط محدش يحس بيها
أجابت ساخرة لا والله هو انتي شغلك مع المجرمين وفي المحاكم هيخليكي تتكلمي زي شارلوك هولمز
قهقهت سارة مجرمين فين ياحسرة أنا لسه يدوب بتولي قضايا
صغيرة علي قدي
بكره تبقي أحسن محامية في الدنيا يا سيرو
رفعت كفيها بالدعاء مع مسحة مرح يسمع منك ربنا يا مشمش المهم طمنيني عاملة ايه في شغلك
تمام الحمد لله بس حصل معايا حاجة غريبة امبارح مش هتصدقيها من غرابتها
ايه هي
روحت مع نشوي صاحبتي عند محامي زمايلنا نصحوها بيه ما انتي عارفة مشكلتها مع أهل جوزها
أيوة فعلا كلمتيني عنها المرة اللي فاتت المهم ايه الغريب اللي حصل
المحامي طلع هو نفسه الشاب بتاع البنات جسار اللي كنتي بت
توقفت عن المواصلة والأخيرة تتوتر لكنها تتظاهر بالهدوء وتعود لجلستها السابقة متظاهرة بعدم الاكتراث مع قولهع جسار مين مش واخدة بالي
رمقته بريبة سارة! بلاش نصاحة عليا ده انا شمس يعني عارفاكي كويس لما بتتوتري بيكون شكلك ازاي
ثم ضاقت عيناها وهي تتسائل سارة هو انتي لسه بتكلميه
ظلت تحدجها ببرود دون جواب فدنت منها هاتفة بهدوء حبيبتي انا عايزة اطمن عليكي والله مش أكتر بلاش تخبي عني احنا طول عمرنا سرنا مع بعض يا سارة
لانت ملامح الأخري بعض الشيء وهتفت تحذرها أكلمك بصراحة وما تتعصبيش وتفضلي تديني مواعظ وتوجعي دماغي زي عوايدك
أوعدك مش هعمل كده
تركت سارة مقعدها ونهضت قرب النافذة وغمغمت بصوت عميق من يوم ما خلصنا جامعة وانا من وقت للتاني بكلمه اطمن عليه عرفت ان جده كان مجهز له مكتب كبير يمارس في المحاماه وفعلا ربنا وفقه واول قضية كسبها كلمني هو طاير من الفرحة قالي انه خلاص لقى هدف ومعنى لحياته ومبقاش حاسس بفراغ زي الأول وفضل كل اما يكسب قضية يكلمني ومن كام شهر كده عرض عليا اشتغل معاه في المكتب أنا وأدم وافقت وسبت المكتب اللي كنت فيه وفضلت اروح مع جسار لأن بجد بقي مجتهد جدا وله صيت مش بسيط دلوقت بدليل انكم روحتوا له من صيته
شمس متعجبة غريبة أنا ماكنتش اعرف انك سبتي المكتب بتاع استاذ هاشم
التفتت لها تقول منا لو قولتلك يا شمس هروح اشتغل مع
جسار كنتي هتعمليها حكاية وتوجعي دماغي فسكت عشان مش نتخانق سوا
طالت شمس تحاصرها بنظرتها متفرسة قبل قولها أنتي لسه بتحبي جسار يا سارة
استدارت ثانيا تتطلع للأفق بعين شاخصة مش زي ما انتي فاهمة يا شمس
امال ازاي فهميني
تنهدت ومازالت شاردة في الأفق
لو حب واحدة لواحد كنت قدرت احدد ده بسهولة من زمان لكن دي حاجة مش عارفة اسميها لحد دلوقت يا شمس حتى هو كمان بحس جواه نفس الحيرة اللي عندي بس كأننا ضمنيا بطلنا نسأل سبب مشاعرنا دي ايه ثم التفتت إليها بعين تبرق صدقيني ياشمس جسار مش زي ما انتي كنتي فاهمة أنا دايما كنت بشوف في عيونه ضياع غريب كأنه تايه تعيس بس
دلوقت مابقيتش اشوف ده كأنه لما اشتغل ونجح لقي كيانه اللي كان بيدور عليه
سارة أنا خاېفة عليكي تعلقك بجسار غريب و مش مفهوم أنتي كده بشكل أو بأخر رابطة دنيتك به
مټخافيش عليا أنا بقيت أنضج بكتير وفهمتك الموضوع نطاقه أوسع من مشاعر محدودة بين اتنين واستطردت لتغير الموضوع سيبك مني بقى وطمنيني عليكي سمعت ان في عريس اتقدملك صح الكلام ده
هزت
كتفيها قالت ببساطة صح واترفض
يبقي تعالي جنب بنت عمك كده خلينا أنا وانتي نرفض العرسان لحد ما نبور علي رأي ماما ومامتك
قهقهت شمس وظلا يثرثران حتى رحلت عنها الأخيرة
راقب سعاله المتلاحق بقلق شديد وصاح جدي انت شكلك تعبان اوي هو العلاج مش جايب معاك نتيجة ولا ايه
غمغم بعد أن هدأت نوبة سعاله اطمن يا جسار انا بخير وبتحسن علي فكرة أنا كنت مريض اكتر من كده متخافش
ربت علي كتفه ربنا يشفيك ومايحرمنيش منك ابدا يا جدي
تبسم له بحنان ولا منك ياحبيبي قولي اخبار أخر قضية ايه كسبتها
ده سؤال برضو يا دكتور نادر
قهقه مع سعال قصير طلعت ولد مش سهل ثم برقت عينه فخرا ماتتصورش ازاي بقيت مرتاح باللي وصلتله ده يا جسار تعبي فيك مارحش هدر
الحمد لله ياجدي انا كمان اخيرا لقيت نفسي بعد الفراغ اللي كنت فيه وده بفضل ربنا ثم وجودك انت في حياتي يا غالي
ربت علي كتفه ثم قال تسلم ياحبيبي عندي ليك خبر حلو والدك و والدتك واخوك نازلين الشهر الجاي رائف أصلا كان نازل عشان ياخد أخر سنه له في كليه التجارة واحتمال مايرجعش للغربة تاني ويفضل معانا على طول
صاخ بسعادة حقيقية بتتكلم بجد يا جدي
اه والله يا حبيبي خلينا نتجمع بقى وافرح بيكم حواليا محدش عارف بكره هكون فين
أسرع بقوله والقلق يعود يحتله بعد الشړ عليك يا جدي أرجوك ماتتكلمش كده
انا مقدرش اتصور حياتي من غيرك انت كل حاجة بالنسبالي
رمقه الجد بغموض مع همسه يمكن في يوم تقابل ناس
هيحبوك أكتر مني اوعي وقتها
تنساني!
زوي جسار ما بين حاجبيه ناس
