يعني ايه موافقه يعني عايزه تتجوزي

الناس
عملت الاكل وانا دماغي في حته تانيه خالص..بس بدأت احس اني تعبانه ومش قادرة اقف دخلت وبدأ التعب يزيد عليا وناريمان كانت بټعيط وبتصرخ وانا مش قادرة اقوم اشوفها مش قادرة اسكتها قررت اني اروح لماما وخلاص..هعيش معاهم هناك مش مشكله هي بصراحه كانت شايله ناريمان عني وكنت ببقي مرتاحه ..
روحت عند ماما الي مكنتش فرحانه اني روحت واستقبلتني ببرود
وعلي قد ما الحياه هناك كانت هاديه وبسيطه وجميله ومريحه ليا
بس البيت كان كبير ومحتاج مجهود كبير لتنضيفه..
دا غير ان ماما كانت بتضايق من صړيخ ناريمان و هي اصلا مش بتبقي فاضيه لانهت طول الوقت مع بسمة بينقوا العفش والجهاز بتاعها..
وخطيب بسمة كان بييجي كتير ودا كان بيضايقني
ماما وبابا كانوا مرتاحين جدا هنا...انا كنت زي الي عكننت عليهم
وبعد خمس ايام ناريمان تعبت جدا ومكنش في دكتور في البلد 
فللأسف اضطريت اني انزل مصر تاني للدكتور بتاع ناريمان الي متابعها من ساعت ولادتها
صرفت فلوس الشهر كله علي ادويتها ومتابعه الدكتور
وميعاد تحويل هشام للفلوس كان لسه بدري عليه قررت اني اتصل به
وكنت مقرره خلاص اني هقوله اني حامل.. 
كان لازم اعرفه اني محتجاه معايا وبنته كمان محتاجه تكبر مع اب وام
انا متجوزتش علشان اعيش لوحدي 
انا تعبت ولازم يجي يشيل معايا مسؤليه بنته والبيبي الي جاى و 
ازاى هو مش بيفكر فينا وبيفكر في حياته ازاى ينجح في شغله ويطوره ويكبره بس .
قالي انه هينزل كمان شهرين وبقاله اربع شهور ومنزلش!
ازاي بنته خارج حسباته هكلمه واعرفه اني حامل لازم يرجع او ياخدنا معاه
اتصلت عليه لاقيت تليفونه غير متاح وكمان حمايا وحماتي مش بترد 
رنيت مرة واتنين وعشره مبيردش
وفضلت تلات ايام علي الحال ده ومش عارفه اوصله 
اتصلت بيارا لاقتها سافرت اټصدمت معقول سافرت !
ازاي وهي كانت بتقولي ان اهلها مش موافقين
ازاي سافرت من غير ما تقولي بس هتقولي ليه اصلا بصفتي مين يعني
هي دلوقتي
هناك مع هشام وانا هنا لوحدي
تلفونه غير متاح ودا شئ جايز ..
يا تري بتكلموا مع بعض بيخرجوا بيسهروا..بس يارا قالتلي انها هتسافر تشتغل بس!
اعمل ايه اروح فين دلوقتي اكلم مين يساعدني 
مش عارفه اتصرف محتاجه فلوس اكمل علاج بنتي وطلبات البيت والفواتير المتأخره
وبابا جهاز اختي مش هيقدر يساعدني فتحت الدولاب واخدت الاسوره الدهب
ابيعها بس دي شبكتي وغاليه عليا وكانت كل حته مختارينها مع بعض بس معنديش اختيار
تمن الاسوره الحمد لله كفاني وقت كتير لان لا قدرت اوصل لهشام ولا هو سأل فيا
ولادتي قربت وماما جت قعدت معايا وحكتلها علي كل حاجه ماما مقدرتش تساعدني بس كانت بتسمع وهي زعلانه على حالي 
سكت لحد ما قلت انا كل حاجه جوايا
دلال بصي ي مريم ..لازم تواجهي حياتك الي اخترتيها و ولازم تعشيها وانتي قويه شوفي إيه يقويكي واعمليه وكفايا بقي تستنيه لازم جوزك اما يرجع يشوفك احسن ما سابك..دا الطريق الي انتي اخترتيه ولازم تكمليه .
ماما فضلت معايا لحد ما ولدت وجبت داليا وفضلت اسبوع 
وكان لازم تسافر تاني لبابا اتحايلت عليها كتير
تفضل معايا
مريم ي ماما خليكي معايا ارجوكي
دلالمش هينفع ي مريم ..مش هينفع اسيب ابوكي واختك لوحدهم
مريم طب تعالي عيشي معانا..هاتي بابا وبسمة وتعالوا هنا
..
دلاللا طبعا حماتك وحماكي يقولوا اي وبعدين انا مش هرتاح غير في بيتي والحاجه بتاعتي والي ملكي دا غير فرح اختك كمان ايام
وجه يوم الفرح وكنت بجد محتاجه لفرحه اخرج فيها كل الضغط في الشهور الي فاتت جبت فستان سواريه وروحت الكوافير وعملت نيولوك بس ده بعد ما بعت اخر دهب معايا
ويوم الفرح صممت اني ابقي اجمل واحده في الفرح وجه يوم الفرح ..
علي صعيد اخر 
هشام انا عايز افهم ي يارا انتي مش موافقه ليه
ياراي هشام مينفعش دي صاحبتي اولا..ثانيا هي ضحت كتير عشانك وسابت مستقبلها ودراستها عشانك وقاعدة لوحدها في مصر عشان انت تحقق ذاتك وتكبر شركتك
هشام مين قالك انها ضحت عشاني .
انا علي فكرة انا محرمتهاش من حاجه..هي الي اختارت الحياه الاسهل اختارت تتجوز عشان متتعبش في التعليم والشغل وفي حياتها وسابت كل حاجه بمزاجها وانا قولتلها كتير تكمل تعليم وتروح الامتحانات وهي الي مرضتش بمزاجها وقولتلها مېت مرة اعملي اي نشاط اتعلمي اي حاجه بس هي الي مرضيتش 
عموما فكري
لينك البارت الخامس 
_قاصر
P 5 
جه يوم الفرح وكان أسطورى كنت لابسه فستان فيروزي مطرز بفصوص فضي علي شكل نجوم وبرنز بيلمع
عملت ميك أب رقيييق وهادي وحطيت تاج ماسي
لامع بفصوص فيروز ونجوم فضي
حتي الاكسسوار عقد كله نجوم وحلق علي شكل نجمه بتلمع
وشوز سيلڤير بفصوص فيروزي
لبسي كان لايق علي الفرح وفخامته
سيبت بناتي الاتنين مع الحجه صفية وهي ست ربنا مرزقهاش بأطفال ..هي كانت بتساعد ماما في البلد هناك..
مريم ي ماما اوديهم فين
دلالما تخليهم معاكي
مريم لا ي ماما انا عايزة اتبسط ف الفرح انتي عايزاني افضل قاعدة بيهم 
دلالمعرفش ي مريم والله..انا خاېفه اقولك خليهم معايا واقوم لاختك اتشغل بيها وانساهم
صفيةخليهم معايا
دلالتخليهم معاكي دا اي انتي هتيجي الفرح ي حجه صفيه
صفيةانا كدا كدا والله مليش في جو الافراح والاغاني الرقص والحاجات دي خليهم معايا
هقعد بيهم ع الترابيزة مش هقوم واهو حتي اتونس بيهم وهخلي بالي منهم مټخافيش
مريم شكرا جدا والله ي ابلة صفية..مش عارفة اقولك اي
صفيهمتقوليش حاجه ي حبيبتي دا واجبي
الفرح كان جميل جدا كان اول مرة احس اني حلوة كدا من اربع سنين..من ساعت فرحي تقريبا كنت حاسه اني اميرة كنت في حلم حلم جميل نسيت بناتي تماما محدش في الفرح كان يعرف اني متجوزة او عندي عيال غير اقرايبي وجيراني اتصورت كتير عشان اوري الصور لهشام لما يرجع..هو كان بقاله كتير مشافنيش حلوة كدا
وقفت مع شله كدا فيهم واحدة صاحبتي بس والباقي كلهم في نفس سني بس معرفهمش لانهم كانوا اصحاب صحبتي دي ..وكان دا حوار بينهم
اومال فين خطيبك ي جني
واقف هناك اهو بيسلم علي العريس وهييجي ..
انا متقدملي واحد امين شرطة بفكر اوافق بس ماما بتقولي خلصي دراستك الاول
طب ما تتخطبي وبعد ما تخلصي تتجوزوا
ما انا بفكر في كدا..انا بس مش عايزة ابقي رابطه نفسي بحد بردو
انا حسام جه امبارح وقري الفاتحه مع بابا
بتهزري!...اوعاا بقي ي عم..
انا مبفكرش اتجوز خالص دلوقتي لما اخلص دراستي واعمل دكتوراه وماچيستير واعمل كارير لنفسي الاول
استأذنتهم وقومت دخلت الحمام وبقيت ل نفسي ف المرايا انا الوحيدة فيهم الي متجوزة وعندي بنتين وكلهم لسه مخطوبين مرتبطين او لسه بيفكروا انا تعبت من التفكير اي الغلط ف الي انا عملته بنات كتير بتتجوز وهي صغيره وعادي انا تعبت 
لا انا هنكد علي نفسي حتي في الفرح رجعت روحت قعدت معاهم تاني
ووسط كل كلامهم وضحكهم وهزارهم جه شاب كدا في نفس السن او اكبر تقريبا اي ي جماعه انتو واقفين هنا ليه وسايبين الفرح اي دا مين دي
دي مريم
..صاحبه سلمي
اتشرفنا...بس انا اول مرة اشوفك
سلميما هي مش معانا في الجامعه ي شريف 
شريف اكيد مش فالجامعه لان الجمال ده لو فالجامعه كان لازم اشوفها
اټخضيت من كلامه وحطيت دماغي ف الارض ووشي احمر
لا كدة كتير دي حته من السماء صافيه والنجوم بتلمع فيها
كلامه علي اد م كان مضايقني بس فرحني 
وفكرت لو كان هشام معايا كان نفسي يشوفني واسمع منه الكلام الحلو كده
روحنا عند العروسه ورقصنا وهيصنا وكنت مبسوطة جدا خلص الفرح وحضرنا الزفه خلص الحلم روحت البيت حسيت ان كل حاجه انتهت..نيمت بناتي وقعدت علي السرير فكرت في كل حاجه وحاجات كتير اوي هشام ليه مش بيتصل يسأل عليا ولا علي بنته داحتي مايعرفش انه بقي عنده بنت تانيه وكمان يارا الي سافرت معاه دلوقتي بيعملوا ايه وقافل فونه ليه
هو انا غلطانة غلطانة اني اتجوزت صغيرة بس انا متجوزتش صغيرة اوي يعني..يعني في بنات كتير بيتجوزوا في سني دا عادي..بس هما مكنوش عندهم فرصه او مكنش عندهم هدف معين يحققوه..اغلب البنات دي بتتجوز وهما مش عايزين يكملوا تعليم ولا حياه اصلا عايزين
يبعدوا عن عيلتهم..ويا بيتجوزوا واحد مش متعلم وعلي اد حاله ي امه عايزاه يتجوز وتشوف عياله وخلاص ي بيتجوزوا واحد غني جدا بس اكبر منهم بكتير
بس انا كان معايا الفرصه عيلتي بتحبني وصحابي وحياتي كانت كويسه اتجوزت واحد فيه مميزات كتير اتجوزني لانه بيحبني مش لانه عايز عيال او غيره يمكن كان لازم اهدي واختار صح ادي نفسي فرصه بس انا اتسرعت يمكن 
ما كل الناس الي في سني دلوقتي ي مخطوبين ي بيفكروا لكن مفيش حد متجوز تقريبا غيري..بس انا بدأت حياتي بدري اوي
طيب كمان فلوسي ودهبي خلصوا هصرف منين
وهكمل حياتي ازاي
نمت من التعب وكتر التفكير وصحيت علي صوت ماما
دلال يلا يا مريم علشان نخلص الي ورانا ونروح لاختك الصباحيه يا حبيبتي
روحت لاختي مع ماما وبابا ومكنتش شفت بيت اختي لان وقت الفرش والتجهيز كان في اخر حملي وفتره الولاده البيت كان واسع وهادي وفرشه كله مودرن مفيهوش تفاصيل كتير واختي قابلتنا وهي فرحانه وجوزها خالد سلم عليه وبصلي كده وابتسم
خالدعامله ايه يا مريم ..ازيك ي ماما
مريم الحمد لله
خالد انتي بجد امبارح في الفرح كنتي قمر مخبيه دا كله فين دا مفيش حد من قاريبي ولا اصحابي الا لما سألني عليكي وجالك عرسان إيه متعديش واقولهم متجوزه يا جماعه مش مصدقين فين هشام بس وسايب الجمال ده كله كده ليه انا نفسي اتعرف عليه جدا ..
مريم انا لسه معرفش عنه حاجه وقلقانه جدا عليه ومش عارفه اوصله حتي التليفون ناريمان وقعته وباظ وكان متسجل عليه كل الارقام ومش عارفه رقم حماتي ولا حمايا ولا اخت هشام الي عايشه هناك انا بفكر اروح لمامت يارا واخد منها رقمها اتصل عليها يمكن ااقدر اوصلوا
بسمه ربنا يريح قلبك ي حببتي اد ايه كنتي جميله ي مريم في الفرح
دلاليلا بقي يا مريم هاتي البنات علشان نمشي كفايه كده نسيب العرسان يستريحوا بقي
بسمه.. لا يا ماما خليكوا شويه كمان
دلال ماحنا هنيجي تاني بكره ولا بعده
بسمه ماما احنا بعد بكرة مسافرين الساحل في الشاليه بتاع خالد تعالوا معانا
ماما لا يا بسمه مايصحش كده وانتوا لسه عرسان
خالد لا طبعا يا ماما لازم تيجوا ومريم كمان
مريم لا لا مقدرش شكرا مش نافع
بسمه ليه يا مريم تعالي وفرصه تغيري جوا والبنات تتفسح وتشوف البحر ومايو ناريمان هديه مني كمان
مريم ازاي يا بسمه انتوا عرسان جداد ازاي اجي بأولادي هيزهقوكوا
خالد الشاليه دورين وانتوا في الي تحت علشان ناريمان تلعب في الجنينه براحتها واحنا فوق
خلاص مفيش كلام جهزوا الشنط