انتي بټعيطي

وكل اللي كانت بتعمله ملازمني أنا تعبت والله تعبت ومعدتش قادرة.
اهدي بس اهدي وكل حاجه هتتحل.
يا رب أنا تعبت ومش قادرة أستحمل والله.
طبطبت عليها بالراحه وهي فحضني شويه وهديت اتعدلت جمبها اتكلمت وأنا بمسك إديها
لا أنت لازم تخفي بسرعه علشان الغلبان اللي بره ده.
تعرفي إن هو أجمل حاجه حصلتلي.
عبد الرحمن بيحبك جدا يا شهد حاله اتغير 180 درجة من بعد ما ډخلتي حياته ربنا يصلح حالكم يا رب يا بنتي.
يا رب يا ماما يا رب.
كنت واقف بره بتكلم مع الدكتوره عن حالتها اتكلمت بنرفزه بعد اللي قالته
أنا مراتي مش مريضه نفسيا.
مش كل اللي بيروح لدكتور نفسي بيبقى مريض نفسيا يا أستاذ عبد الرحمن الفكره إنها لازم تتقبل الواقع ده ولازم تتعايش معاه صدقني الخطوه دي مفيده ليها جدا بدل تكتم جواها وده هيأذيها جدا.
مدة العلاج هتطول
بالعكس ممكن جلستين تلاته وتكونو خلصتو خلاص.
تقدر تروح امتى!
من بكره لأن اللي هي فيه ده غلط عليها.
تنمام متشكر جدا لحضرتك.
خلصت كلام معاها ودخلت لقتيهم قاعدين بيتكلمو مع بعض مخفاش عني الحزن اللي فعنيها والدموع اللي بتحاول إنها تكتمها اتكلمت وأنا بقرب منهم
إيه قطعت اللحظه عليكم.
أيوه أنت فصيل يا ولد.
قلبك أبيض يا ماما ده غيار ساعديها تغير علشان هنخرج.
بس الدكتورة قالت لسه شوية علشان جسمي والۏجع.
مټخافيش هي اللي كتبلتي على خروج يلا بقا.
خرجت بره وشوية وهما خرجو ورايا روحنا البيت ودخلتها أوضتي ومن كتر التعب نامت حكيت لأمي اللي الدكتورة قالته اتكلمت وهي بتطبطب على رجلي
الخطوه حلوه يا حبيبي ومتتأخرش لأن نفسيتها وحشه جدا ربنا يصلح حالكم ويهدي سركم يابني.
يا رب.
طيب قولي احنا رايحين فين طيب.
تعرفي دلوقت.
وقفت العربيه وأخدتها وطلعنا بصت على أسم الدكتوره بعدت عني وعنيها اتملت دموع واتكلمت بصوت مهزوز
أنت جايبني هنا ليه أنا مش مريضه.
مين قال كده احنا بس هندخل نفضفض شوية مع الدكتورة أنا وأنت مش أنت لوحدك مش عايزك تخافي.
لا أنا مش هدخل أنا مش مريضه.
مين قال دلوقت إنك مريضه! خليك متأكده إني مستحيل أضرك.
متسبنيش.
أنا معاك.
دخلنا سوا قعدت قدام الدكتورة بتعب بادي عليها اتكلمت الدكتورة وهي بتشاور عليها
إيه سبب إنها تعمل فيك كده احكيلي.
بدون سبب حتى إني سألتها قبل كده قالتلي هو كده.
مين أكتر شخص پتخافي منه ف حياتك.
ماما.
قولتها بسرعة وبعدها عيطت مكنتش متخيله إني هقولها بس دي الحقيقة فضلت شويه على حالي لحد ما كملت الدكتورة كلامها
وأكتر شخص بيطمنك وجوده.
عبد الرحمن.
اتكلمي واحكيلي هي كانت بتعمل إيه معاك.
بدأت تتكلم ودموعها بتتكلم معاها صوت عياطها علي وشهقاتها زادت ختمت كلامها وهي بتقول
مكنتش عايزه كل ده يحصل كانت بتحرض بابا ضدي وكان بيصدقها أنا بقيت أبص لنفسي على إني وحشه بجد زي ما بيقولو.
بصيت للدكتورة بضيق من الحاله اللي وصلت ليها اتكلمت وهي بتسيب القلم من إيديها
خلاص كفايه كده النهارده ونكمل بكره يا شهد هكون فانتظاركم يا بشمهندس.
بإذن الله يا دكتورة.
نزلنا من العيادة وهي لسه ماسكه إيدي وبتعيط ضميتها لحضني طبطبت عليها واتكلمت وأنا بشغل العربيه
إبه رأيك أشربك عصير قصب دلوقت! سمعت كده إنك بتحبيه.
أنا بحبك أنت يا عبد الرحمن شكرا إنك موجود ف حياتي.
والله أنا كدة أزعل بقا بتشكريني كده.
اومال أشكرك إزاي!
حضڼ عايز حضڼ.
ضحكت وأنا بحضنه معرفش من غيره كنت هبقى عامله إزاي دلوقت اتكلمت وأنا بتعدل على الكرسي
عبد الرحمن.
عيونه.
لو أنت مش موجود كان إيه اللي هيحصل! يعني أنت نجدتني من اللي أنا كنت فيه في غيري سنه أصغر ومستحمل تعرف أنا