انتي بټعيطي

كنت قربت أموت نفسي من اللي أنا عايشاه.
علشان مكنتش سامحتك طول حياتي.
مكنتش مستحمله اللي بيحصل ده.
بس تعايشتي معاه! وكنت بتكتمي فنفسك لحد ما وصلنا لهنا عايزك بس تقوليلي أنت نسيتي! هتنسي! لا ليه بقا لأنها هتفضل مهما عملت والدتك اللي نقدر نعمله إننا نبعد عنها علشان منفضلش داخل قوقعه ذكرياتك مع اللي كان بيحصل وده اللي عملته معاك.
دي مجتش حتى المستشفى تشوفني.
أنا قولتلها انسي إن عندك بنت اسمها شهد اقفلي بقا على الموضوع ده خالص.
يوم ورا يوم عدى واحنا بنروح سوا للدكتورة والنهارده كان آخر يوم اتكلمت الدكتوره وهي بتسلم عليا
خلاص كده نقدر نقول إننا خلصنا أخيرا.
شكرا ليك يا دكتورة بجد.
الشكر لله أنت زي أختي ومكنتيش أول حاله تيجي بسبب الموضوع ده ربنا يوفقكم ويصلح حالكم.
يا رب.
خرجنا من عند الدكتوره وأنا ببتسم اتكلمت وأنا بمسك إيد عبد الرحمن
تعالى نروح مشي بقالي كتير ممشيتش.
طيب والعربيه!.
اتصل ب عمار يجي ياخدها.
يلا احنا كلنا تحت أمرك.
اتمشينا مع بعض اتكلمت وأنا ببص ليه
تعرف يا عبد الرحمن.
أحب أعرف من مهجة القلب.
مهجة القلب!.
وحبيبتي كمان.
أنا بحبك جدا ولو قعدت من هنا لسنين قدام علشان أردلك ولو جزء بسيط من الي بتعمله معايا مش هقدر.
وأنا مش بعمل علشان إنت تشكرني كفاية عليا فرحتك بس والعملي حسابك فرحنا يوم الخميس.
بجد مبارك.
الله يبارك فيك.
قولتها وأنا بضحك عليها لأنها مش واخده بالها سكتت شويه وبعدين بصتلي وهي بتضحك
بجد! فرحنا احنا! احنا يعني أنا وأنت.
أيوه.
أنا فرحانه أوي أوي بجد.
ربنا يجعلك دايما فرحانه يا سكر.
بتبصيلهم كده ليه!
اتكلمت وعيني مليانه دموع
مش مصدقه إني أم ومسؤوله عن طفلين كنت حساها مسؤولية صعبة بجد.
مش صعبه ولا حاجه وبعدين مش كنت دايما بتقولي إن فاقد الشيء لا يعطيه! أنت أثبتيلي العكس وإن فاقد الشئ يعطيه ويعطيه كتير جدا أنا مكنتش متخيل إنك هتبقي حنينه عليهم وهتحبيهم الحب ده كله.
ولا أنا والله.
سندت راسي على كتف عبد الرحمن جه سفيان وهو بيجري يقعد على رجلي اتكلم وهو بيحضني
أنا خلصت الواجب كله يا ماما هنخرج مع بابا باللي صح!
صح يا عيوني أشطر سفيان أنا بحبه يولاد.
طيب وأنا يا ماما.
قالها آيان وهو بيقعد على رجل عبد الرحمن بزعل اتكلمت وأنا بشده من خدوده العسل
وأنت كمان يا آيان ده أنت حبيب ماما.
طيب وأنا يا ست شهد.
ضحكت وأنا بتكلم
وأنت كمان ده أنت حبيب أيامي يا عبد الرحمن.
ضحكت وأنا بضم سفيان وآيان لحضني وڠصب عني عيني دمعت وافتكرت اللي كان بيحصل معايا اتكلم عبد الرحمن وهو بيضمني لحضنه
مش قولنا معدش فيه عياط خلاص.
أنا بقيت هنا بفضلك أنت بعد ربنا يا عبد الرحمن أنا اتخطيت جزء كبير جدا من اللي حصلي أنا بحبك.
وأنا فرحان وفخور بيك.
ربنا يديمك ليا يا نور عيني يا رب.
ويديمك يا مهجة القلب