يا بنتي صاحب الشركه اللي بشتغل فيها ده انسان بارد

الناس احتضاراتي
لا الناس تعرف ما أمري فتعذرني . ولا سبيل لديهم في مواساتي
يرسوا بجفني حرمان يمص دمي . ويستبيح إذا شاء ابتساماتي
معذورة أنت أن أجهضت لي أملي . لا الذنب ذنبك بل كانت حماقاتي
أضعت في عرض الصحراء قافلتي . وجئت أبحث في عينيك عن ذاتي
وجئت أحضانك الخضراء منتشيا . كالطفل أحمل أحلامي البريئات
غرست كفك تجتثين أوردتي . وتسحقين بلا رفق مسراتي

واغربتاه مضاع هاجرت مدني عني . وما أبحرت منها شراعاتي
نفيت وأستوطن الأغراب في بلدي. ودمروا كل أشيائي الحبيبات
خانتك عيناك في زيف وفي كڈب . أم غرك البهرج الخداع مولاتي
فراشة جئت ألقي كهلى أجنحتي .لديك فاحټرقت ظلما جناحاتي
أصيح والسيف مزروع بخاصرتي . والغدر حطم آمالي العريضات
وأنت أيضا ألا تبت يداك . إذا أثرت قتلي استعذبت أناتي
ليلى . من لي . بحذف اسمك الشفاف من لغاتي
إذن ستمسي بلا ليلى . ليلى . يا ليلى . حكاياتي
بينما مالك وميساء في عالم الذكريات عادت أبواب الشړ لتطرق الباب علي أبطالنا
فادي   خلاص عمر مبقاش ليه لازمة في اللي انا عايزه
. دلوقتي صغير الصياد هو اللي انا هستفيد منه كل اللي عايزه دلوقتي مالك وفريده الصياد وعمر مبقاش مهم
.لازم احط خطة مظبوطة لأن لما يكون معايا صغير الصياد ده مش هيبقي فيه حد قدي خلاص هقضي عليك يا عمر يا صياد كل اللي عايزه دلوقتي ابنك وإنت مش مهم خلاص ھقتلك بقلب جامد يعني دلوقتي خطتي الجديدة ابنك ومراتك إنت مبقتش مهم خالص
وانتهت الاغنية ومالك خد باله إن في حد جنبه
مالك بص ولقي ميساء   احم احم
ميساء بانتباه   اسفه مخدتش بالي إنك هنا
مالك   حصل ومخدتيش بالك إن انا اللي مشغل الأغنية بردو
ميساء بتمثيل عدم الفهم   اغنية إيه 
مالك   تحبي اغنيلك عشان تفتكري
ميساء   ياريت لو سمحت 
مالك   هو انا ممكن أسألك سؤال
ميساء   اتفضل 
مالك   هو في حد . كان هيكمل ويقول في حد في حياتك لكن رنة تليفون ميساء قطعت كلامه
ميساء   ثواني هرد عشان مكالمة مهمة
مالك   اتفضلي .
ميساء   افندم سام 
سام لو تفتكرو كان موجود في الجزء الأول مهندس بيئة حبيب سارة بنت
خالة يوسف  وفريده   إنتي يا بنتي . إزاي رجعتي مصر كده من غير ما اعرف كلامه عربي مكسر
ميساء   حبيبي يا سام ابوس ايدك اتكلم عدل ياما اتكلم ألماني العربي المكسر ده هيشلني
سام   استحمليني يا حجة انا لازم اتكلم عربي كويس وإلا سارة ھټموټني .انا زي اخوكي بردو يا ميسااا
ميساء   طيب يا سيدي كنت عايز إيه 
سام   لأ انا بس كنت بستفسر رجعتي مصر تاني ليه
ميساء   مفيش رجعت بقي وخلاص بس غالبا هرجع تاني !
سام   هو جنبك 
ميساء   مين 
سام   حبيب القلب 
ميساء بصت لمالك اللي كان ملامحه باين عليها الڠضب والحزن   امممم
سام   طب رددي ورايا خلي يغلي وبعدين ابقي ادعيلي ربنا يوفقني في العربي اقلبي تمام
وبدأت تردد ميساء ورا سام
والله وإنت كمان وحشتني يا حبيبي .اه طبعا الحياة وحشة من غيرك صدقني بفكر فيك ليل ونهار يا سام ده إنت العشق يا سيدي . مستنياك يا حبيبي تنور مصر .مع السلامة يا قلبي خلي بالك من نفسك .عسل يا حبيبي وإنت بتكلم عربي مكسر صدقني .مع السلامة .اه هكون صاحية باليل نبقي نتكلم باليل فيديو كول يا حبيبي
systemcode    ad    autoads
ميساء قفلت مع سام وفي نفسها وهي بتبص لمالك الله يخربيتك يا سام مالك شكله هيقوم يموتني من العصبية ده كلام بردو .يبختك الاسود يا ميساء .ده عنيه حمرة اوي انا مېتة النهاردة خلاص 
مالك قام پغضب  وراح ناحيتها و  پغضب  مكتوم   مين سام ده 
ميساء   س .سا .سام حبيبي .
مالك   افندم حبيبك ده إزاي يعني
ميساء   حبيبي زي الناس .ثم إنت ماااالك 
مالك في نفسهمفيش حاجة اسمها انا مالي لأنك إنتي بتاعتي انا وبس سواء ڠصب عنك أو برضاكي إنت خاصة بيا انا وممنوع إن قلبك يفكر حتي إنه يحب غيري مش يحب وانا هشوف مين سام ده ولو وصلت معايا إني اقتله هعملها من غير تردد حتي .عشان إنتي بتاعتي انا ومستحيل أسمح إنك تكوني لغيري هتفضلي ليا زي ما بقيتي ليا من زمان إنتي هيفضل قلبك يحبني انا ومستحيل يحب غيري ولو فكر يحب غيري مش هتردد لحظة واقټلك واقتل اللي حبيتيه
ميساء   هيي هييي إنت ساكت ليه وبتفكر في إيه
مالك بعد عشان الڠضب وصل معاه لدرجة أنه ممكن يتهور   وده حبيتيه ايمتا بقي وهو منين واصله إيه
ميساء بمحاولة إنها تستفز مالك اكتراظن صعب تعرف إنت حبيت حد ايمتا أو حتي حبيته ليه هو بيكون شخص بيدخل حياتك وبيغيرك وبتشوف الدنيا بعنين جديدة .بس الأهم إنك بتبقي ليه .بتبقي ليه من غير ما تعرف ايمتا أو ليه وبيفضل السؤال إنت ليه بقيت ليه .ليه قلبك اختاره هو وبس دون عن الجميع ليه حياتك بقت متعلقة بحياته هو ليه كده .كان قصدها بكل كلمة حبها لمالك .بعدين رجعت كملت .سام معاه الچنسية الامريكية لكن هو اصله مصري بس عاش معظم حياته في أمريكا هو أصلا كله علي بعضه امريكي بس حب إنه يكمل تعليمه في ألمانيا
systemcode    ad    autoads
مالك سرح في كلامها في البداية ومركزش مع آخر الكلمات اللي هي قالتها يمكن لأن قلبه عارف إن الكلام ده ليه هو مش سام عارف إن كل كلمة قالتها عن حبها ليه هو وهي لسا مازالت بتحبه لكن عقله مصدق إن الكلام عن سام وقع ما بين دوامة تصديق القلب أو العقل
مالك   مش مسمحولك تحبي حد !
ميساء   ده ليه استني إنت رايح فين ! .كان مالك سابها ومشي بعد ما قال جملته
ميساء في نفسها مع ابتسامة بسيطةمچنون ده ولا إيه هو إيه اللي مش مسمحولك تحبي حد .بيغير عليا أكيد . والله بتفهم يا واد يا سام .ثواني لحسن بجد ممكن يعمل اللي قال عليه هو فعلا ممكن ېقتلني ! .ممكن!
مالك رجع البيت وهو مليان ڠضب كل همه يعرف مين سام ويتأكد إذا كان الكلام ليه هو ولا بجد لسام . وخلاص بقي هيتجنن ويعرف .ومع الأسف مالك من الناس اللي لما تحب بيبقي زي الاطفال في الامتلاك ! هو امتلك ميساء في نظره ومصر إنها تفضل تحبه حتي لو هو مش هيمنحها الحب ! عايز قلبها يفضل يحبه بالرغم من إنه عارف إنه پتتعذب زيه واكتر لكن شبح الامتلاك مسيطر عليه وده سبب قادر ېقتل حب ميساء !
ميساء رجعت البيت   الواد الزفت حازم قالي هيجي يقعد معايا ومجاش معقول لسا مرجعش أما اروح أشوفه .
في غرفة حازم
كان حازم لسا راجع من برا ومسك تليفونه وبص للساعة وقال ب ابتسامةالساعة 10 أكيد صحيت دلوقتي أما اتكلم معاها
حازم فتح الانستجرام وبعت مسدج لبنت ب إسم Asso مش هكمل إسم الاكونت عشان محدش يفكر يروح يبحث عنه 
حازم بعت ريكوردصباح الخير .علي أحلي واحدة في الكون
أسيل  بعتت ريكورد اخت فريده صباح النور علي ارخم واحد في الكون
حازم   ليه بس بتقولي كده الكلام كله ريكودات تمام 
أسيل  زوما متهزرش إحنا أصحاب والواحد حاسس إنك مصر تاخد الموضوع علاقة حب
حازملا يختي حب مين ويوم ما احب هحبك إنتي . لأ إحنا أصحاب يا اسو يا ختي
أسيل  زوما بقولك ايه . إنت فاضي 
حازم   أيوة بس ليه
أسيل  اصلك عيل قليل أدب
حازمليه بس يا اسو
أسيل  يا بني راعي إني في تالتة ثانوي إنت بتشتتني عن المذاكرة
حازمبسيطة اعمليلي بلوك مش صعبة يعني 
أسيل  والله فكرت اعملك بلوك واكسر الفون كتير بس مقدرش !
حازم بغرورمتقدريش ليه بقي 
أسيل  صوتك حلو وبيريحني وخصوصا لما تغني .علي فكرة انا لما بمل بفتح الريكوردات اللي إنت مغني فيها عشان ارتاح وارجع اذاكر
حازمباركااااااتي يعني هتنجي علي قفايا يا ژبالة
أسيل  ولاااا مش عايزة اشتم
حازمبقولك انا بفكر اجي كندا عشان اشوفك face to face
أسيل  متوترة وفي نفسهايا خراااابي يجي يشوف مين طب انا كدبت وقولت في كندا عشان ميفكرش إني في مصر وكده ويبقي صداقة سوشيال بس يجي مين الموكوس
حازميابا ردي لو مش عايزني اجي خلاص مش هاجي شكلك بخيلة ومش هتضيفيني كويس كنت حاسس إنك بخيلة
أسيل  فكك من كل ده وغنيلي اغنية سنة الحياة ل حسين الجسمي بليزززز
حازمطب غني معايا بليززز مش هغني لوحدي
أسيل  تمام هبدا انا وإنت كمل
لو طالت المسافات وبعدتنا الايام ما بينا الف حاجه تبين الاهتمام
حازممين قال ان التلاقي لقا وسلام بالإيد فيه قلوب بتحس بينا لو حتى من بعيد
أسيل  دايما جوانا كلام قصص محتاجه تتقال وناس غاليين علينا مابيروحوش م البال
حازمده مافيش للدنيا معنى لو ما انتش لاقي ليك حد اما تغيب عليه يفضل يسأل عليك
أسيل  فعلا مش بيكون ليومي معني غير لما بتيجي تتكلم معايا وتسأل عليا 
حازم بحماس وصوت كله حبودي سنة الحياه نبعد نتوه ونمشي في مليون اتجاه ودي سنة الحياه الغالى بيفضل غالى وانتتا بقلبك معاه نتمنى لحظة تجمعنا بحبايبنا لا بعاد ولا غربة ولا شوق في قلوبنا دا لقانا بمعاد
خلاص انا عايز
اشوفك face to face يا حجة إنتي بقيتي جزء مهم جدا من حياتي هو ممكن الصداقة دي تتحول ل حب يا اسو
أسيل  لأ مش ممكن إحنا أصحاب وبس مش عايزين نزعل وسلام بقي عشان بذاكر فيزياء كهربية مش عايزة اتشتت
حازماهربي يختي اهربي .معاك دكتور هنا لو احتجتي اي حاجة .سلام 
ميساء من وراه   هي ممكن الصداقة دي تتحول لحب يا اسو .مين اسو دي يا ولد 
حازم   ميسو إنتي هنا من ايمتا .
ميساء   لو طالت المسافات وبعدتنا الايام ما بينا ألف حاجة تبين الاهتمام
حازم   خلاص خلاص قولي إنك هنا من البداية !
ميساء قعدت بفضول   بتحبها ولا بتشتغلها .وهكسر رقبتك لو بتشتغلها .
حازم   ههه بشتغلها دي طيرت الباقي من عقلي يا ميسو والله
ميساء   طيب احكيلي ده انا زي اختك بردو 
حازم   بصي يا ستي عرفتها من خناقة في الكومنتس في الانستجرام وبعدين اعتذرنا من بعض في الخاص ب ريكورد وبدأت صداقة ولحد دلوقتي صداقة بس انا باينلي بحبها .لأ مش باين انا فعلا بحبها !
ميساء   طيب يا سيدي شكلها عامل إزاي وعايشة فين
حازم   هي عايشة في كندا وانا ضحكت عليها وقولت إني عايش في المانيا