ليتني لم أحبك
وقتك...
نفخت بضيق بعدين هزيت راسي...ابتسم هو وبعدين اخدني علي الكافيه بتاعنا...
......
ها أنجز
ضحك وقال وهو بيغمز
لسه عصبية زي ما انتي..تعرفي أن بحب وشك اللي بيحمر من الڠضب بتكوني في اجمل حالاتك لدرجة اني بفضل ابص عليكي دايما واقول معقول انتي من البشر...
عيوني وسعت واتكسفت أووي وخدودي احمرت أنا هقع تاني ولا ايه يخيبك يا قلبي طلعت عبيط زيي...
متاكلش بعقلي حلاوة يا اخويا الكلام ده مينفعش معايا انا مش هصدقك تاني وهصدمك كمان أنا قريب هتخطب لواحد ضفره برقبتك...
ولسه هقوم مسك أيدي وقال
يا نادو متعمليش كده انا بحبك...انتي مش هتتجوزي غيري...اقولك اجيب اهلي واتقدملك رسمي وتبقي مراتي
كان فيه وخلص يا حلو.
قولتها وانا مبينة اني عصبية بس من جوايا كنت ھموت من الفرحة بصراحة...كنت حابة يحاول تاني...محاولاته دي كانت يتطبطب علي كبريائي اللي انجرح علي أيده أنا كنت لسه بحبه وعايزاه وكنت بدلع عليه مش اكتر...
لو متجوزتنيش أنا هخطفك والله هخطفك...واللي يحصل يحصل وهقتل اللي عايزه تتجوزيه ده انا مچنون واعملها
ضحكت فضحك هو وقال
اخيرا سامحتيني
بصتله بحزن وقولت
اللي انت عملته
قاطعني وقالي
غلط...أنا عارف ان اللي عملته غلط ووحش كمان وبعتذر...أنا اكتشفت اني محبتش غيرك...مبطلتش تفكير فيكي والله ولما اختفيتي فترة قلبي وقع في رجلي...ابوس ايديك اديني فرصة
......
روحت البيت وانا
طايرة من الفرحة...كانت الابتسامة مش مفارقة وشي...لقيت امي وحضنتها وقولت
خالد صالحني يا ماما وقال هيتجوزني...
لطمت امي وقالت
يا ميلة بختك في بنتك يا مروة...يا بت انتي غبية صالحك ازاي...يا بت مش اتفقنا نقفل الموضوع ده ابوكي لو عرف هيطين عيشتنا ...
يا ماما أنا بحبه وهو خلاص هيتقدم...انتوا ليه مش عايزين تشوفوني مبسوطة
زعق بابا من ورايا وقرب مني وقال
قابلتيه تاني يا نادين....
بصيت لبابا پخوف وقولت
والله يا بابا خالد ندم..ابوس ايديك افهمني من حقي اكون مبسوطة...هو هيتقدم...
خلاص ماشي خليه يجي بكرة هو وعيلته ونشوف لو عايز يثبت حسن نيته
فرحت اووي وحضنتنه وروحت اوضتي...كنت هتصل بيه..بس قولت اروح الجيم بتاعه اعملها مفاجأة ليه..
نادين مين اللي اتجوزها بس...لا طبعا أنا بس حابب احاسبها علي اللي عملته يا رامي..عموما يا سيدي أنا ناوي فعلا اڤضحها واجيب مناخيرها الأرض!!!
يتبع.
الجزء الأخيربقلم سولييه نصار
تستاهلي انا قولتلك أنه ميستاهلش اللي انتي بتعمليه في نفسك ده
