ماهو انتي طول ماهمك الشغل وانتي عمرك ماهتجوزي
نسرين بصوت يملأه الحزن والألم ..يابختي على ايه بس انتي لو اټسمم بدنك بكلمة من ماما ولا من تيتة هتكرهي نفسك والدنيا كلها
اماني..طب ياختي افردي وشك دا
سرحت نسرين في ڠضب ادم المستمر منها فهي لم تفعل ما يغضبه وقالت لنفسها..مز وشكله حلو بس فيه تكشيرة ياباي فاقت من شرودها على صوت أماني..ايه روحتي فين
اماني..خلاص الساعة ٦يالا بينا
نظرت نسرين في الساعة..ايوة صح الوقت عدى بسرعة وانا بكره ارجع البيت ........الفصل الثاني
رجعت نسرين الى البيت وجدت جدتها تجلس في نفس المكان وكأن لا شئ تفعله سوا الجلوس هكذا ومراقبة الداخل والخارج
الجدة ..وعليكم السلام ياختي عملتي ايه
نسرين تغراب من كلام جدتها ..عملت ايه في ايه
الجدة حركت فمها يمين ويسار وحركرت يدها..يعني زي ماروحتي زي ماجيتي
نسرين بضيق من كلامها..هو كان المفروض اعمل ايه ياتيتة بس
الجدة..ولا حاجة ياختي خليكي كدا زي البيت الوقف
نسرين وقد لمعت الدموع في عيناها..طب ياتيتة عن اذنك انا جاية تعبانة من الشغل وصعدت على السلم
الجد من داخل الشقة..تعالي ياأم عزت وسبيها في حالها
الجدة التفتت اليه ..يعني انت عجبك كدا البت عانست وعايزني اسكت
الجدتنهد بقلة حيلة .دا نصيب ياأم عزت انتي حجيتي بيت ربنا عارفة كل حاجة
الجدة وضعت يدها على فمها بخبطة خفيفة..خلاص اديني سكت اهو ارتحت
الجدة بضيق..ما انت لسة متغدي الساعة ٣لحقت تجوع
الجد..بنفاذ صبر..ياستي دلوقتي الساعة ٧ وبعدين هي شوربة الخضار اللي نزلتها زينب دي أكل
الجدة..ماهو الدكتور اللي قال عليها
الجد..طب قومي من عندك واقفلي الباب خلاص كلها روحو
الجد بيأس..طيب خليه مفتوح قومي يالا
الجدة بضيق..طيب قايمة اهو
............
في هذا الوقت صعدت نسرين السلم واقتربت من شقتهم لتفتح الباب لكنها سمعت صوت عالي من داخل الشقة كانت ستفتح الباب سريعا لولا سماعها صوت والدتها..هي عانست وخلاص هتضيع انت شبابك ليه اللي زيك متجوزين ومخلفين بدل العيل اتنين وتلاتة لم تستطيع نسرين ان تفتح الباب وظلت واقفة مكانها ودموعها تنزل على خدها بلا توقف
________________________________________
تسمعك بتقولي كدا عليها لما أمها بتقول كدا اومال الناس الغريبة تقول ايه
زينب اتسعت عيناها پغضب وقالت بحدة..متغيرش الموضوع وبعدين هما الناس لسة هيقولوا المهم دلوقتي انت تسمع كلامي ولا لأ
احمد بضيق..شوفي انا بقول ايه وانتي بتقولي ايه ياامي خفي عليها شوية حرام هي ايه ذنبها نسرين جميلة ومتعلمة وبتشتغل يعني الف مين يتمناها
حركت زينب فمها يمين وشمال..هات انت بس واحد من الالف دول واخر كلام عندي وديني وما اعبد لو ما سمعتش كلامي لكون سايبة البيت وماشية وانت حر
احمد..دي مش طريقة تفاهم
محمد..ياأحمد ماما معها حق انت هتقعد كدا لحد امتى
زينب بفرح من كلام محمد..اهو شوفت اخوك العاقل
محمد..طب ماتجوزيني انا وتسنيم دا احنا خللنا من القاعدة ضړبته زينب بخفة على كتفه..يااخي اتلهي احمد الاول وانت بعده على طول
محمد..ما أنا بصراحة مش هقعد استنى البيه ابنك وهو مستني نسرين يعني كدا راحت الجوازة وعلى فكرة بقى خالتي فاطمة قالتلي بصريح العبارة ياأما اتجوز على طول ياأما اسيب تسنيم وموقفش حالها وهي بصراحة عندها حق انا عندي ٢٨سنة وهي ٢٤شبابنا هيروح هنتجوز امتى وهنخلف امتى
زينب..يبقى خلاص ادور ل احمد على عروسة وانت وهو في يوم واحد ودا اخر كلام عندي
احمد بضيق..عن اذنكم ودخل غرفته واغلق الباب على نفسه
محمد ل امه..دوري بسرعة والنبي انا لو قعدت استنى بنتك يبقى راح عمري
زينب تربط على كتفه..لأ ما تخفش خلاص انا قولت كلمتي روح انت دخل محمد غرفته اما عزت الذي كان يتابع الحوار كله من غير ولا كلمة ويدعي انه يشاهد التليفزيون ..أستغفر الله العظيم ربنا يصلح حالك يابنتي ويسعدك
نظرت له زينب بغيظ..هو انت مينفعش ربنا يقدرك وتقول كلمة كويسة لوجه الله
عزت نظر لها بضيق ..وانا هقول ايه بعد كل اللي انتي قولتيه لسة في حاجة تتقال
زينب بضيق وقالت بحدة بصوت مرتفع ..لأ ياخويا متقولش حاجة خليك كدا ضيف شرف معنا في البيت
نظر لها نظرة ارعبتها ..خلاص اسكتي وروحي حضرلنا حاجة نأكلها زمان نسرين جاية من الشغل تلاقي لقمة تأكلها
زينب وعلامات الڠضب وعدم الرضا على وجهها..طب ياخويا لما اشوف اخرت دلعك فيها ايه وذهبت الى المطبخ
على السلم كانت نسرين تسمع كل هذا بقلب مجروح ودموع لاتستطيع ان توقفها فتحت الباب ودخلت وجدت والدها
نسرين بعيون تملأها الدموع وصوت حزين ..مساء الخير يا بابا
عزت بأبتسامة حنونة ..مساء النور مالك واقفة بعيد كدا ليه تعالي ياحبيبتي
اقتربت منه عرف عزت من شكلها انها سمعت كلامهم
عزت بحزن على ابنته ..مالك يابنتي
نسرين بكذب تداري وجهها..ابدا بس تعبانة شوية
عزت نظرة لها بحنان..كدا بردو بتكدبي على بابا ماشي ياستي هعديها ليكي المرة دي روحي غيري هدومك عشان ناكل
نسرين بصوت يملأه الحزن والألم ..مليش نفس يابابا
عزت..كدا بردو حرام عليكي انا مستني من غير غدا لحد دلوقتي عشان اكل معاكي وانتي تقولي مليش نفس خلاص براحتك روحي قولي لأمك خلاص مش عايز اكل
عزت اشار لها على غرفة اخيها..في اوضته
دخلت نسرين غرفة احمد بعد ان طرقت على الباب وقالت..ممكن ادخل
احمد من الداخل..تعالي يانوسي
دخلت ما ان رأها فزع من شكل عيونها المتورمة من كثرة البكاء ودموعها التي تتساقط بلا توقف
اقترب منها پخوف وقلق عليها ..مالك ياحبيبتي في ايه
نسرين تهز رأسها بالنفي عدة مرات دون رد والقت نفسها بين ذراعيه
ربط احمد على ظهرها برفق..ايه اللي حصل لكل دا
لم ترد ابتعد عنها ورفع رأسها برفق..في ايه
نسرين بدموع وصوت متحشرج وانفاس متقطعة..عشااااان خااااااطري يااحمد لو بتحبني اسمع كلام ماما والنبي وظلت تبكي بكاء مرير
احمد قلبه تقطع على اخته فهي ليست اخته فقط هي صديقته كاتمة أسراره بالرغم انه يكبرها بعامين كانوا يطلقو عليهم عصابة لتفاههم مع بعض حتى في المصائب حتى ان فعل خطأ تقول انها فعلت معه وتعاقب معه حتى يقل العقاپ عليهوقال..كل دا عشان اتجوز دا انتي مش طيقاني اوي كدا وعايزة تخلصي مني
نسرين تهز رأسها بالنفي ودموعها تتساقط على خديها ..لأ يا احمد انت عارف انت بالنسبة لي ايه انت اخويا وصاحبي الجدع
________________________________________
اللي دايما واقف معايا انت السند ليا وبعدين انا كمان عايزة افرح بيك
احمد بأبتسامة هادئة ..حاضر ياستي لو دا يسعدك مع اني عارف انتي وماما تتبسطو وادبس انا لكن معلش عشان خاطرك استحمل بطلي عياط بقى قولت حاضر
مسحت دموعها بظهر يداها ..وبعدين انا عايزة ابقى عمتو الشريرة
ضحك على طريقتها فهي احن قلب ..طب ياستي خليكي فاكرة انك الشريرة مش بعدين الاقيكي مبوظة العيال من الدلع
ضحكت على كلامه وابسمت من بين دموعها ..ربنا يخليك وما يحرمنيش منك ابدا
نظر لها بحنان..ويخليكي ليا يا شريرة يالا نأكل انا واقع من الجوع مستنيكي نتغدا سوا
نسرين اتسعت عيناها ..انت كمان مستنيني
احمد تغراب..ايه انا كمان ليه مين تاني متغداش
نسرين..بابا
احمد..ايه بابا لسة متغداش لحد دلوقتي وانتي عارفة وقعدة لوكلوك معايا ها بخفة على رأسها يالا حرام عليكي الراجل عنده السكر
نسرين ..اه صحيح طب يالا بسرعة
في نفس الوقت سمعو صوت عزت ينادي عليهم..يالا ياولاد تعالو كلو
خرج احمد ونسرين من الغرفة وجدت امها
نسرين بأبتسامة هادئة والحزينة..مساء الخير يا ماما عاملة ايه
زينب بضيق..مساء الخير كويسة ياختي لو كان يهمك كنتي اول ما جيتي من برا تيجي تشوفيني لو عايزة حاجة تساعديني فيها بدل ما تصدعي اخوكي
لم ترد نسرين ورد احمد الذي نظر لأمه نظرة تعني يأسه من معاملتها لنسرين
وقال..ياماما نسرين كانت بتقنعني بكلامك عن الجواز وانا اقتنعت خلاص وكلفتها تدورلي على عروسة نظرت له نسرين پصدمة فهو لم يطلب منها هذا لكنها لم ترد بسبب مقاطعة زينب بفرحة..صحيح يااحمد يعني خلاص ونظرت ل نسرين هو انت عندك عروسة
نسرين بتفكير..مش عارفة بس ممكن مي اخت أماني صاحبتي
زينب بأندفاع..اوعي تكون من سنك انا عايزها صغيرة عشان تجبلي أحفاد مش سنة واتنين وخلاص متقدرش تخلف
اسكتت الصدمة نسرين وبلعت لعابها بصعوبة
عزت بضيق من كلام زوجته..يعني انتي ضامنة أبنك دي حاجة بتاعة ربنا ويجعل من يشاء عقيما أستغفر الله العظيم
زينب بعصبية..انت هتفول على ابني دا زي الفل طول وعرض
ضحك احمد..ياماما هي الحاجات دي بالطول والعرض دي حاجة بتاعة ربنا انتي بس ادع لي بالذرية الصالحة
نظرت نسرين لأمها بحزن..مي عندها ٢٤ سنة وجميلة انا هكلم اماني نحدد يوم يشوفو بعض وبعدين يقرروا
عزت..عين العقل
زينب..يقرروا دا ايه دي تدعي انها تعجبه ابني يقعد على البساط ويختار زينة البنات
احمد..ليه يعني ان شاء الله توم كروز
نسرين..انت احلى واحسن منه مية مرة كفاية قلبك الطيب وحنيتك واخلاقك وهي كمان كويسة اوي ربنا يجعلها من نصيبك وافرح بيك
زينبعزت..يارب يابنتي
بدأو يأكلو خرج عليهم محمد..هو انا ابن البطة السوداء محدش ينادي عليا
زينب..هو انت مش اتغديت
محمد بمرح..ياحجة دا من اربع ساعات وبعدين في عشا ولا انتو عندكم غدا بس والله اطلع اتعشى عند عمي حمدي
احمد..ايوة ماهي فرصة اقعد يالا وبطل هبل
محمد..حاضر ياكبير عشان خاطرك وجلس معهم بعد ان اكملو طعامهم
دخلت نسرين غرفتها بعد ان غسلت الاطباق ونظفت كل شئ امسكت هاتفها تقلب فيه وجدت صورة لها هي واماني وأدم في مؤتمر كانو حاضرين لترجمة كانت هي واماني قريبات وهو يقف بعيد عنهم تأملت الصورة جيدا وقالت لنفسها..هو ليه لحد دلوقتي ماتجوزش مع انه شكله حلو وحالتة المادية ممتازة هذا عرفته من كلام عادل كان زميلهم في سنة رابعة وهي في سنة اولى ف عادل صديقه وزوج اماني وانه وحيد امه وشقتهم كبيرة وظلت تحدث نفسها انسان مؤدب ومحترم وملتزم جدا يعني الف مين تتمناه وكبرت الصورة وتأملت عيونه وشكله ولحيته واناقته وانتبهت لنفسها..ايه الهبل اللي بعملوه دا انا مالي يتجوز ولا لأ اتصلت على اماني وانتظرت الرد
نسرين..السلام عليكم
اماني..وعليكم السلام
نسرين..عاملة ايه
اماني..زي الهبلة بجري في كل حتة من المطبخ وعمايل الاكل
________________________________________
والبيت وتنظيفه والولاد والمذاكرة ليهم والغسيل
