ماهو انتي طول ماهمك الشغل وانتي عمرك ماهتجوزي
ادعيلي انتي بس
والدة اماني..والله يابنتي بدعيلك من قلبي ونذر عليا يوم فرحك ارقص لك لحد ماتعب
والد اماني بمرح..دا انتي بتعملي الغدا بالعافية ضحك الجميع
والدة اماني..لا والنبي كله الا نسرين دي فرحة عمري
نسرين بأبتسامة..ربنا يخليكي ليا ياماما واخرجت لسانها ل اماني وعادل
امانيعادل..ايه الظلم دا واحنا ايه
شعرت زينب بالغيرة من معاملة والدة اماني ل نسرين وان نسرين تضحك ووجهها منور معها على العكس تماما معها
زينب..طب يالا احنا بقى كفاية كدا يالا يانسرين يالا يااحمد وطبعا نسرين واحمد مش عايزين يمشو احمد انسجم في الكلام مع مي ونسرين مع والدي اماني وعادل واماني والدة اماني
والدة اماني..لسة بدري والله القاعدة معاكم ميتشبع منها
زينب بضيق..معلش ياحبيبتي عشان عزت لوحده في البيت وسيبينه من بدري وتركتهم هي الاول ووراءها احمد سلم عليهم وطول السلام على مي التي شعرت ان تيار كهربائي يسري في ها وصعق قلبها وهو شعر بنفس الشعور
سلمت نسرين عليهم
نسرين بضحك تهز رأسها ..ايوة ماانا عارفة
اماني ظهرت في عيونها نظرة خوف وقلق على اختها..تصدقي خفت على مي دي طيبة وغلبانة ومش بتعرف ترد
نسرين بنظرة تطمنها..لأ متخفيش عليها احمد حنين اوي ومش عشان اخويا وكمان احمد مش بيسمع كلام ماما في الغلط
نسرين بضحك..امك لأ متخفيش هي شقتها بعيدة يعني هيجو ضيوف واحمد عمره ما هيسمح ان حد يهنها ابدا وانتي لو هي او ماما خاېفة فهميهم احمد كويس وانا عشان بحبه وبحبها كلمته عليها
اماني براحة..طب ياقمر اشوفك بكرا في المكتب
نسرين..ماشي ياعسل سلام
....... .
في شقة عزت
عزت..في ايه يا بني خيلتني ما تقعد
محمد بتوتر..هما اتأخرو كدا ليه كل دا عشان يشوفها دول بينا وبينهم كام شارع يعني لو كانو رايحين زحف كان زمانهم وصلو
عزت يحاول تهدئته..ياابني اهدى شوية اللي يشوفك كدا يفكر انك انت اللي مستني الموافقة
محمد جلس بجانبه ونظر له..مهو ابنك لو رفض ولا هي رفضت هضيع انا
لم يرد محمد قاطعه دخولهم قام بسرعة ناحية امه يسألها..ها عملتو ايه
زينب بدون اي تعبير على وجهها ..البنت كويسة وابوها وامها كمان حتى اسأل اختك حبيبة قلبهم ودخلت غرفتها
نظر محمد في اثرها ثم نظر ل احمد ونسرين يسألهم..هي ماما مالها في ايه يعني العروسة عجباها ولا لأ
احمد بأبتسامة وسعادة..عجباها ياسيدي ارتحت
احتضن محمد اخاه بسعادة..الف مبروك ونكز نسرين في كتفها ماتزرغطي يابت
نسرين..حاضر لولولولولولي
اسرع محمد ناحية الباب
احمد تغراب ..رايح فين يا بني
محمد..رايح افرح عمي
نسرين رفعت حاجبها..عمك بردو
محمد ابعدها عن طريقه..اوعي ياختي انا نقصك وابعدها عن طريقه
احمد نظر لأخيه ..اسمع قول لعمك كتب الكتاب يوم الخميس والفرح اخر
________________________________________
الشهر
شلت المفاجئة والفرحة اطراف محمد ولم يتحرك والټفت ل احمد..وحياة امك بجد
احمد بضحك..ايوة فرحهم بقى
محمد تغمره السعادة ..حبيبي ياابوحميد وخرج مسرعا
عزت والسعادة مرسومة على وجهه..الف مبروك يا بني ربنا يتمم لك على خير
اقترب منه احمد وقبل يده ورأسه ..انا اسف يابابا اني حددت الميعاد من غير مرجعلك
عزت بفرح..لأ ياحبيبي دا انا لو اطول اخليه امبارح عشان افرح بيك ونظر لنسرين تعالي احكيلي ايه اللي حصل بالتفصيل واخفض صوته هي امك مالها
حكت له نسرين كل ماحدث بالتفصيل
عزت رفع حاجبيه..اه امك غيرانة عليكي
نسرين بأبتسامة ساخرة..تفتكر كدا
عزت يحاول أن يؤكد لها..ايوة يابنتي دي امك وبتحبك بس هي لسانها مر
نزل محمد من عند عمه والفرحة تغمره ويهتف بصوت مسموع...عندي ليكم خبر مش هتصدقوه..........الفصل الرابع
دخل محمد تغمره الفرحة ..افرحو عندي ليكم خبر مش هتصدقوه
نظر له عزت ونسرين واحمد الذي مازال جالس معهم وخرجت امه من غرفتها على صوته
زينب نظرت له وقضبت حاجبيها تغراب ..في ايه مالك عامل غارة كدا
محمد بأبتسامة وعيون يملأها الفرح ..معتز هيخطب
احمد بفرح من اجل ابن عمه وصديقه..طب كويس الف مبروك
اتسعت عيناي نسرين بذهول لكن ما يثير اهتمامها انها ليست زعلانة لم تتوقع انها تكون بهذا البرود عند سماع هذا الخبر لم تحزن ولم تفرح وكأنه غير موجود اصلا في حياتها
زينب نظرت له وسألته بأهتمام..ومين العروسة
محمد نظر لها..داليا صاحبة تسنيم من ايام المدرسة لو ان الواطي كان بيحبها من زمان وبيكلمو بعض ومرتب كل حاجة وانا لما قولتلهم على كتب الكتاب يوم الخميس والجواز اخر الشهر فخالتي فاطمة قالت خلاص كتب كتاب معتز يوم الجمعة ويتجوز معنا والفرح يبقى فرحين
عزت بسعادة كبيرة ..ماشاء الله ربنا يحفظكم من العين ويسعدكم يارب ونظر ل نسرين التي لايوجد على وجهها اي تعبير..مالك يابنتي
انتبهت نسرين له وهزت رأسها بالنفي..لا ابدا بس مش متخيلة ان البيت كله هيفضى عليا لوحدي
عزت يربط على كتفها في حنان ..ربنا يسعدك يابنتي ويرزقك بأبن الحلال اللي يريح قلبك يارب
ابتسمت له..طب عن اذنكم تصبحو على خير
دخلت غرفتها تكلم نفسها فهي غير مصدقة مايحدث لها ..هو انا ليه مش زعلانة مش المفروض اني بحبه ولا انا مش بحبه ولا دا اللي صورهولي عقلي عشان متربين مع بعض ودايما شايفاه قدامي تعبت من التفكير ونامت
..........
في المكتب صباحا
تجلس نسرين واماني يتحدثو ويضحكو دخل عليهم عادل ..صباح الخير
اماني بخضة عندما رات زوجها قامت من مكانها مسرعة ..حد من العيال حصله حاجة
عادل بنظرة مطمئنة يحاول تهدئتها..ايه يابنتي هو عشان انا جيت يبقى في مصېبة مټخافيش محمود ومصطفى في المدرسة كويسين وفريدة عند ماما اتصلي بها لو مش مصدقة
اماني شعرت بالراحة وتنهدت بهدوء..لا مش قصدي بس دي اول مرة تيجي على الصبح كدا فخۏفت بس
عادل بأبتسامة ..لا ياستي انا جاي في شغل في عقود عن صفقة لشركة عندنا والعقود عايزة تترجم وانتو عارفين انا دماغي صدت فقولت انفعكم
نسرين بضحك ورفعت يدها لرأسها كأنها تحيه..تسلم يا معلم كلك واجب وظلو يتكلمو ويضحكو وعادل ونسرين يخبطو كف بكف فهي معتادة على الهزار معه كأنه احمد اخيها
دخل ادم عليهم ورأى هذا المنظر احمرت عيناه پغضب نظر لهم نظرة مشټعلة لو كانت النظرة ټ وټحرق لقټلهم هما الثلاثة واحرقهم في مكانهم وضغط على اسنانه وقال بصوت يملأه الڠضب ..السلام عليكم
توقفو عن الضحك فهم يعرفون ان ادم لايحب الضحك والصوت العالي ردو السلام في هدوء
عادل بلع لعابه بصعوبة فهو يعرف ماينتظره من ادم..اما اروح اخد التهزيق طرق على باب مكتب ادم ودخل وقال بمرح ..السلام عليكم في ايه يا عم ادم مالك على الصبح زعلان ليه
نظر له ادم نظرة مشټعلة تكاد تحرقه في مكانه ورد بضيق..وعليكم السلام انت سايب شغلك في الشركة وجاي هنا عملي ارجوز
عادل اتسعت عيناه پصدمة مصطنعة ..ارجوز تصدق كنت هحكي وانت قفلتني ومش حاكي
ادم رفع حاجبه..ياسلام ياخويا
عادل حك رأسه..دا انا جاي في شغل وانفعك دا جزائي
ادم من غير نفس..طب ياخويا متشكر ليك مش عارف من غيرك كان حصل ايه المكتب كان قفل
عادل يحاول امتصاص غضبه فهو صديقه واخوه..مش هرد عليك بس اسكت نسيت اقولك مش احمد اخو نسرين خطب
________________________________________
مي اختي
ادم نظر له ورفع حاجبه تغراب..اختك
عادل يهز رأسه يؤكد كلامه..ايوة اختي وامها امي وابوها ابويا انت مش عارف هما ايه بالنسبة لي دول عيلتي فعلا انا ملاقتش الحنية والحب إلا معاهم ولما دخلت وسطهم عارفت يعني ايه دفء الاسرة
ادم بهدوء ..ياسلام لدرجة دي
عادل تجمعت الدموع في عيناه بصوت ټخنقه العبرة..واكتر والله عارف من يوم امي ما ماټت وانا الدنيا نازلة عليا من كل ناحية مرات ابويا اللي ياما ضړبتني وانا طفل ما كملش ٤سنين والاكل بوقت مفيش حاجة اسمها جعان ولا لسة ماشبعتش وابويا ولا هو هنا وادبهتلت لما روحت عند عمتي ولا عند عمي وماارتحتش شوية الا لما عيشت مع جدتي ام امي بعد ما اتحيلت على ابويا انها تأخدني اعيش معها وهو عامل نفسه مش هاين عليه ابنه يتربى بعيد عنه وهو اصلا مش عارف عنه حاجة وبعدها ماټت على طول كان عمري ١٧سنة وعشت لوحدي محدش بيسأل عليا لحد ما دخلت الجامعة واتعرفت على اماني وخطبتها واتحملو ظروفي لحد ما وقفت على رجليا انا بحب اماني اوي ولما بتزعل مني ببقى هتجنن عشان اصالحها وامها دايما واقفة في صفي حتى لو انا الغلطان وابوها دا فعلا ابويا اللي بېخاف عليا ومي فعلا بحس انها اختي اللي بخاف عليها وعايز مصلحتها وبعد دا كله مستغرب اني بقولك انهم عيلتي
ادم يربط على كتفه فهو يعرف ماعاناه صديقه فأبتسم له..انسى اللي فات انت دلوقتي عندك اسرة بتحبك وعيال حبهم وعوض نفسك بيهم
في هذا الوقت كانت اماني تود اعطاء ادم بعض الاوراق المترجمة عشان يراجعها لو فيها اخطاء اقتربت من الباب كي تطرق سمعت صوت زوجها يتكلم مع ادم وصوته مخڼوق بالعبرة فوقفت في مكانها تستمع له رجعت الى نسرين تبكي
نسرين بقلق من شكلها ودموعها..في ايه استاذ ادم بهدلك
اماني تهز رأسها بالنفي..لأ عادل
نسرين قضبت حاجبيها تغراب..عادل هو اللي بهدلك حرام عليكي دا عادل طيب
اماني هزت رأسها بمعني نعم...اوي يا نسرين اوي
نسرين بخضة من شكلها وطريقة كلامها الغير مفهومة..يابنتي في ايه وقعتي قلبي
هدأت أماني قليلا حكت لها ما سمعته من زوجها عن اهلها وحبه لها
نسرين بعيون تلمع من دموع الفرح من أجل صديقتها ..ياهبلة ودي حاجة تخليكي ټعيطي كدا ولا تفرحي
اماني بسعادة وابتسامة كبيرة على وجهه ودموعها تتساقط على خديها ..انا والله بحبه اوي ساعات بزعل منه بس بعد اللي قاله دا عمري ماهزعله ولا ازعل منه ابدا
ابتسمت نسرين ..ربنا يخليكم لبعض وتفرحو بأولادكم
اماني مسحت دموعها ..يارب وافرح بيكي يارب
في المكتب
نظر عادل ل ادم ...وانت مش ناوي انت كمان تكون اسرة وعيلة وطول النظر له
ادم يحاول ان يهرب من نظرات عادل ..انت بتبصلي كدا ليه اكيد ناوي بس لسة ربنا مأذنش
عادل يريد نصيحة صديقه وعليه التقدم بخطوة فالانتظار لن يفيد تنهد بهدوء ..يابني كلمها وفهمها واطلب منها هتضيع عمرك وعمرها
ادم هز رأسه بهدوء فهو غير مقتنع بطلب شئ كهذا...مينفعش لازم هي اللي
________________________________________
تكون عايزة تلتزم من جواها مش عشان خاطري لازم يبقى اسلوب
