عشان غرورك ده هتتجوزيه يا همس
انت في الصفحة 1 من 7 صفحات
همس المالك بقلم رؤى
_ مهو عشان غرورك ده هتتجوزيه ي همس ورجلك فوق رقبتك.
_ لا لا انتوا اكيد اتجننتوا انا ماشيه.
_همس...تعالي هنا حالا.. همس.
انا همس عندي 22 سنه اهلي مصممين اني اتجوز عشان بيقولوا ان قطر الجواز فاتني انا مش محجبه وفي كليه فنون جميله
..دخلت اوضتي ورزعت الباب وقعدت افكر في المصېبه دي مهو انا مستحيل اتجوز واحد انا تاني واحده في حياته..انا عايزه اتجوز واحد اكون انا الاولي والاخيره في حياته ده غير اني لسه صغيره وعايزه اشوف حياتي..مسكت الفون ورنيت فيديو كول علي الشله وحكيتلهم كل حاجه وفي منهم اللي قال معلش واللي قال طب والحل واللي قال متتجوزيه مش يمكن يكون غني..وبصراحه كلامهم خلاني اتقفل منهم لانهم مساعدونيش او ادوني حل بالعكس زودوا التوتر عندي اكتر..نمت من كتر التفكير والارهاق.
اتكلمت ماما _ يا همس يا بنتي احنا عايزين مصلحتك وكلام الناس مبيرحمش اللي في سنك دلوقتي متجوزين وعندهم عيال..
قومت واڼفجرت فيهم بعصبيه
خرجت بره الفيلا كلها وانا وشي احمر وخلاص هتفجر.. ركبت عربيتي ومشيت باقصي سرعه علي الكليه.. دخلت المحاضره وحطيت وشي عالمكتب بتاعي وقعدت اعيط بكل قهر حسيت اني بجد محتاجه اعيط جايز ارتاح شويه.. مهتمتش للطلاب اللي بداوا يتلموا عليا ولا لصحابي اللي عمالين يطبطبوا عليا وبيحاولوا يهدوني.. جت ريم اقرب صديقه ليا قعدت جمبي تلقائيا دخلت في حضنها وقعدت اعيط.. قعدوا الطلاب مكانهم لما حسوا بالدكتور وهو داخل.. دخل الدكتور واستغرب من ارتباك الطلاب وجه قدامي لما سمع صوتي وانا بعيط.. واتكلم بهدوء
وبدا يشرح.. خلصت المحاضره وانا كنت هديت شويه..
_ تفتكري عايزني ف ايه.
_مش عارفه ممكن يكون عايز يسالك عن سبب عياطك.
_ وهو ماله المهم هروح اشوفه بقا واجي استنوني ف الكافيه..
_تمام..
خبطت ودخلت مكتبه..
_ اتفضلي ي انسه همس نورتي!.
ضحك وقالي
_ الحقيقه انا مش متعود الاقي حد حزين ومسالش عن سبب حزنه
اتعصبت_ليه يعني تعرف هو انت من بقيت اهلي.
حطيت ايدي علي بقي بشهقه بسبب غبائي وطريقه كلامي معاه ده ممكن يشيلني الماده نهار اسود.
ضحك ضحكه بسيطه _ ولا يهمك انا عارف ان مش قصدك.. ولو عايزاني يستي اسامحك وماشيلكيش الماده تقوليلي سبب حزنك..
وبحزن_ انا مش عايزاهم يدمرولي مستقبلي بالطريقه دي..
_ طب مش تعرفي شكله ايه عامل ازاي او حتي ايه الظروف اللي خليته يفشل في الجوازه الاولي وعلي فكره الشخص ده مطلق مش متجوز وهيتجوزك كزوجه تانيه.
اټصدمت وقعدت اقول في نفسي يا رب ما يكون اللي بالي صحيح..
خرجت من عنده ونا مصدومه ان الدكتور بتاعي هو اللي عايز يتجوزني ما هو اكيد مفيش كلام غير كده صح
ده الكلام اللي قعدت اسال نفسي فيه طول طريقي للمحاضرة..دخلت وقعدت ومكنتش مركزه طول المحاضره واخيرا
