مين البنت دي يابابا

تمتلكى القوة دى... 
إزاى ب تقدرى... تسخرى الكل ليك
انا تعبانة يا يونس و عاوزة أرتاح
كانت لسة ه تنام ف مسكتها فجأة و هى كانت خاېفة كأنها طفلة. 
_لاء يا ليلى مش ه أسكت غير لما أعرف إيه سرك... يا كده يا... 
يا إيه يا يونس
_يا أطلقك و تطلعى من حياتى يا ليلى!! 
و ده سهل عليك 
سكت شوية و ما كنتش عارف الإجابة هو انا فعلا أقدر اطلعها من حياتى 
صحيت من النوم الصبح قررت أروح أطمن على ليلى و أتفجعت لما ملقتهاش لا فى مكانها ولا فى الفيلا كلها... 
الله مالك يا يونس ملهوف كده ليه تلاقيها راحت بيت أونكل 
و لسة ه أمشي لقيت ورقة و عليها الدبلة اللى كانت عاوزة تديها ليا. 
يونس يمكن كنت بنت غامضة ب النسبة لك... 
دخلت حياتك بوظتها و
عقدتها... انا ما أقدرش أقول لك اى حاجة غير... انى بحبك فعلا 
انا معاك ب أحس... ب أحس أنى مطمنة... سيبت
لك الدبلة إلبسها و ما تخلعهاش دى بتاعت بابا يا يونس... و ما تدورش عليا أرجع كمل حياتك يمكن لما تكون مبسوط أنبسط انا كمان 
رميت الورقة و انا مش مستوعب اللى ب أقراه 
ليلى سابتنى لاء... لاء مش ه ينفع كسرت كل اللى قصادى و انا ب أفتكرها.. غموضها و چنونها و حتى لما ب تكون زى الأطفال! 
يونس انت محتاج ترتاح... ده انت ما أستريحتش خالص من يوم ما أختفت
_تعرف يا عز أول مرة أحس إن حياتى من غيرها كانت فاضية كده... لما كنت ب أبقى معاها كنت ب أحس ب قيمة الوقت
طب هو انت روحت ل عمتها
أفتكرت اليوم اللى روحت فيه ل عمتها.. 
... خير يا باشا ه... هو حد أشتكى ولا اى
_أسمعي يا انصاف انا عارف كل القذارة اللى ب تعمليها و ب إشارة بس منى قادر أهد المعبد على اللى فيه 
... الله الله هو بدر منى حاجه لا سمح الله 
_فين ليلى يا أنصاف
.... مين يا باشا... اااه ليلى بنت أخويا قطعت و قطعت سيرتها 
_لسانك لو نطق على ستك ليلى تانى ه تكون نهايتك... انا خلاص كل كروت خلصت
.... والله يا باشا انا ما شوفتها من يوم ما سعادة اللوا جيه و أخدها بينى و بينك وقفت لى الشغل بس نعمل اى
_شغل اى... ليلى ايه علاقتها ب الدجل
... ده هى الدجل كله... أصل البت دى كان عندها قوة كده مش عند حد... أبوها كمان كان شيخ منصر و راجل واصل اه
_ليلى ايه علاقتها ب أبوها هى كان ليها فى الدجل
... لا يا بيه بس إكمن أنها أندفت معاه لما ماټ أصلها كانت متعلقة بيه أوى و لما طلعوها كانت اى يا بيه... 
_خلصى يا أختى ه تنقطينى
... ما انا جاية لك فى الكلام أهو... كانت كل ما يعدى وقت تروح تطل على أبوها بس يعنى تطل عليه يعنى تدخل له و فى كلام من حارس المدافن انها ب تدخل و تقعد.... بسم الله الرحمن الرحيم أحفظنا يا رب
ولعت ب تعب_و بعدين
... ولا قبلين البت دى كسبتنى الشهد و الله يا بيه أصلها ب تعرف تتواصل مع أسم النبى حارسك أبوها 
روحت البيت و انا مش شايف قدامى من التعب ف سمعت صوت من أوضتى وقفنى ب صدمة. 
يا حبيبى مين سمعك انا كمان تعبت منه بس أعمل ايه بابى كتب له كل حاجة ما قداميش غير أنى أخلص من اللى إسمها ليلى دى و هو اللى يلبسها ....