يعني المفروض اننا نعيش
دهب
_دهب! غريبة دي أي إلي جابها على بالك.
لعبت في شعري
_شفتها إمبارح في الفيلم حلوة أوي وبعدين أنا معرفش حاجة هنا في مصر وأنت محتاج تغير جو ف لي لأ
ابتسم بفرحة لأول طلب أطلبه منه
_ماشي يا سمسمة عنيا.
ماكنتش في فرصة ومكان أحسن من دا نتكلم فيه ودي فكرة نورسين أم دماغ ألماظات.
___________
_مش فاهم أي كمية الشنط دي أنت مهاجرة!
_أطلعي قدامي يا لمضة أطلعي.
وصلنا الفندق وطلعوا لنا الشنط الأوض وكل واحد دخل أوضته يرتاح بعد نص ساعة بالظبط كنت بخبط على باب أوضته كتير إتأخر في فتح الباب وكان لابس بيجامة
_أي كل التأخير دا !
_تأخير أي! أنت منمتيش ليه!
_في حد ينام حالا يا دكتور دي الشمس هتطلع غير يلا وأنزل عشان نشوف الشروق.
_عشان خاطري.
ابتسم ووافق في ساعتها وقلتله إني هسبقه على تحت جريت على تحت بحماس وإتحركت ناحية الرملة دهب تحفة وخصوصا في الشروق على الشط سحرها مش طبيعي المياة إلي بلون السماء وهدوئها والجبال إلي بتميز سينا في العموم دا كله كون صورة غاية في الروعة وسحر متفردة بيه دهب لوحدها.
شفت أتنين باين عليهم كابل كبير كانوا واقفين بيتفرجوا على الشروق سوا هو حاضنها من ضهرها والإتنين وشهم ناحية الشمس إلي بتستأذن السما تاخد منها حتة أتحركت أكتر ناحية الشط حسيت تحت رجلي بحاجة معدن كانت سلسلة دهب قررت أروح أسألهم جايز تكون بتاعتهم.
_آسفة أني بقطع عليكوا الشروق بس هي السلسلة دي بتاعتكم!
كنت ببص للسلسلة وبعدين رفعت وشي ليهم وأنا بنطق
_لقيتها على الرملة عند ...
الكلام وقف في حلقي وأنا شايفاها !!
بتبصلي پصدمة ماتقلش عن صدمتي ماما !!
في حضڼ راجل غريب.
جسمي كله أترعش فجأة والسلسلة وقعت من أيدي وأنا بحاول أتكلم بس مش قادرة.
_أي دا!
كنت بقولها بمرارة أكتر من الأستفسار وهي لسه مرتبكة ومش عارفة ترد ولا تتكلم.
رجعت خطوة لورا وأنا كل حاجة شيفاها ۏجعاني حتى الهوا إلي كان مطير هدومي وشعري ومبسوطة بيه من دقيقة واحدة بيح رق جلدي.
بلعت ريقي بمرارة وقلت بصوت وأنا بحاول أستوعب
_هو دا المؤتمر ....
_وهو دا شغلك !!
صړخت بصوت عالي المرة دي من صدمتي
_أي دا !!! ما تردي !!!
بلعت ريقها بتوتر
_دا جوزي.
_جوزك !!
قرب مني وسمعت صوته بيحاول يهديني
_يا سمية أنت فاهمة كل حاجة غلط...
بعدت لورى أكتر وبعدت عنه وأنا بعلي صوتي
_أنا بكلم أمي !!
نفسي داق في آخر كلمة ودموعي بدأت تنزل.
_أي العك دا !! ليه كدا!
ضحكت بسخرية وأنا بضړب دماغي بكفي
_وأنا أقول ليه نزلنا بصر بالمنظر دا! والمدرسة ودنيتي إلي خليتيني أسيبها طبعا ما أنا الحمارة إلي ممشياها على كيفك وهي ماشية وراك وواثقة فيك !!
_سمية أسمعيني ..
قلت وقلبي واجعني بسببها
_أسمع أي ما كل حاجة واضحة أهي يا ماما.
صوت شهقاتي علي وأنا بنهار
دا ...دا عمر معملهاش !!
عمر إلي كنتي بتحكي قد أي هو خاېن وعڼيف
وبيضربك ومبهدلك معملش كدا فيا !!!
زعقت بدفاع
_دا حقي !!
زعقت فيها
_حقك تتجوزي!! بس مش حقك تلغيني وتهمشيني !! أنا بني آدمة مش شنطة مطرح ما تروحي تشيليها ومطرح ما تحبي ترميها !!
قلت بكسرة
_ليه كدا!
شديت أكمام البلوزة ودفنت كفوفي فيه وأنا ببكي پقهر فجأة حسيت بدفى غريب عليا دفى بيضمني ويطبطب عليا كانت ريحته عمر.
ضميت نفسي ليه أكتر بقول وأنا ببك
_مشيني من هنا أرجوك.
________
محسيتش بأي حاجة
