يعني دونا عن البنات كلها تطلعي انتي اللي اجي اخطبها

يعني دونًا عن البنات كلها، تطلعي انتي اللي اجي اخطبها؟ 
قولت بعصبيه _ ومالها انا يا استاذ انت، ناقصه ايد ولا رجل 
_ انتي ناسيه عملتي فيا اي امبارح ولا اي 
_ااه انت قصدك علي اللي حصل امبارح ده سوء تفاهم وخلي قلبك ابيض يعني
_قلبي ابيض!، انا فعلا كنت منتظر اي من اختيارات امي ليا، عن اذنك يحلوه 
قام من علي الكرسي بعد ما كنا مكملناش دقيقه فالرؤيه الشرعيه 
_ حلوه!،  استني بس اقولك تعالي، هفهمك يا استاذ اا، اما قولتلي اسمك اي 
_ مش معقول مش عرفاه  ، امال مين اللي كان بيزعق بيه امبارح ويشتم 

_ ااه اه افتكرت اسمك تميم مش كده
قولت بخبث:  اه تميم، مش معقول ذاكرتك اللي قد عقلك دي يست دنيا 
_دنيا مين، ومالوا عقلي يحضرت الدكتور
قولت بضحك _مش اسمك دنيا باردوا ،وبعدين قصدي انه عقلك تعبان شويه، متفهمنيش صح
_ اسمي حياه، وبعدين انت طلعت قليل الذوق 
قولت بخبث_ حياه ولا دنيا هي كلها اخرها مۏت وخلاص، وبعدين مين بيتكلم عن قلة الذوق اللي كانت بتتخانق وبتعلي صوتها عليا امبارح 
_مش انت اللي خبطت فيا وانت ماشي امبارح 
_ ما انا اعتذرت ليكي وقولتلك مخدتش بالي وآسف، وانتي اللي طلعتيلي فجأه مش فاهم منين ولاقيتك بتزعقي قدام الجامع 
_ قصدك اني برمي بلايا عليك صح 
_ من الواضح كده يست حياه، اصل الموضوع مكنش مستاهل الزعيق ده كله، الكل ظن فيا سوء اني كنت قاصد 
_ اقولك الصراحه بس متمشيش ومتقولش لحد ؟ 
_ ياريت فعلًا انا عايز الصراحه 
بص يسيدي الحكايه اني سمعتك وكنت بتتكلم فالتليفون مع مامتك وكنت وقتها قريبه من المسجد بجيب طلبات لبيتنا ومعايا صحبتي، سمعتك وانت بتقول" يا امي انا مش عايز اروح، ولا عايزها، والغي مشوار بكره ارجوكي " وقتها ڠضبت جدًا وكنت بحاول اسرع خطواتي عشان اروح بيتنا واتفاجأت بيك بتخبط فيا، فمن عصبيتي عليت صوتي عليك مجراش حاجه يعني، بس صدقني كنت وقتها فعلا اتخبط فيك ڠصب عني مكنتش اقصدها، انا مش بتاعة الحركات دي 
_ يعني انتي بتاعة انك تعلي صوتك وبس صح 
_ما قولتلك خلاص بقي خلي قلبك ابيض 
_ وبعدين انا مكنتش اقصدك انت... 
اسكته بكلامي وقولت:  ما انا عرفت امبارح من مامتك 
_وعرفتي اي بقي يست حياه 
_عرفت انك مكنتش عايز تشوف الشقه الجديده بدل شقة باباك اللي انتوا عايشين فيها انت ومامتك لانها غاليه عليك ومش عايزه تبيعها 
_ الله الله، للدرجادي امي ڤضحاني 
_ لا دي ماما دي حبيبتي من زمان 
_ اه يعني انتوا كنتوا مخططين سوا انكم تجيبوني اخطبك 
_ حيلك حيلك، انت شايف نفسك كده لي يدكتور، ولا عشان حافظ القرءان وملتحي ودمك خفيف وكل الناس بتحبك وصوتك حلو وانت بتصلي بالناس فالجامع يبقي هحبك ولا هعجب بيك مثلًا فوق دا انا حياه 
ضحكت علي رغم ارادتي وقولت:  دا انتي متبعاني اوي بقي 
قولت بتوتر _لا مش اوي، اخبارك بتوصلني لحد عندي