ملبوسه يا نهار ابيض تتجوز واحده ملبوسه

ملبوسة ! يا نهار أسود ..تتجوز واحدة ملبوسة و من الصعيد كمان يعني جاهلة ! و دوننا عن البنات كلها دي !
رد عليها بهدوء
وطي صوتك يا ماما ..مينفعش كدة الناس هتتلم علينا .
تتلم يا ابن محمد ! خليها تتلم و تشوف ابني و أخرة صبري عايز يتجوز واحدة ملبوسة و يا ترى بقى يا حضرة الظابط عارف أنها ملبوسة.
يا ماما هى مش ملبوسة ولا حاجة ..كل دي أوشاعات.
اة منكم كلكم ..عايزين تعملوا فيا أية أكتر ! الكبير و مش عايز يتجوز و الوسط عايز يتجوز الخدامة و الصغير إل بقول علية أعقل أخواته عايز يتجوز واحدة ملبوسة.
يا ماما مينفعش كدة دي حياتي و أنا مسؤول عن قراراتي .

و الله و فتحت بوقك و بقا ليك قرارات من غيري يا يوسف .
يا ماما يا حبيبتي أنا شوفتها و أعجبت بيها و احنا فى الصعيد و حبيبتها و عايز أتجوزها مش نزلنا الصعيد عشان ننقي عروسة ولا أية ! أنا عايزها بقا.
و أنا مش موافقة .
يا ماما يا حبيبتي ربنا يهديك .
لا يعني لا .
تمام أنا مش هتجوز غيرها و النقاش خلص على كدة .
حسام الأخ الأوسط نزل من على السلم و هو بيأكل تفاح و أتكلم 
مالك يا خالة نوسة قلباها غم لية 
صابرين بصيتله كدة بغيظ منه و من أخواته و اتكلمت
مفيش الأستاذ الأول جايب الضغط و التاني الشلل و الثالث الحسړة و ...
قاطعها و هو بيحط إيده قدامها و بيكمل
احم ..احم ..سيبيني أكمل الأستاذ الأول مش عايز يتجوز و جايله عقدة ..بلعب معاه كأنه واحدة عانس و الأستاذ التاني فاشل و مش نافع فى حاجة و بيروح يتسرمح مع الناس و مفيش فايدة منه و فى قال اية عاوز يتجوز خدامة ..و الثالث أخر صبري و إل ربنا جابهولي بعد عناء و مشقات عايز يتجوز واحدة ملبوسة...أنتحر أنا ولا أموت نفسي .
جت تتكلم بس هو قاطعها مرة تانية
و مشي و سابها و هو بيأكل التفاحة بصيتله هى بغيظ و بتتكلم بصوت عالي
اة ..ما كلكم متربتوش ما هو لو اتربيتوا مكانش حصل دة كلة مخلفة شوية مجانين فى البيت يا ولاد محمد ألطم ولا أجيب لطامة !
كل واحد منهم طلع رأسه من ورا جدار و هما الثلاثة فى نفس الوقت .
اعملي بيتزا.
يا أختتتتتتي...مجانين أقسم بالله عايشة مع مجانين...الصبر..الصبر يارب.
علاء الأبن الأكبر راح ليها ببرود و هو بيقعد جمبها و بيشغل التليفزيون و بيقلب فى القناوات و صابرين حاطة إيدها على خدها و بتبصله بصلها بطرف عينه و عمل مش منتبه فأتكلمت
و دة إسمه إية إن شاء الله.
بصلها بطرف عينه بهدوء
الواحد ميتلكش بيك عشان متكمليش كلام .
ردت عليه بغيظ
هو أنتوا بتعاملوني كدة لية هو أنا مرات أبوكم و أنا معرفش.
أيوة..مش متجوزة السيد الوالد أكيد تبقي مرات أبونا.
و الله.
بصيلها بشك
الحركة دي أنا عارف أية بعدها.
رفعت الشبشب و هو بتبتسم
شاطر...يلا معفن منك ليه هنا قاعدين حارقين دمي من الصبح.
اة ..ما أنتو مش طايقني ..ما أنتو ..
دخل عليها يوسف ببرود و هو بيبص ليها
بصي احنا فى الصعيد دلوقتي و