انا عايز اعرف ايه اللي قعدك في الشارع واللي رايح واللي جاي يبص عليكي

انام 
دخلت كملت نوم وهو نزل الشغل بعدها لقيت موبايلي بيرن رديت على ماما 
ازيك
يا ماما عامله ايه
الحمدلله بخير انتي اخبارك ايه يا مريم
الحمدلله يا ماما صوتك ماله 
لا أصل جدك تعبان وعايز يشوفك 
اتكلمت بقلق وخضه ايه تعبان ماله يا ماما 
مفيش حاله شوية
تعب والدكتور كشف عليه وقال ومحتاج يرتاح وياخد علاج عشان ضغطه عالي وطلب أنه يشوفك 
طيب
يا ماما هكلم عمر هقوله واجيلكم 
ماشي يا حبيبتي سلام 
سلام يا ماما 
قومت لبست بسرعه ومسكت الموبايل واتصلت على عمر 
الوو ايوه يا عمر 
اتكلم بقلق وخوف ايه يا مريم فيه حاجه 
لا مفيش بس جدو تعبان وعايز يشوفني 
ليه ماله الف سلامه عليه 
الله يسلمك كان ضغطه عالي شوية هروح اشوفه 
روحي يا حبيبتي ويبقى طمنيني عليه 
قفلت معاه وعشان قلقانه على جدو مركزتش قوي روحت بيت بابا وماما فتحتلي سلمت عليها ودخلت عند جدو كان نايم على السرير سلمت عليه وكنت بعيط فطبطب عليا 
الف سلامه عليك يا جدو 
الله يسلمك يا مريم خلاص متعيطيش 
مش بعيط انا بس قلقت عليك 
ابتسم انا كويس يا بنتي اطمني 
هزيت راسي وبعدها ماما جابت الفطار وفطرت مع جدو كان باين عليه إلارهاق والتعب وبعد ما ماما خدت الصينيه وطلعت هو بصلي 
عامله ايه مع عمر 
الحمدلله يا جدو احنا كويسين 
ابتسم عمر انسان كويس وابن حلال 
هزيت راسي وبعدها بابا جه وقعد معانا الجرس رن قومت فتحت وكان عمر وقت رجوعه من الشغل بصتله وابتسمت 
ايه ده انت جيت 
ضحك بهزار لا لسه هناك 
يا سلام ده انت رخم فكرت انك مش هتيجي 
لا جيت عشان اشوف جدك وبالمره نروح مع بعض
انا عايزه اقعد يومين مع جدو 
بصلي پصدمه ايه ليه يعني 
جدو تعبان ومحتاج اللي ياخد باله منه وماما برضوا لوحدها مش هتقدر 
طيب فين جدك 
جو ادخل عنده 
دخلته عنده وهو سلم على بابا و ماما و جدو وقعد شوية وانا دخلت المطبخ جهزت ليه اكل وطلعت حطيته قدامه ف بابا اتكلم
يلا اتغدا يا عمر اكيد جاي من الشغل جعان
بصلهم بإحراج لا يا عمي مش جعان 
جدو اتكلم يلا يا ابني كل لقمه انت لسه جاي من الشغل يلا يا مريم اقعدي كلي مع جوزك 
ابتسمت وقعدت جنبه عشان ميتكسفش ياكل لوحده خلص اكل وعملت شاي لينا كلنا وبعدها قام وقالي بتردد
طيب يا مريم انا نمشي وهسيبك النهارده وهبقى واجي اخدك 
جدو اتكلم بهدوء لا يا ابني خدها معاك وتبقى تيجي 
اتكلمت بزعل مصتنع قصدك ايه يا سي جدو مش عايزني ابات معاك 
لا يا بنتي بس عشان جوزك 
وجوزي مش معترض اهو صح يا عمر 
بصلي بتردد وحيره ولما لقاني مصره ابتسم وهز راسه واستأذن ومشي وانا دخلت شطبت المطبخ وبعدها عملت الشقه بسرعه وحطيت دورة غسيل في الغساله وبعدها طلعت عطيت لجدو العلاج وقعدت جنبه لحد ما نام فمسكت موبايلي وفتحت الواتس لقيت عمر بعتلي رساله
بتعملي ايه 
خلصت وقاعده مع جدو بس نام فقولت افتح واتس شوية 
بعتلي رساله تعرفي البيت جميل اوي من غيرك 
بعتله ايموشن بحاجب مرفوع لا والله 
بعتلي ايموشن بيضحك وكتبلي من غير حلفان
تصدق انك باييييخ 
كان كل شوية يكتب حاجه ويمسح وبعدها بعت ريكورد لا والله البيت وحش من غيرك اول ما دخلته حسيت اني ولا حاجه من غيرك يا مريم حسيت اني بحبك بجد
تقريبا من الفرحه والصدمه عدت الريكورد تلات مرات مش مصدقه كلامه