واحد صاحبي ابوه حلف عليه لازم ولابد يتجوز بنت عمه

مااااذااا تفعل يا رسول الله ؟!! ايه اللي بتعمله دا !! .. 
قالهم " ماټ النغير .. فجلست ألاعب عُمير " !! 
شايف كمية مراعاة المشاعر وجبر الخواطر ؟!  
والنبي مكتفاش بكدا  لاء .
تاني يوم راح لعمير بيته وقعد معاه يعزيه ويواسيه ويقوله كلام حلو يخفف عليه الحُزن بسبب مۏت الطير بتاعه .. ومش بس كدا .. 
دا النبي قام صلي ركعتين وهو في بيت عُمير ودعي ربنا انه يصبر قلبه ويهون عليه !!.
إديسون مخترع المُصباح الكهربي . اترفد من مدرسته والحجه انه طفل غبي " كتبوا جواب لامه يقوللها ابنك غبي جدًا وزمايله هيتعلموا الغباء منه و فصلوه .. اديسون امه بدأت تمنعه من المرواح للمدرسه  سألها عن السبب ؟! 

قالتله لانك أذكي من جميع زمايلك ومنتاش محتاج لمدرسه .. انت عظيم إديسون بيقول انا صدقت كلام امي واني ذكي وعظيم كانوا شايفين ان عقله مظُلم مينفعش للتعليم  لكن بكلام امه الحلو ومراعاة مشاعره .. نور العالم باختراعه !.
سيدنا عكرمه بن أبي جهل  ابوه " أبو جهل " من اكتر الناس اللي كانوا بيكرهوا الاسلام  لما سيدنا عكرمه أسلم .. النبي نهي الصحابه انهم يجيبوا سيرة أبو جهل بأي سوء قدام سيدنا عِكرمه  وقالهم ان الشتيمه هتوجع ابنه ومشاعره .. ومُش هتوصل لابو جهل !!  فـ حافظوا علي الفاظكم !!.
الخليفه العباس كان بيتمشي مع زوجته فـ حديقة القصر بتاعه  فـ وهُما وافقين علي البير سوا .واضح ان الخاتم بتاعها كان واسع عليها  فجأه فلت من ايدها وقع فـ البير  الخليفه العباس فورًا قلع الخاتم بتاعه ورماه ف البير  فقالتله " لماذا فعلت ذلك يا امير المؤمنين ؟! ليه رميت الخاتم بتاعك ؟!  قالها " خِفت ان يشعر خاتمك بالوحده فأردت ان اجعل خاتمي رفيقًا له " ! بتقول زوجته " انها طول حياتها منسيتش حلاوة كلام الخليفه ليها في الليله دي 
مراعاة المشاعر والكلمه الحلوه يا جماعه الله يحلي أيامكم ..

الست ممكن يكون طالع عينيها فـ شغل البيت ولما راجلها يطبطب عليها ويقولها " شيلاني وشايله عني الله يديمك نعمه " وربي بتنسي كُل تعبها ! 
ابنك بيذاكر متقولوش منتاش نافع " اعمله القهوه بايدك وقوله انا معتمد علي الله ثم عليك وكُل اللي يجيبه ربنا كويس .. 
الحُب عامل زي السبرتو .لابد تحافظ عليه بانك تغلفه " بالاهتمام " بدل لما يطير منك .. 
دا النبي قال ان الكلمه الطيبه بتتحسبلك صدقه وربنا بيقول " وقولوا للناس حُسنًا " !  
امدح فـ لبس اصحابك واذواقهم ابعتلهم رساله دلوقت مضمونها كلمتين " أنا بحبك "الكلمه الحلوه بتلزق فـ القلب زي طابع البوسطه .. 

راعوا المشاعر وقدروا  تصرفات بنشوفها تافهه جدًا الا انها بتفرق عند غيرنا ومبتتنسيش .
الواحد لو حب واتحب بيحلو ووشه بيفتح زي الوردايه في يوم قولت لوالدتي تعرفي ان اجمل شيئ فـ الدُنيا ان الانسان يحب ! قالتلي تعرف ايه الاجمل ؟! ان الانسان اللي بتحبه يبادلك نفس الاحساس فيراعي مشاعرك ويحبك . : ) !