العروسه المسكونه

العروسة المسكونة...
مني عروسة جديدة متجوزة بقالها ست شهور من عادل واللي بيشتغل مدرس ثانوي وحكايتهم بدأت لما...
مني...
عادل يا عادل اصحى الساعه دلوقتي 12 00..
عادل...
في ايه بس يا منى افرض 12 ولا حتى واحده النهارده اجازه وانا عايز انام
مني...
كفايه بقى نوم انت ناسي انك لازم تنزل عشان تصلي الجمعه... يلا بقى قوم بلاش كسل انا كويت لك الجلابيه والحمام جاهز
عادل...
حاضر يا مني سيبيني انام حتي عشر دقايق بس ... هما بس ما فيش غيرهم عشر دقايق..
مني...
طيب ايه رايك بقى لو ما قمتش دلوقتي حالا انا هادلق الميه دي على دماغك..

عادل ..
خلاص يا منى خلاص اديني قايم... اعملي حسابك بكره تظبطي الاوضه بتاعه الدروس لان بكره في مجموعه جديده هتيجي وانا هبدا معاهم من الاول
مني...
في عادل يا حبيبي ارحم نفسك انت مش بتتعب ولا ايه
عادل...
وحتى لو بتعب لازم اعمل قرشين كويسين والمرتب لو اعتمدنا عليه مش هناكل عيش حاف
مني...
انا بقول يعني كويس عليك ثلاث مجموعات كده هيبقوا اربعه وهيبقى ضغط عليك... انا عارفه انك انت ما شاء الله اشطر مدرس فيزيا بس برده يعني
عادل...
بالعكس يا منى على لو عليا عايز ادي 10 مجموعات في اليوم... ما انت شايفه الحكومه هو وزير التربيه والتعليم كل يوم بقرار لغوا الجولوجيا وعلم النفس والفلسفه الله اعلم يمكن يجي بكره اقول لك هنلغي الفيزياء
مني...
لا لا طبعا يا حبيبي الفيزياء دي حاجه اساسيه ما ينفعش تتلغي
عادل...
اهو الحاجه الاساسيه دي تخافي منها لان هي اللي ممكن تتلغي... زي حاجات كتير ما اتلغت من حياتنا..
مني...
والله معاك حق يا حبيبي ربنا يستر قوم بقى يلا..... بعد شويه بينزل عادل يصلي الجمعه واول ما بيرجع
مني...
رحتي فين بس ما انا لسه شايفاكي امبارح في الدولاب..
عادل...
الف سلامه عليك يا منى بتكلمي نفسك بعد ست شهور من الجواز امال بعد ست سنين هتعملي ايه..
مني...
بدور على ديما يا عادل يا حبيبي مش لاقياها...
عادل...
ديما مين هو احنا مخلفين وانا مش واخد بالي
مني...
يوه يا عادل هو انت لحقت تنسى... ديما يا عادل العروسه ديمه اللي جبتهالي اول يوم جيت فيه بيتنا كنت حطاها في الدولاب بدور عليها ما لقيتهاش...
عادل...
انا كنت شايفها امبارح في المطبخ على الرف اللي بتحط فيه الكوبايات
مني...
مطبخ ايه بس عادي بقول
لك كنت حطاها في الدولاب..
عادل...
على فكره انا بتكلم جد العروسه كانت في المطبخ...
مني...
خلاص هروح اشوفها في المطبخ يا عادل... وبعد شويه
مني...
انا لقيت العروسه فعلا على المطبخ بس لقيتها فوق التلاجة مش فوق رف الكوبايات زي انت ما بتقول
عادل...
ما فرقتش كتير يا منى المهم انك لقيتيها وخلاص...
مني...
على رايك بس غريبه يعني ده انا كل يوم بشوفها في مكانها في الدولاب وعمري ما فكرت انقلها...
عادل...
يمكن بس يا حبيبتي وانت بتروقي كده ولا كده نسيتيها في المطبخ من غير ما تاخدي بالك... المهم يلا نتغدى عشان ادخل انا كمان انام عشان بعد المجموعة هنزل اقعد شوية علي القهوة مع أصحابي...
مني...
على فكره انت عيل وبترجع في كلامك
عادل...
انا عيل يا منى.. طيب ليه
مني...
لانك انت الاسبوع اللي فات وعدتني يوم الجمعه هتخرجني نتعشى بره... وشكلك كده رجعت في كلامك او بتعمل نفسك ناس
عادي...
يا ستي ولا رجعت في كلامي ولا بعمل نفسي ناسي خلاص نخرج نتعشى بره على الاقل نشم شويه هوا بدل الصيف اللي احنا فيه ده.... وخرج عادل ومنة وفي نهاية اليوم..
عادل...
تعالى نخرج كل يوم طالما بتفكرك بايام الخروجه
عادل...
هي مفكرتنيش قوي...