العريس سافر بقلم إيمان صالح
يوم كتب كتابنا مقدرتش اتحمل وضړبته سيبتها تفكر بس ازاي وهي اصلا زعلانه عشانه يعني خلاص الحكاية خلصت قبل ما تبدأ!
جالي شغل في اسوان ووقتها قولت فرصه ابعد شويه لحد ما تفكر مع اني بحبها ومش عايز اسيبها بس برضوا مش هكون اناني سافرت اسوان وبدأت شغل وحقيقي المكان هنا جميل والناس برضوا جميله
إيمان صالح
بصتلها وانا مش عارف مين دي ولا عايزه ايه اه انا فيه حاجه حضرتك
هزت راسها وابتسمت لا بصراحه شغلك عجبني جدا وكنت محتاجه تعملي الڤيلا بتاعتي
طيب فين مكانها يا افندم
ممكن تيجي معايا تشوفها
اهه اكيد
طيب تعالى معايا اتفضل
ركبت معاها العربية بتاعتها ووصلنا المكان
اهه موقعها ممتاز فعلا تحبي تبدأي امتى
من بكره لو حبيت انا حابه استغل وجودك في اسوان عشان تشتغل فيها
خلاص إن شاءالله نبدا من بكره
والفلوس اللي حضرتك تطلبها انا موافقه
من حيث الموضوع ده اكيد مش هنختلف
تمام
كنت بتكلم معاها وموبيلي رن وكانت حماتي رديت عليها
ايه يا إيهاب يا ابني انت فين
انا في اسوان يا طنط فيه حاجه
لا يا حبيبي اختفيت فجاه كده من غير ما تقول يعني
معلش يا طنط كان شغل مش اكتر
يعني انت عارف ان مراتك تعبانه وسبتها ومشيت
قلبي دق لما سمعت كلمة مراتي وابتسمت اعذريني يا طنط هي كويسه دلوقتي
لا هي مش بتاكل ولا بتشرب ولا بتعمل اي حاجه
بحاول يا إيهاب وبعدين حد قالك سيبها ومتقولش شغل عشان الموضوع ده مش داخل دماغي
لا يا طنط متسيبهاش غير لما تاكل وبعدين حضرتك عارفه اتفقنا لازم هي تقرر
يعني انت مش هتزعل لو قررت ترجع ل محمد وتسيبك
حسيت قلبي اتكسر وزي ما يكون الهوا اتسحب مني حاولت اتماسك لما سمعت صوتها بتكلمني
اتكلمت بضيق لا يا طنط مش هزعل خلي بالك منها سلام
قفلت معاها وانا متضايق وعايز اخد نفسي مش قادر رجعت قعدت على كرسي وانا بحاول انظم انفعالاتي سمعت صوت من ورايا
حضرتك كويس يا بشمهندس
اهه اهه انا كويس يا
نور اسمي نور
انا كويس يا استاذه نور بعد اذنك عايز ارجع موقع الشغل
تمام اتفضل
رجعت الشغل وانا بحاول انساها بس ازاي واي موقف بيفكرني بيها زي ما تكون هي الډم اللي بيمشي في عروقي هي النفس اللبتنفسه !
ضحى
لما شوفت محمد يوم كتب كتابنا اڼصدمت مع أن المفروض خلاص انا اتكتب كتابي بس مش عارفه ليه افتكرت يوم الخطوبه لما سابني لوحدي اواجهه الناس ومشي سافر وبكل سهوله راجع يقول إنه خطيبي حسيت روحي بتتسحب اد ايه كنت عبيطه ومغفله اوي كده وضحك عليا بكل سهوله محستش بنفسي غير وايهاب بيقول هيجيب الدكتور مسكت أيده وانا عايزه أوصله انه ميسبنيش لما قعد وكلمني كنت بقول هو فيه كده يعني أنا كنت بتخانق مع ماما عشان محمد واحد غشاش وكذاب وواحد زي إيهاب عمل المستحيل عشاني مشفتهوش بس وقتها اتفاجأت لما قالي لو عايزه أطلق او يسبني ماشي وقتها مستوعبتش كلامه
ولما مشي حسيت انه اخد روحي معاه وهو ماشي معرفتش اكل ولا اشرب كل المواقف الحلوه بتجمعني بيه !
إيمان صالح
كنت قاعده مع ماما وسرحانه مش مركزه
معاها وبعدها خبطتني
