سكريبت روحي بقلم روان سالم

ماما هي ليه أنت بقا عندك بطن كبيرة! 
رديت بإبتسامة
عشان أنا حامل
يعني إيه حامل! 
مسكت إيد يزن إبني وحطيتها على بطني وأنا بفهمه بنفس إبتسامتي
يعني هنا في نونو! وكمان كام شهر ويبقا عندك أخت صغيرة
لقيته قال بفرحة كبيرة
يعني هيبقا ليا أخت زي محمد صاحبي! 
هزيت راسي بأيوا وهو قرب شوية وقعد يحسس على بطني معداش ثواني ولقيته بيجري على أوضته بسرعة أستغربت بس إستغرابي مدامش كتير ولقيته رجع تاني وهو ماسك في إيديه بطنية وحاول يطلع يقعد جنبي على الكنبة فساعدته ولقيته بيقولي
ماما جوا ديق خليها تطلع تقعد هنا

قالها وهو بيطبطب على الكنبة براحة 
مينفعش يا حبيبي تطلع دلوقتي وهي صغيرة جوا مش ديق عليها متخافش
لا طلعيها عشان تعرف تنام! 
هي نايمة دلوقتي أصلا وطي صوتك! 
قولتها وأنا بهمسله عشان يقول بهمس زي
يعني هي نايمة! 
هزيت راسي فقال من تاني
طب الجو برد عليها خليها تتغطى! 
ضحكت وخدت البطانية من إيده وقعدته في حضڼي وحطيت البطانية علينا وأنا بقوله
أهو كدا هي اتغطت
أبتسم جامد وهو فرحان ثانية إتنين ولقيته بيقول 
هي إسمها إيه! 
عايز اسمها يبقا إيه! 
حط صباعه تحت بوقه وهو بيفكر وقال مرة واحدة
روح
ليه! بعدين أنت سمعت الإسم د فين أصلا!
سمعته في فيلم وعمو كان بيقول للبنت أنت إسمك روح وأنت روحي عشان كدا نسميها روح وأقولها يا روحي! 
يا روحي أنت! طب وهتخلي مين تاني يقولها يا روحي!
رفع صوابعه وهو بيعد بطفولية
أنت وبابا و... بس
وبس طب وعمو طارق وخالو أنس! 
قالي بعصبية
لا! أنت وبابا بس
ضحكت جامد
دخل قرة عيني عمر وهو بيضحك هو كمان الظاهر أنه كان متابع الموضوع من أوله 
يبدو أن احدهم يغار عليكي يا ست روح حتى من قبل ما تنوري الدنيا
طبعا أنت كنت شاكك ولا إيه! د يزن يا بابا صح يا يزن أنت بتغير على روح! 
قلتها وأنا بزغزغ يزن وهو بيضحك ومش فاهم أنا وباباها بنتكلم على إيه أصلا قرب عمر مننا وقعد جنبي وهو بيضحك وأخد يزن من حضڼي وقعده على رجله وهو بيقوله
شاطر يا واد يا زيزو عايزك تفضل تغير على روح كدا علطول وتبقا صاحبها! أوعى تزعلها د أختك الصغيرة 
حرك راسه بأيوا وهو بيبص لأبوه بتركيز فقاله عمر من تاني وهو بيعمل زيه
هو إيه إلل...! أنا عايزك تقولي حاضر يا بابا
حاضر يا بابا
قولت أنا 
على فكرة هيبقوا قريبين من بعض أوي وبكرا تقول هبة قالت! 
روح!
قالها بصړاخ عالي 
في إيه! في إيه يا يزن! 
فين الحيوانة روح! 
أهدى بس إيه إلل حصل! 
قال وهو بيشاورلها على باب المطبخ
أدخلي يا ما كملي الأكل د مشكلة صغيرة وهحلها على طول
والله العظيم إنتوا ولاد هبلة
قالتها وهي بټضرب كف على التاني ودخلت المطبخ من تاني وهو بيقول لنفسه بإستغراب
د على أساس أنها شتمتنا إحنا يعني! 
جري بسرعة على أوضة أخته بعد ما أفتكر هو كان بيعمل إيه