رجلي بقلم هويدا زغلول
وابقي قوم يا جمال
شوفلك شغلانه عشان تصرف علي البيت ودخلت جوه وبعدها حماتي قالتله
الحما
وبعدين يا واد يا جمال احنا هنعمل ايه
الحق يتقال بينا وبين بعضينا احنا ما حدش كان
بيصرف علينا وبيأكلنا غير مراتك دلوقتي الوليه بقيت عاجزه تقدؤ تقولي هناكل ونشرب منين بقي
جمال
هتصرف يا اما وبعدين عجزها ده جه في مصلحتي انا وانتي ده انا ناوي اشغلها حتت شغلانه انما ايه هتخلينا كل يوم ناكل اللي نفسنا فيه ونشرب اللي نفسنا فيه برضو
لا قوليلي ايه اللي ناوي تعمله في الوليه اللي بقيت عاجزه دي انت ناوي تكمل عليها يا واد انت ولا ايه
جمال
يا اما اسكتي بالله عليكي واما الوليه اللي جوه دي تبقي تصلب طولها هبقي اخليكي تشوفي بنفسك
انا هشغلها ايه
وبعد ما نمت جابتلي اسماء اكل وقالت
اسماء
انا جيبت فلوس من بابا وحيبتلك اكل يا ماما
يلا يا حبيبتي عشان تاكلي وتاخدي العلاج
ما حدش سبب في اللي انا فيه ده غير ابوكي
هو اللي ضحك عليا وخلاني حامل وبعدها اتخلي عني اتجوزني يوم واحد وطلقني عشان يكتبك بأسمه وبعدها رمانا في الشارع ده انا ختي ما كانش معايا فلوس ارفع عليه قضيه
اسماء
خلاص يا ماما اهو اللي حصل بقي الحمد لله
علي كل حال وهو قالي انه عايز يجيلك بس مش
فاضي واما بفضي هيجي يبص عليكي
هيجي هه انتي ما تعرفيش حاجه مراته مش هتخليه يجي وانا مش عايزاه يجي يشوفني وانا عاجزه كده
اسماء
حاضر يا ماما انا مش هخليه يجي بس اهدي انتي وبلاش تتعصبي ودخلت حماتي في الوقت ده وقالا
الحما
هاتي يا بت انتي الاكل ده ما انتو معاكم فلوس اهو وبتجيبو اكل وسايبني انا الست الكبيره وابني اللي لمكم من الشارع قاعدين بره بالجوع
حرام عليكي والله يا ست انتي الدكتور قال انها لازم تاكل كويس عشان تقدر تاخد العلاج
والفلوس دي انا وخداها من بابا عشان اجيب بيهم اكل لامي
الحما
ماليش فيه يا حبيبتي ومدام كلنا قاعدين في بيت واحد
يبقي ما حدش يجيب حاجه لوحده وانا خلاص اخدت الاكل ده ده بالهني والشفا ليا وطلعت
اسماء
انا هنزل اتصرف يا ماما اجيبلك حاجه تاكليها يا ماما الدكتور قال لازم تاخديه بعد الاكل
مش مهم يا اسماء بكره ربنا يفرجها
اسماء
لا انا هتصرف يا ماما وهجيبلك اكل والله ما تقلقيش وطلعت اسماء ودخل عندي جمال
جمال
خدي جيبتلك حتة الفراخ دي من امي
شيلتها من علي بوزي اهوس وجيبتهالك
ليلي
بعد ايه ده البنت الله واعلم راحت تجيب فلوس منين وامك اخدت الاكل من قدامنا وطلعت
جمال
مش هتاخد منكم حاجه تانيه
قومي بس يا حبيبتي كلي اللقمتين دول
وانا هجيبلك فلوس واصرف عليكي وكل حاجه
وراحت اسماء لفاتن صاحبتها وقالتلها
اسماء
انا موافقه اشتغل معاكي يا فاتن في الشغل اللي انتي قولتيلي عليه
فاتن
لا يا حبيبتي مش انا اللي بشغل انا شغاله مع مديحه
تعالي هخليكي تروحي وتشوفيها وتتفقي معاها
اسماء
طيب هو انتي شغاله معاها في ايه
فاتن
شغاله زي ما قولتلك يا حبيبتي وبعدين انا قولتلك قبل كده ان الظروف اللي انا فيها هي هي الظروف اللي انتي فيها والشغل ده هو اللي يناسبنا وشيلي يا حبيبتي موضوع الجواز ده من دماغك خالص
اسماء
شيلته يا فاتن الجواز ده للي ليه اب وام يسندوه ويغلوه انما اللي زي حلاتي كويس اني بلاقي مكان ابات فيه
وراحت هي وفاتن عند مديحه اللي قالت
مديحه
يا اهلا وسهلا ده انتي مطلوبه عندي بالاسم
اسماء
مطلوبه من مين انا
مش فاهمه حاجه
مديحه
زبون يا حبيبتي هيتجنن عليكي وانا اهو جيبتك اهو وهتاخدي قرشين
