حكاية ام

يكيل لها الضربات

انتى كنت عاوزة تموتيها

يابت ال.........

انا حكتب كتب كتابك على محسن وحتمشي وتغورى من هنا

ويقوم بطرد شهد خارج الشقه

بينما تذهب شهد وهى تبكى على حال صديقتها

تفتح لها امها الباب

ترتمى فى حضنها

خديجه خير ياشهد فى ايه ياحبيبتى

شهد وهى تبكى حياة ياماما حيجوزوها محسن البلطجى

حرام والله ده حرام ليه يحصل لها كل ده حياة لاء متستاهلش اللى بيحصلها ده

خديجه بسم الله الرحمن الرحيم

أعوذ بالله من الشيطان الرجيم

اهدى ياشهد اهدى ياحبيبتى

محمود يدخل فى ايه مالك انتى اتجننتى واللا ايه

شهد ابعد عنى متقربليش انا بكرهك بكرهك يامحمود انت زى عزة وعادل متفرقش عنهم حاجه حقېر زيهم

انت كمان السبب فى اللى حصلها

انا مش عاوزة اشوف وشك ابعد عنى ربنا ينتقم منكم

ربنا ان شاء الله حيجيبلها حقها منك انت وعزة وعادل وكل اللى ظلموها

حسبي الله ونعم الوكيل فيك

روح اتجوز وافرح وانبسط مع المهندسه اللى من مقامك

بس متنساش ان دعوة المظلوم ليس بينها وبين الله حجاب

وانسى ان ليك اخت اسمها شهد

انت من النهارده لا اخويا ولا اعرفك

وتجرى على غرفتها وتغلقها على نفسها

بينما محمود فى صډمه مما سمعه من اخته

لم يستطع الرد او الدفاع عن نفسه خاصة وانه راى نفس النظرة فى عيون امه

ترك المنزل لهم وخرج

عند حياة

محسن يعنى خلاص حتجوز حياة

عادل ايوة كتب كتابكم كمان يومين

بس بشرط تلاتين الف جنيه يتحطوا ادامى

محسن هما عشرين مفيش غيرهم

عزة وانت حتشغلها بعد الجواز

محين مالكيش فيه ياعزة

ياللا سلام حروح احضىر نفسي

كانت حياة فى الداخل تتحدث الى نفسها

لا انامش حستسلم ليهم لحد ماالاقى نفسي متجوزه الحيوان ده

يقترب وقت اذان الفجر

تفتح حياة باب الشقه وهى تنظر لها وتودعها الوداع الاخير

وتتذكر كل ذكرياتها الجميله مع امها التى طالما حلمت ان يجمع بينهما القدر

تتحرك ببطء حتى لايشعر بها احد

ومعها اوراقها الشخصيه وهاتفها واموالها القليله وملابسها التى لاتعد على الاصابع

تخرج من العمارة وتمشي فى الشوارع وهى لاتعرف اين ستذهب ولمن تلجا

تجد قدماها تجرها الى محطة القطار فتركب حتى انها لم تكن تعرف الى اين سيتجه

ولكنها تدرك انه ذاهب إلى الاسكندريه

تجلس على المقعد تنظر للطريق وهى تدعو ربها ان يفرج همها ويجعل فى طريقها من ييسر لها الامور

تنزل فى الاسكندريه وتتخبط فى الناس وتمشي على قدميها حتى تلمح بعينها البحر

البحر الذى كان امنيتها ان تذهب اليه هاهو امامها

الان

كانت كالطفله الصغيرة فرحت بشده وذهبت الى البحر وهى غير مصدقه عينيها واخذت تشم رائحته

وفجاة استمعت لصوت بكاء ات من خلفها

نظرت خلفها لتجد فتاه

جميله تقريبا فى نفس عمرها او اصغر قليلا

نست ماهى فيه من الام وانتبهت لتلك الدامعة العينين

حياة خير يا حبيبتى مالك فى حاجه تحبي اساعدك فى حاجه

لاء اللى انا فيه مصېبه محدش حيعرف يحلها لى

حياة كل مشكله وليها حل واوعى تياسي من رحمة ربنا ابدا

اتكلمى باحبيبتى انا سامعاكى

اسمى نور وانتى اسمك ايه

حياة اسمى حياة مټخافيش منى انا عندى مشاكل ربنا وحده هو العالم بيها

ارمى حمولك وقولى يارب

نور يارب

انا معرفكيش بس حاسه اني ارتحتلك

عشان كده حقولك

انا فعلا محتاجه اتكلم مع حد

انا من حوالى سنه اتعرفت على واحد من على النت بعتلى طلب صداقه وانا وافقت عليه وعرفنى بنفسه انه دكتور تجميل

انا فى الاول كنت شاكه فيه بس لما دخلت صفحته ولقيت الكل معلقله على انه دكتور واطمنت ليه

بدات المحادثات تكتر بيننا وبعد كده طلب منى يكلمنى صوت

ووافقت

وبعد كده طلب يكلمنى فيديو وبردو وافقت

اتكلمنا كتير وقاللى انه اعجب بية وحبنى وعاوز يتقدملى

وطلب منى ابعتله صور لية يوريها لما مته

ومن حوالى شهر تقريبا فاجئني بشخصيته الحقيقيه وانه لا دكتور ولاحاجه

ولاانا والله مش وحشه

انا من عيلة محترمه بس الفراغ اللى انا عايشه فيه هو اللى وصلنى لكده

حياة طب كملى ياحبيبتى وبعدين

نور وبعدين طلب منى اقابله ولما رفضت هددنى بالمحادثات اللى بيننا والصور اللى عنده وقاللى انه حيبعتها لاخويا

حياة وانتى قابلتيه

نور لا والله ماقابلته ولاحقابله

انا مش كده ياحياة

انا طول عمرى فى حالى دايما اخويا كان يهزر معايا ويقوللى انى تخينه ومش حلوة ومفيش راجل حيبصللى وانا بقيت بتعامل مع الناس على الاساس ده وبخاف اعلق نفسي باى حد عشان متصدمش فى الاخر

حتى مراة اخويا دايما تقوللى انتى مش استايل ولا عمرك حتجذبي اى راجل ليكى

مع انى والله بشترى هدومى وكل حاجاتى من اغلى الاماكن

عشان كده لما الراجل ده بعتلى وقعد يتغزل فية واقنعنى انى جميله جدا صدقته وفرحت وحلمت ان حعيش قصة حب زى اى بنت عاديه

مكنتش اعرف انه كداب

حياة طيب بصي يا حبيبتى اولا كده انتى ليه مقتنعه انك مش حلوة

والله العظيم انتى امورة ورسمة عينيكى جميله ولون بشرتك قمحى جميل

واذا كان عالتخن فى حاجه اسمها ريجيم رياضه واهم حاجه يكون عندك ارادة وتحطى فى دماغك حخس يعنى حخس

اما بالنسبه لاخواتك اللى بيحبطوكى دول طلعيهم من دماغك وخللى عندك ثقه فى نفسك

والله انا اعرف بنات وستات شكلهم استغفر الله العظيم بس عندهم ثقه في نفسهم يالهوى نش عاوزة اقولك تبه شبه حنفى وتقولك انا جوزى بيقوللى انتى احلى من نانسي عجرم

لدرجة انى انا افتكرتهم حلوين وصدقتهم

فاڼفجرت نور فى الضحك من طريقة كلام حياة

ثم تبعتها حياة واخذا يضحكان بشده

حتى ان حياة نست ماهى فيه من هموم واحزان

قالت نور لا ياحياة مش اخواتى الاتنين هو فارس بس اللى دايما حارق دمى مع ان ملك مراته دى زى الملاك بس ياعينى معندهاش ولاد

تعرفى انه دايما يتريق عليها عشان دايما بتلعب مع ولاد اسر اخويا ومهتميه بيهم

وكل شويه يقوللها انتى مش فالحه غير فى كده

لكن تتشطرى وتجيبيلى عيل مش عارفه وهى ياعينى بتصعب علية اوى

لكن اسر اخويا الكبير ده حاجه تانيه خالص انا اصلا بحسه بابا مش اخويا

حنين علية اوى ودايما يقوللى انا اللى سميتك نور عشان اتتى نور تى حياتنا

انتى عارفه ياحياة لما بيكون عنده قضيه اصل هو محامى بس ما شاء الله عليه شاطر اوى

ولما بيسافر اى مكان عشان قضيه والله دايما يفتكرنى باى هديه

لكن مراته دى بقى ياباى عليها متتعاشرش

انتى عارفه ياحياة انا اوقات كتير اقول المفروض نعمل بدل فارس يتجوز شيرين واسر يتجوز ملك

حياة هههههه هههههه هههههه

والله انتى زى العسل ده كفاية خفة دمك

بجد انا مبسوطه انك فتحتيلي قلبك واتكلمتى معايا

نور بجد مش عارفه بس انا بجد ارتحتلك اوى

حسه انى اعرفك من زمان بجد انتى جميله اوى تعرفى ان مراة اسر الله يرحمها كان عندها غمازة زى اللى عندك بالظبط حتى بنته تولين هى كمان عندها نفس الغمازة

حياة مراة مين

هوانتى يابنتى مش قلتيلى ان مراة اخوكى اسر بارده ومتتطاقش

نور ايه ده هو انا مقلتلكي

حياة لا وربنا مقلتليش

فاخذا يضحكان بشده

نور وهى تضحك بصي حفهمك اسر كان متجوز جنى الله يرحمها ودى بقى كانت زى العسل وعليها خفة ډم محصلتش وكانت مهتميه باسر بشكل لدرجة انها خلته ېموت فيها

وجابت سيلين وتولين توام بس سبحان الله تشوفيهم متقوليش توام ابدا

مش شبه بعض اوى يادوب تقولى اخوات بس فيهم شبه من اسر وجنى مامتهم

بس ياعينى جالها سړطان فى المعده واسر عملها العملية برة

واتبهدلت فى العلاج وبعد كده ماټت بس قبل ماتموت وصت اخويا يتجوز اختها شيرين عشان تربي البنات

بس ولا ربت ولانيله ده انا وماما وملك اللى مهتميين بالبنات

بدات الدنيا تميل للمغيب

فسكتت حياة وشردت وتذكرت انها بلا ماوى ماذا ستفعل

يجب عليها ان تتحرك لتجد مسكن تلجا اليه وتبدا من الغد فى البحث عن عمل فى اى مكان

نور حياة انتى سرحتى فى ايه فى حاجه شغلاكى

حياة ايه لا ابدا بس احنا مفكرناش حنعمل ايه فى مشكلتك

بكت نور ثانية وهى تقول والله مش عارفه ياحياة انا خاېفه بجد اوى لو قال لاسر حعمل ايه وحيبقى شكلى ايه قدامهم

حياة بقولك ايه انتى طبعا معاكى رقم تليفونه

نور ايوة معايا

حياة طب اتصلى عليه واعملى اللى حقولك عليه بالظبط

عند عزة وعادل

عزة انت مضايق نفسك ليه مافداهيه ريحتنا منها ومن قرفها

عادل مش بت اخويا ياعزة

عزة بت مين ياعينيه قول انك زعلان عشان الفلوس اللى كنت حتلهفها من محسن

محسن يالهوى حنقوله ايه المنيل ده كمان

محسن بس تفتكرى تكون راحت فين ده انا قلت يمكن تكون راحت عند صاحبتها اتاريها مارحتش تفتكرى تكون فين

عزة تكون زى ماتكون المهم انها غارت فى داهيه

عند شهد

ياحبيبتى ياحياة ياترى رحتى فين وازاى تمشي من غير ماتقوليلي

خديجه ياحبيبتى متعمليش فى نفسك كده انا خاېفه عليكى يا قلب امك

شهد صعبانه عليا اوى يا ماما خاېفه عليها مش عارفه

حيحصلها ايه دى عمرها ماسافرت ولا راحت ولاجت

هى ليه الدنيا عامله فيها كده يا ماما

ليه يحصلها هى ومامتها كده ليه ليه ليه

خديجه كل حاجه ليها حكمه عند ربنا يابنتى وياعالم يمكن ربنا يكتبلها الخير

شهد امين يارب العالمين

نور بجد انا مش عارفه من غيرك كنت عملت ايه ده انا كنت حموت من الخۏف والقلق

ربنا يقدرني واردلك جميلك ده

حياة ياستى ولاجميل ولاحاجه الناس لبعضيها

بس اهم حاجه تعمللى اللى قلتلك عليه

نور حاضر والله انا حقفل حسابى على الفيس خالص

بس قوليلي بقى ازاى جاتلك الفكرة دى

حياة حسيت انه لايعرفك ولاحاجه وانه بيقولك كده بس عشان يبتزك وياخدله قرشين

بس بصي بقى احنا دلوقتى خلاص اطمنا الحمد لله ان الزفت اللى كان بيكلمك ده مش حيعرف يوصلك ولا حيقدر يهددك تانى

بس انا عاوزة اقولك كلمتين تحطيهم حلقه فى ودانك عشان احنا ممكن منتقابلش تانى

نور ليه بتقولى كده انا حبيتك اوى ياحياة اول مرة احس ان فى حد قريب منى كده

ممكن تدينى رقم تليفونك عشان اكلمك

حياة بصي معلش والله اصل الخط

بتاعى واقف وانا حشتري خط جديد ممكن تدينى انتى رقمك وانا اوعدك اول مااشتري خط حكلمك على طول

نور وعد

حياة وعد والله

تعطيها رقم تليفونها حيث ان حياة القت بخطها القديم حتى لايستطيع

احد الوصول اليها فهى تريد ان تفتح صفحه جديده ليس لها علاقه بالماضي

ثم تستكمل حياة حديثها

بلاش بعد كده تتكلمى ماحد متعرفيهوش الفيس ده بيتسبب فى مصايب للناس وياما بيوت اتخربت بسببه

طب انتى عارفه انا اعرف واحده جوزها مسافر كلمها من اكونت مش بتاعه على اساس انه واحد معجب بيها وعارف ان جوزها مسافر وعاوز يعمل علاقه معاها

بس هى انسانه محترمه وعملتله بلوك

وقتها جوزها قاللها ان هو اللى كلمها وكان عاوز يعرف بتعمل ايه فى غيابه وهى طبعا ڠضبت وراحت عند اهلها وقالتلهم عاللى حصل وانه مش واثق فيها وهو رجع من السفر

وحصلت مشاكل كتير اوى وفى الاخر اتطلقوا كل ده بسبب النت والزفت

خللى بالك من نفسك يانور

وخليكى مؤمن ه بحاجه مهمه اوى

ماعند الله لاينال الا بطاعته

نور حاضر والله

ياحياة انتى بجد اسم على مسمى انتى رجعتيلى حياتى تانى ربنا يخليكى وحستنى مكالمتك

بس قوليلي ايه الشنطه دى هو انتى مسافرة

لاء انا جاية مش مسافرة

نور جايه لمين

حياة ناس قرايبي

معلش انا مضطرة اسيبك دلوقتى عشان الوقت حيتاخر بية

نور طب تعالى اوصلك انا معاياعربيه ركناها عالرصيف التانى

حياة لا يانور مش مستاهله المكان قريب من هنا

سلموا على بعضهما على وعد باللقاء مرة اخرى

ومشت حياة وهى تبحث عن مكان تلجا اليه من برودة الجو

تسال بواب يجلس امام عمارة

ممكن لو سمحت

البواب اتفضلى يابنتى

حياة كنت عاوزة اعرف لو فى لوكانده قريبه من هنا بس يكون سعرها معقول

البواب بصي يابنتى اللوكاندات غاليه هنا وانتى شكلك على ادك وممكن الفلوس اللى معاكى متقضيش يومين على بعض

حياة ايوة بس انا مش من هنا ومحتاجه مكان ابات فيه

البواب وقد رق قلبه لها

طب بصي يابنتى انا ومراتى وبناتى عندنا اوضتين فوق السطوح معلش هو مكان مش اد المقام بس يتاويكى بالليل والصباح رباح

وانا ان شاء الله حشوفلك مكان كويس

تسكت حياة فهى لاتدرى بما ترد وكيف لها أن تثق بشخص لاتعرفه

يفهم البواب مايدور بذهنها فيتصل على زوجته

ام علا تعالى انزليلي عاوزك تحت

تنزل زوجته وهى تحمل طفله صغيرة على كتفيها

ايوة ياابو علا خير

البواب عندنا ضيفه حتبات عندنا النهارده

ام علا اهلا وسهلا بيكى ياحبيبتى تعالى اتفضلى

يطمئن قلب حياة وتصعد معها وتصل لهذه الشقه كانت بسيطه ولكن بها جو من الحب والحنان وشمت رائحة الطعام الشهى وهى لم تكن قد اكلت شيئا من الصباح

ام علا ياللا ياحبيتى ادخلى وغيري هدومك زمان ابو علا طالع دلوقتى عشان نتعشى

حياة شكرا ربنا يخليكى بس انا مش جعانه

ام علا لا والله ابدا انتى فاكرانا بخلا واللا ايه صحيح احنا على اد حالنا بس نعرف ازاى نكرم ضيوفنا ياللا ياحبيبتى

تدخل حياة الغرفه وتستبدل ثيابها

تخرج وتجد ام علا تضع الطعام على المائده

حياة تحبي اساعدك

ام علا بصي خللى معاكى شهد لحد مااحط الاكل

حياة شهد اسمها شهد

ام علا ايوة فتبتسم حياة انها على اسم صديقتها الوحيده

وتحدث نفسها ياحبيبتي ياشهد حتوحشينى اوى ياترى حتعملى ايه لما تعرفى انى مشيت

وياترى حنتقابل تانى ياحبيبتى

واخذت تهدهد الطفله وتلعب معها وقد شعرت ببداية امل فى حياتها القادمه

تسمع الام ضحكات الصغيرة من الداخل فتبتسم وتكمل اعداد العشاء

يجلس ابو علا وزوجته وابنته علا والصغيرة يتناولون الطعام

بينما علا تقول بابا انا حاسه انى حسقط فى الحساب

ابوها ياحبيبتى ماانا قلتلك خدى درس عند المدرس

علا حاخد عنده درس ازاى وانا مش فاهمه منه حاجه

حياة هو انتى فى سنه كام ياحبيبتى

علا فى سنه سته

حياة ولاىيهمك قوليلي على اللى انتى عاوزاه وانا حفهمه لكى

علا بجد

حياة ايوة بجد طبعا

بعد العشاء وقد حمدت الله على الشعور بالشبع

ثم احضرت علا كتبها وبدات حياة فى الشرح لعلا بطريقه سهله وبسيطه ثم حلت معها امتحانات

فرحت علا وقبلت حياة

شكرا ياحياة انا فهمت منك اوى انتى اشطر من المدرس اللى بيدينى

بدات حياة تتثاءب فهى مستيقظه من الفجر وتريد النوم

وقد شعرت ام علا بذلك

فقالت علا ياللا ياحبيبتى خدى حياة وادخلوا ناموا

دخلت حياة ووضعت راسها وراحت فى ثبات عميق

تشرق الشمس لتعلن عن بدء يوم جديد يحمل معه الامل والتفاؤل

فى المستفى

مصطفى خللى بالك منها يامالك

مالك متخفش يادكتور

مصطفى ينظر لعفاف وهو يصعب عليه تركها وبعدها عنه ولكن الامل فى شفائها يجعله يستطيع تقبل اى شئ قد يكون عونا فى شفائها

يتوجه بحديثه لمالك مالك انا حعدى عليها كل يوم الصبح