حكاية ام

وبالليل

بينما يسر كانت تبكى

مالك انتى بتعيطى

يسر اصلي بحبها اوى بقالها معانا خمس سنين اتعودت على وجودها

مالك يعنى مش حتيجى تزوربها

يسر لاء طبعا حاجى كل يوم ثم تقبلها وتخرج

ويبدا مالك فى دوره كطبيب

فى غرفة اسر وشيرين

شيرين وهى ترى اسر يرتدى ملابسه صباح الخير يا اسر

اسر صباح النور يا شيرين

شيرين اسر هو انت ليه مش بتدلعنى وعمرك ماقلتلى ياحبيبتى

اسر خير ياشيرين مالك فى ايه عالصبح

شيرين مفيش يااسر بس انا حساك بعيد اوى عنى ومش حاسه خالص انك بتحبنى

اسر طب ومسالتيش نفسك انا ليه بعيد عنك

شيرين عشان انت مش بتحبنى انت لسه ډافن نفسك فى الماضى ومش مدى نفسك ولا مدينى فرصه نقرب من بعض وكل مابحاول اقرب منك انت بتصدنى

اسر وبرغم ان عنده عمل بالمكتب الا انه لايستطيع ان يرى شخصا يريد التحدث اليه ويهمل حديثه ويتحجج بالعمل

بل يحترم رغبة الطرف الاخر

فجلس على المقعد

تعالى ياشيرين اقعدى اتكلمى طلعى اللى جواكى وانا حسمعك

شيرين انا قلت اللى عندى يااسر ممكن انت ترد علية

اسر بصي ياشيرين اولا كده انا صحيح مش بحبك الحب بمفهومه بس مبكرهكيش

بس متزعليش منى انتى معملتيش حاجه تخلينى احبك او اقرب منك او ادلعك زى مابتقولى

بصي ياشيرين جنى الله يرحمها كانت حبيبتى ومراتى وام بناتى

ايوة جوازنا كان جواز عادى جدا شفتها وعجبتنى ولقيتها مناسبه لية

بس الصراحه هى كانت بتعاملنى كانى ملك كانت بتعمل المستحيل عشان تسعدنى قدرت تمتلكنى تخلينى مشوفش غيرها

عرفت ازاى تفهنى بجد خليتنى ابقى مچنون بيها وفى المقابل انا كمان بقيت اعاملها ملك ه متوجة عاشت معززة مكرمه طلباتها اوامر

بقت رقم واحد فى حياتى

بقى كل همى فى الدنيا ازاى اسعدها

بقيت بتنفس هواها

لكن انتى ياشيرين تقدرى تقوليلي قدمتى لى ايه عشان احبك وادلعك زى مابتقولى

قربتى منى امتى

حاولتى تفهمينى تعرفى انا بحب ايه ومبحبش ايه

ابدا انا مش بفترى عليكى يا شيرين بس هى دى الحقيقه

البنات ولا كانهم بنات اختك مش فى حساباتك خالص

مع انى متجوزك عشانهم وانتى عارفه ده كويس اوى

وعارفه انهم كل حياتى ومع ذلك بعيده عنهم واللى متهتمين بيهم امى واختى وملك

طب تفتكرى ده ميزعلنيش منك

ولما كل يوم والتانى ارجع اسال عليكى يقولولى راحت النادى اصل معرفش راحت رحله مع صحابها فين وكانى انا مليش لزمه فى الدنيا

ولا عمرك انتظرتى رجوعى من برة زى اى ست طبيعيه ولاعمرك فكرتى ان الموضوع ده ممكن يكون مضايقنى لاء عادى جدا

حاولت اقربك لية وانتى بتتحججى بزمتك كام مرة يكون عندى قضيه واقولك تعالى معايا تقولى لاء

ده حتى فى موضوع اوضة النوم اللى هو بيقرب اى زوجين من بعض وبيكسر الحواجز بينهم برغم انى والله مش من

الرجاله المهووسه بالمواضيع دى وخصوصا ان المكتب والمحاكم بيخلونى ارجع كل احلامى الاكل والنوم ومع ذلك بقول يمكن ده يساعدنا نقرب من بعض

ابص الاقيكى دايما مش مستعده وتعتذرى باي

سبب ويوم ماتحصل بيننا حاجه يبقى كانها اداء واجب لاليها طعم ولا فيها مشاعر لما خليتينى اكره الموضوع ده وانا اللى بقيت مش عاوزه

حتى قلتلك نفسي فى ولد يشيل اسمى ويكون سند لية ولاخواته

قولتيلي مش مستعده دلوقتى

وسيبتك ومردتش اعمل مشاكل ولما ياست منك فى كل حاجه سيبتك تعمللى اللى انتى عاوزاه ووجودك بالنسبه لي بقى زى عدمه

شيرين طب انت لو مش عاوزنى كده متطلقنى وتريح نفسك

اسر الطلاق بالنسبه لي امر مرفوض

اولا لانه ابغض الحلال

وثانيا لان لسه عندى امل تتغيري

وثالثا وده الاهم عشان جنى الله يرحمها وصتنى عليكى وانا وعدتها

فهمتى ياشيرين

يارب تكونى فهمتى

يجد تليفونه يرن بتواصل دون توقف

انا مضطر انزل دلوقتى عندى شغل ويتركها ويمشي

تستيقظ حياة من نومها ولاول مرة تنام بهذا الهدوء على صوت شهد الصغيرة وهى تحاول ايقاظها

تفتح عينيها لترى الصغيره امامها بابتسامه جميله تبعث السعاده فى النفوس

حبيبتى صباح الخير ياجميل

فتضحك لها الصغيرة وترفع لها يديها لتحملها

تحملها حياة وتخرج بها فتجد ام علا جالسه على الارض تحشو ورق العنب

حياة صباح الخير

ام علا صباح النور يا حبيبتي

يارب تكونى نمتى كويس

حياة صدقينى لو قلتلك دى اول مرة انام فيها النوم ده كله وبالهدوء ده

ام علا نوم الهنا على قلبك يا حبيبتى

حياة بس انتى لحقتى تحضرى ده كله امتى ده لسه بدرى

ام علا اصلي انا بنزل كل يوم الصبح اوصل علا للمدرسه وبعد كده بروح عالسوق اجيب حاجة البيت وارجع اعمل الاكل على طول اصل ابو علا بيطلع الساعه اربعه ولازم الاكل يكون جاهز

حياة هو انا ممكن اساعدك

ام علا ياحبيبتى طبعا تعالى

فتجلس حياة بجانبها ويصنعان الطعام سويا وهما يتبادلان الطعام ويضحكان على حركات الصغيرة

فى المصنع

ياسر وهو يتفحصها بنظرة قڈرة واقفه عندك ليه تعالى اقعدى

تجلس هبه امامه وهى تنظر للارض خجلا

ياسر عامله معانا ايه يارب يكون الشغل عجبك

هبه اه كويس بس

ياسر بس ايه

هبه ماما تعبانه اوى وبتبقى محتاجانى معاها وقت الغسيل

ياسر ليه هو مفيش حد يروح معاها فين اخوكى كريم

هبه كريم مشغول فى تحضير شقته اصله حيتجوز قريب

باسر عقبالك ياقمر

الا صجيح هو ازاى فى واحده امورة كده ومش مرتبطه

هبه لسه مجاش النصيب

ياسر اممم طيب تقدرى تتفضلى على شغلك ولما تحبي تروحى مع مامتك روحى مفيش مشكله

هبه انا متشكرة اوى لحضرتك

وتخرج

ياسر وهو يحدث نفسه معلش اخدك بردو واحده واحده

عشان يبقى طعمها حلو هههههههه

فى فيلا كامل

ناهد مينفعش اللى انت فيه ده كل يوم سهر للصبح ولا مهتم بدراستك ولا حتى راضى تساعد ابوك فى المصنع انت حتفضل مستهتر كده لحد امتى

تيم بقولك ايه يامااما كبري بقى كفايه عليكى لينا اهى شاطرة ومتفوقه

ناهد ياحبيبى اختك مسيرها تتجوز انما انت اللى المصنع حيكون بتاعك لو متعلمتش حيتسرق منك

تيم خلاص خلاص كل يوم تسمعيني الاسطوانه المشروخه دى

ناهد اسطوانه مشروخة تصدق انك قليل الادب مش متربي

هو انا عملت ايه عشان ربنا يبتلينى بواحد زيك فتتذكر مافعلته بعفاف

فتحاول ابعاد هذه الفكرة عن اذانها

يعلن هاتفه عن اتصال تليفونى

ماما ياللا بقى اطلعى وخدى الباب فى ايدك

ناهد تلاقيها واحده من البنات الصايعه اللى انت ماشي معاهم

ربنا يهديك يابنى

تخرج وتغلق الباب خلفها

بينما تيم فى الداخل

ايوة ياياسمين خير فى حاجه

ياسمين تيم حبيبي وحشتنى اوى

تيم اه وانتى كمان

ياسمين ايه ياتيم مالك فى حاجه مضايقاك

تيم انا محدش يقدر يضايقنى

ياسمين طبعا وهو فى حد يقدر يزعل الباشا

بس انا حساك متغير من ناحيتى

تيم مانتى عارفه السبب انتى حتستعبطى

باسمين والله بحبك اوى بس انا مش حقدر اعمل اللى انت عاوزه

تيم تبقى مش واثقه فية

ياسمين الموضوع مش كده

الموضوع ان انا مقدرش اتجوزك فى السر

ماتيجى تتقدملى رسمى

تيم ياسلام اجى اتقدملك وانا لسه طالب

ياسمين ماهو انت اللى بتاخد السنه فى اتنين

تيم بصي ياياسمين يااما توافقى ونعيشلنا يومين حلوين كده

وبعد مااخلص حاجى اتقدملك

يااما تنسينى خالص

ياسمين يعنى توعدنى انك حتتقدملى رسمى

تيم طبعا ياحبيبتى

ياسمينا انتى متعرفيش انا بحبك اد ايه

ده انا بمۏت فيكى وحعملك حتة فرح حخللى البلد كلها تحكى عنه

ياسمين بجد ياتيم بس انا خاېفه باباك ميوافقش

تيم ميوافقش ازاى وباباكى هو الكل فى الكل فى المصنع انتى عبيطه واللا ايه

بقولك ايه ياللا اقفلى بقى عاوز انزل قبل مابابا يسمعنى كلمتين عالصبح

يغلق معها

وهو يضحك

هبله دى واللا ايه هو فى حد بيخطب واحده بعد مايتجوزها

يجلس كل من علا وامها وابيها وحياة وهم يتناولون الغداء

ام علا حياة انتى مبتكليش ليه ياحبيبتى اوعى يكون اكلى معجبكيش

حياة ابدا والله بالعكس ده الاكل طعمه حلو اوى

ده حتى فكرنى باكل ماما ثم بدات الدموع تجرى فى عينيها

ام علا هى مامتك يعنى قصدى هى مېته

حياة لاء لاء ان شاء الله حتكون عايشه وحلاقيها

ابو علا واضح ياحياة ان فى حاجه فى حياتك بصي احنا

مش من حقنا نعرف حاجه عنك بس لو عايزة تفضفضي

معانا احكيلنا صحيح احنا مش متعلمين بس بردو ممكن ربنا يقدرنا ونقدر نساعدك

فى منزل شهد

شهد بابا انا عاوزة اشتغل انا زهقت من قعدة البيت

والدها يابنتى انا خاېف عليكى من پهدلة الشغل

شهد يابابا متخافش علبة انا مش صغيرة وبعدين فى شركة ادوية محترمه طالبه خريجين علوم حقدم واشوف

خديجه ماتسيبها ياحاج تشوف مصلحتها وتفك عن نفسها شويه عاجبك اوى قاعدتها كده ده اللى فى سنها اتجوزوا وخلفوا

سيبها تخرج وتشوف ناس يمكن ربنا يبعتلها ابن الحلال اللى يسعدها ويفرح قلبها

والدها طيب اللى تشوفوه

وربنا يوقفلك ولاد الحلال فى طريقك يابنتى يارب

يفتح باب الشقه ويدخل

السلام عليكم

يرد والده وعليكم السلام ورحمة الله وبركاته

بينما شهد تدخل غرفتها وتغلق عليها باب غرفتها

وتحدث نفسها

سامحنى يارب انا عارفه انى بعصيك عشان مبكلمش اخويا

بس ڠصب عنى والله كل مابشوفه بفتكر حياة وكسرة نفسها بفتكر انها سابت بيت ابوها وامها ومشت حتى من غير ماتسلم علية

ياترى انتى فين ياحياة وفين اراضيكى وعامله ايه يا حبيبتى

يارب وحياة حبيبك النبي الغالى تحميها وتوقفلها ولاد الحلال فى طريقها وتجمعنى بيها على خير يارب

بينما فى الصاله

والد شهد يعنى ايه يبنى تعيش معاهم فى البيت بتاعهم

وانت تبقى فين كرامتك وشخصيتك

محمود يابابا دول عايشين فى شقه كبيرة اوى دورين فوق بعض كانها فيلا وابوها معندهوش غيرها وهما اللى طلبوا منها

والده ماتقولى حاجه ياخديجه

خديجه انا لا بقول ولابعيد

كل واحد يعمل اللى عاوزه

واللى بيشيل قربه مخرومه بتكب على راسه

والده روح بابنى اعمل اللى انت عاوزه

بكرة تقعد وتدلدل رجليها عليك

يااه كل ده حصلك ياحياة

نطقت بهذه العبارةةام علا

حياة كانت تبكى بكاء شديد

ابو علا استهدى بالله ياحياة واحمدى ربنا على كل شئ ربناةبيبتلينا عشان نصبر ويدينا الثواب

ولازم تتاكدى ان اى حاجه بتحصلنا ونبقى فاكرينها شړ بتبقى خير لينا واحنا مش عارفين

ومحمود ده عاوزك تشيليه من دماغك خالص ده واطى وعمره ماحبك

عارفه ده لو كان حبك عمره ماكان فرط فيكى ابدا

اللى زى ده معندوش غالى

وملوش امان وحتى لو كنتى اتجوزتيه وكان حصلك اى حاجه كان حيبيعك ومكنش حيبقى سند ليكى

اللى من نوعية محمود ده عامل زى العطسه لما تخرج نقةل

الحمد لله

اما عمك ومراته تاكدى ان ربنا حيجيبلك حقك منهم ربك يمهل ولايهمل

وانا عايزك تبقى قويه ومتخليش حاجه تكسرك وكل حاجه تتعوض

بصي ياحياة انتى حتفضلى هنا معززة مكرمه لحد مااطمن

عليكى فى مكان كويس

والاقيلك شغلانه كويسه تاكلى منها لقمة عيش

وكمان حاخدك بكرة الصبح ونطلعوا على الادارة التعليميه ونعرفوا ايه الاجراءات اللى حنعملوها عشان تكملى تعليمك تانى وتعوضي اللى فاتك

حياة ربنا يخليك يا رب بس انا كده حعطلك عن شغلك

ام علا لا ياحبيبتى مفيش عطله ولاحاجه انا حقعد مكانه عالبوابه لحد ماترجعوا بالسلامه

حياة انا مش عارفه اشكركم ازاى انتوا ملايكه ربنا يقدرنى واردلكم جمايلكم علية

ابو علا ماتقوليش كده يابنتى

كان الله فى عون العبد ما دام العبد فى عون اخيه

تبتسم حياة وتحمد الله على انها قابلت هذا الرجل

فينظر ابو علا لزوجته ويبتسمان عليها

تمر بضعة ايام قليله ولكن تتغير فيها اشياء كثيرة

تبدا حياة فى المذاكرة مرة اخرى وقد اشترت بعض الكتب المستعمله التى تساعدها فى المذاكرة

وحجزت فى المعاهد التعليميه

بينما كان ابو علا يبحث لها عن مكان مناسب لها فهى لن

تستطيع الاقامه معهم وايضا كان يبحث لها عن عمل مناسب

بينما كانت تضع الكتب امامها وتذاكر وهى غير مصدقه نفسها يدخل ابو علا ليبشرها

حياة ياحياة

حياة ايوة ياابو علا

ابو علا تعالى ياحياة عندى ليكى خبرين حلوين

ام علا قول خير ياابو علا

ابو علا اول حاجه لقټلك شغلانه حلوة اوى فى عيادة دكتور من الساعه خمسه لحد الساعه عشرة وبمرتب كويس اوى

حياة بجد طب الحمد لله

ابو علا ولقيتلك كمان مكان كويس وسعره بسيط خالص

بس هو صغير على ادك اوضه بصاله ومطبخ وحمام بس بتدخلها الشمس وحلوة اوى

ام علا لا والنبي انا مش عاوزة حياة تمشي خليها معانا

حياة ياحبيبتى ياام علا والله ربنا يعلم انا مبسوطه معاكم ازاى بس معلش كفايه كده وبعدين عشان اعرف اشوف حالى واذاكر

ام علا بس امانه عليكى تيجى تزورينا على طول وبيتنا مفتوحلك ياحبيبتى فى اى وقت

حياة ده اكيد ياام علا ربنا يعلم محبتكم فى قلبي ده انتوا بقيتوا اهلي

ابو علا وده شئ يشرفنا والله

حياة حستلم الشغل امتى ياابو علا

ابوعلا الاسبوع الجاى اصل اللى موجوده عند الدكتور دلوقتى حتتجوز وحتسيب الشغل الاسبوع الجاى وانتى حتمسكى مكانها

حياة طب والشقه

ابو علا دى بقى معلش كمان اسبوعين عشان بردو اللى موجود فى الشقه حيخلى اول الشهر

حياة بس كده حتقل عليكم اوى

ام علا بقى كده بردو ياحياة طب والله ربنا يعلم انك بقيتى اختى ياحياة وانا والبنات اتعودنا عليكى

حياة ربنا يخليكى يارب ياحبيبتي

فى المستشفى

يدخل دكتور مالك الغرفه عليها ويقبل يدها

صباح الفل على ست الكل

حبيبتى عامله ايه النهارده تعرفي انك طول الليل معايا في الحلم وكنت بتتكلمى معايا وتضحكى وكمان عملتى اكل

واكلنا سوا بس انا مكنتش اعرف ان اكلك حلو اوى كده

يااه فكرنى باكل امى الله يرحمها تعرفى ان امى كانت جميله زيك كده ميغركيش شكلى انا طالع اسمر لبابا

عارفه كان عندى واحد صاحبي كان بيعاكسها وكل شويه يقوللى انا مش عارف امك اتجوزت ابوك ده ليه ده هى قمر وهو شبه الرغيف المحروق

حتى انت طلعت شبهه جتك الارف

ثم يدير وجهه الناحية الاخرى حتى يجعلها تفكر فى هذا الكلام بحريه

ولكنه يراقبها من غير ان تشعر

يتذكر عقلها الباطن

كلمات بسيطه تتشابه مع هذه الكلمات

مزة. حلوة اوى. حياة . مش حلوة زيك. ست البنات

كلمات تتردد على اذنيها تسمع صوت باذنيها ماما ماما

حياتى...... حياتى

ثورة بداخلها مشاعر متداخله صراع شديد كانها معركه داميه

يتصارع فيها العقل الباطن مع المشاعر

عاجزة عن الكلام او الحركة ولكنها ولاول مرة تنفعل وتحاول التحرر من قيودها التى تقيدها منذ سنوات

تصدر اصواتا تعبر بها عن ڠضبها ثم تصرخ بصوت عال صرخه قويه خرجت من قلبها

مالك بجرى عليها سريعا اهدى اهدى ياحبيبتي

تدخل الممرضه على هذه الصرخه

مالك حقنه مهدئةبسرعه

يعطيها الحقنه المهدئه

ثم يخرج من الغرفه وينبه على الممرضه ان تظل بجانبها ولا تفارفها

مالك بصي هى حتنام شويه واول ماتفوق تبلغينى فورا

يدخل مكتبه ليرى ماذا سيفعل عند افاقتها

طرق على الباب

مالك اتفضل

مصطفى السلام عليكم

مالك يقف احتراما له وهو يرد التحيه وعليكم السلام ورحمة الله وبركاته

ثم يجد يسر تاتى من خلفه فيضحك وجهه لها وهى ايضا ابتسمت له

ومد يده للسلا عليها

اهلا وسهلا المستشفى نور