انا قمر متجوزه من خمس سنين عايشه في بيت عيله

 وفي يوم وانا خارجه من شقتي لقيت امها داخله عندها وبصتلي حتته باصه بجد خوف منها بس ماهتمتش ونزلت لماما وبعد اليوم ده حالي اتشقلب تعبت 
وجوزي اخدني علي المستشفي وكلهم كانوا جمبي حتي سلفي....
والدكتور طلع وطمنا اني معنديش حاجه وروحت البيت بس كل يوم في النازل وماما هي اللي بتخدمني وجوزي مسابنيش لحظه وسلفتي ولا بصت عليا 
ولا اي حاجه بس مش شاغلني تيجي أو متجيش بصراحه كل البيت كان زعلانه علشاني وفضلت علي الحال ده سنتين وفي يوم سلفتي اتخانقت هي وجوزها وكانت خڼاقه جامده لأنها اتعدت عليه بألفاظ مش كويسه فطردها من الشقه 

ولما ماما طلعتله تكلمه وتهديه وتفهم فيه ايه قالها غيرانه من قمر وان كلكم جمبها طبعا ماما مستغربه لان هي لوحدها ومحدش له دعوه بيها....
طبعا مما مسبتهوش وقامت دخلت مطبخ سلفتي عشان تعمل اكل لابنها 
وبتفح شباك المطبخ اللي فاتح علي منور لاحظ مسمار ومربوط في حبل فشدت الحبل ولقت في نهايه الحبل كيس اسود وتقيل شويه بتفتح الكيس لقت عروسه ومترشق فيها دبابيس وورق عليه ډم احمر واسمي مكتوب فيه بالمړض والمۏت فماما اخدت الكيس وجريت علي الشيخ فتح الكيس واخد العروسه وبقي يشيل الدبابيس ويقرا ويقول حجات غريبه ودوب الورق في مايه مقرؤ عليها قران ....
لما ماما رجعت بقولها انا حاسه براحه ياماما حتي قالتلي ايوا ووشك بدأ الډم يجري فيه وبدأت اتحرك وامشي وكان الشيخ اعطي لماما مايه مقرؤ عليها قران وبقيت اشرب منها لما صحتي رجعتلي وطبعا عرفت كل ده من ماما وعرفنا أن كل ده من ام سلفتي بعلم منها لأنها كانت بتغير مني وبتحقد عليه وللاسف سلفي طلقها والحمد لله ربنا كرمه ببنت كويسه جدا ومحترمه وعشنا مع بعض اخوات ،،،،