نهله عاش من شافك

الفصل الاول
أنا نهلة ابقا مرات خطيبك! 
بتقولي ايه انتي مچنونة صح! 
بصتلي بشفقة وقالت وهي ماسكة ايد ولد صغير مكملش تلات سنين بقلم سولييه نصار 
وده يبقي علي ابنه. 
اطلعي برة انتي جاية تبوظي فرحي صح.... ليه بتتبلي عليه حرام عليكي أحمد عمره ما يعمل كده.... عينيها دمعت وهي بتطلع أوراق وقالت

خدي دي شهادة ميلاد ابني علي... وده ورقة جوازي بأحمد.... اتجوزنا من أربع سنين... كان مفهمني أنه بيحبني وخلاني في الريف واخد دهبي وجه هنا علي أساس يشتغل ويفتح مشروع بس اكتشفت أن البيه مقرطسني وجاي هنا عشان يتجوز واحدة مرتاحة تقدر تعيشه كويس. 
وده يثبتلي أنك كدابة أحمد مرتاح ماديا ومعاه شركة .... صحيح مش زينا بس مش محتاج يعمل كده 
ضحكت بتريقة وقالت 
الشركة اللي بتخسر قصدك...وبسببها اضطر يدور علي ضحېة جديدة... أنا بعت دهبي عشان يقدر يفتخ الشركة دي .... طب بلاش دي هو عرفك علي أهله! 
أهله ميتين 
كداب أمه بس اللي مېتة لكن أبوه مسجون پتهمة رشوة. 
عيوني دمعت وحسيت الدنيا بتلف بيا وكنت هقع لكن مسكتني وقالت
يعلم ربنا أنا اتبهدلت قد ايه عشان اوصلك يا آنسة ناريمان بس كان لازم احذرك من أحمد ده واحد معندوش ضمير وسمعة أهله وحشة بلاش تتورطي زيي
وبعدين مشيت وسابتني. 
قعدت علي السرير وبدأت أبكي... يعني كله كان كدب... طول الوقت كان بيخدعني وأنا زي الهبلة صدقته.... وقفت في وش بابا عشان خاطره..بس هو كسرني 
اټفزعت لما حد خبط علي الباب ولقيت بابا من برة بيقول 
يالا يا عروسة المأذون وصل. 
حاولت أهدي نفسي وأنا بقول 
جاية يا بابا
قومت وروحت علي المرايا وضبطت نفسي... مسحت دموعي وعدلت الميكب... وطلعت. 
أصحابي زغرطوا وأنا نازلة من علي السلم... بس أنا مكنتش واخدة بالي منهم.... كنت بس باصة عليه... كان مبتسم الحقېر واقف ومبتسم ببراءة كأنه معملش حاجة.... واحد زي كده قدر يضحك عليا أنا وبابا ازاي. 
قعدت جمب بابا واللي لسه هيبدأ في كتب الكتاب. 
حط بابا أيده في ايد أحمد ولسه الشيخ هيتكلم لما أنا قومت فجأة وقولت 
أنا مش موافقة... مش عايزة اتجوزه. 
فيه حاجة يا ناريمان! 
لا يا

بابا مفيش بس أنا مش عايزه اتجوزه..
قرب أحمد مني ومسك أيدي وقال 
مالك يا ناريمان فيه ايه
فيه أنك كداب وخاېن قولتلي أن ابوك ماټ لكن طلع مسجون في قضية رشوة... افتكرت إني مش هعرف مثلا. 
حط وشه في الأرض وقال
أنا كنت هقولك
أنت كداب.... مكنتش ناوي تقول... كنت ناوي تتجوزني عشان تسرق فلوسي وتبقي حرامي زي ابوك
بصلي پصدمة ومسك أيدي تاني وقال
ناريمان لو سمحتي... خلينا نتكلم لوحدنا شوية وانا هفهمك كل حاجة . 
زقيته وقولت 
وأنا مش عايزة أسمعك... إطلع بره يا نصاب. 
ناريمان انتي فاهمة الموضوع غلط. 
فين الأمن يجوا يطلعوا الحرامي ده. 
عيون أحمد دمعت وهو بيبصلي وقال
مفيش داعي أنا هطلع لوحدي. 
طلع أحمد واڼهارت أنا في حضڼ بابا وقولت
طلع كمان متجوز ومخلف يا بابا... طول الفترة دي كان بيخدعني!.
وبعدين اغمي عليا.. 
.. ...... 
صحيت ولقيت نفسي في المستشفى وبابا جمبي.... مسك بابا أيدي وقال 
ألف سلامة عليكي يا ناريمان. 
بكيت وانا بقول
بابا! 
بس يا حبيبتي وفري دموعك ميتسحقش ولا دمعة منهم.... الحمد لله أننا عرفنا حقيقته قبل ما نتورط 
بابا أنا عايزه أنسي... أنسي كل حاجة.. قلبي بيوجعني اووي. 
هتنسي يا حبيبتي وعد. 
وعشان بابا يخليني أنسي سافرت أنا وهو برة مصر.... حاول بابا يشغل كل وقتي عشان مفكرش في أحمد ورجعنا مصر وبابا كان معايا خطوة بخطوة وحسيت خلاص إني هبدأ أعيش حياتي بشكل طبيعي لحد ما جه اليوم اللي اتغير فيه كل