رواية العروسه عامله كدا ليه كاملة مشوقة جدا(كاملة جميع الفصول)
.
قفلت معاها وطلعت وقفت فالبلكونه حاسه انى مخننوقه عاوزه اشم هوا اطلعت بالنوت بتاعتى كتبت
.ولك في قلبي مكان لا يستقر فيه غيرك .
ودا فعلا حقيقى هو فحته تانيه !
من اول ما فتحت عينى وهو موجود جمبى اتولدنا فنفس اليوم اشتاا كتير بحس انى أمه وبلملم مصايبه من كل ناحيه وبدارى عنه كتير وبحاول اطلعه ملاك فعيون الكل مع انه شطان وبيدبسنى فى كل بلوه والتانيه بس بحبه بحب وجوده اختلافه تقلباته جدعنته حنيته ډم الخفيف سرسجته تافهته حبه للميمز والكوميكس خوفه عليا عصبيته جنانه حبه للسهر وعيونه
الفون وقع منى وهو بيتكلم احيه هو شافنى ازاى
انت شوفتنى ازاى
_ قولت ادخلى بام شعرك دا بدال ما ولعلك فيه !
اخدت النوت والفون وفعلا دخلت جوه يخربيت صوته
وهو متعصب حقيقى بيرعبنى
_ انا ع سطع بيتنا فعشان كدا شوفتك متتكررش تانى !
حاضر عاوز حاجه !
كنت لسه هقفل لما سمعت صوت وهو بيقول بحنيه الدنيا
_متزعليش منى .
_اسف والله حققك عليا .
مكنتش زعلت يبنى والله كنت عارفه انك متضايق .
_ تسلميلى يست تصبح ع خير
وانت بخير.
بتضايق جدا لما بيقولى تصبحى ع خير عشان م بعرف اقوله وانت من اهلى عشان هو من اهلى فعلا وقصه فمنتهى السو ساد يعنى
صحيت ع فونى بيرن كانت حوالى الساعه 430 .
_ مبعرفكيش غير ف المصاېب بس يعنى !
والمصالح !
_ تعالى معايا .
هو ماشى وكل حاجه بس فين .
_ هنجيب بابا من المطار .
دلوقت يعنى 430 .
هى الطياره هتوصل كمان ساعه اعمل ايه يعنى !
دقايق هلبس وانزل
_يعنى م هتدخلى الحمام سنه وتقعدى تجربى فلفات طرح جديده وم هتدورى ع اطقم ملبستهومش من القرن ال فات
لبست ونزلت أنا تانى اۏسخ حاجه فحياتى بعد حياتى نفسها انى اصحى بدرى واهه صحيت بدرى يكش البعيد بيحبنى بقا يعنى حب بنات امه لا الله الا الله كلها وجت ع قرمط الغلبان ووقفت
وصلنا المطار انا وعمر وطنط منال وهى طول الطريق بتدى لعمر نصايح انو ميضايقش ابوه ويسمع كلامه وانه مهما بباه قال او اتكلم ميردش عليه وانه ميقلهوش يبابا ويقوله حضرتك عشان هو شايف ان عمر كبر على كلمه بابا دى
عمر حياته بقت عباره عن كدا
الساعه
اصحى انت اتاخرت فالنوم اوى كدا !
الساعه 800
انت ازاى مش بتفطر عشان تدور ع شغل !
يطلع يلف شويه ويرجع ع ٣ العصر
فاتح التلفزيون
قوم اعملك حاجه مفيده بدال منت قاعد كدا
ماسك فونه
اهو هو دا ال هيضيعك هات الزفت دا
فاوضته بيسمع اغانى
اقفل دا انا مش عاوز دوشه
نايم فنص اليوم عشان يرتاح
قوم مينفعش تنام فنص اليوم كدا دا مش صحى
عاوز يخرج
اه عشان تقابل الصيح صحابك .
الساعه ٩ بليل
يلا ادخل نام الوقت اتاخر .
ال هو أنا لو مكانه كنت اڼتحرت اقسم بالله دا اى الراجل دا اصلا
حوالى الساعه 1030 فونى كان بييرن.
ايه يبنى !
_ انا نازل ادور ع شغل تيجى معايا !
ادور ع شغل معاك يعنى !
_ يست اتنيلى هو أنا لما بنزل بدور اصلا انا بقعد ع القهوه مع الصيع بتوعى قصدى صحابى
ولما اديك واحده يعمو ابنك مبيدورش ع شغل هتعمل ايه !
_ عارفه يملك اسرارك كلها من اول يوم اتولدتى لحد دلوقت هكتبها ع يافته وعلقھا ع اول الشارع.
يبن الغداره
_ مهو انتى متعرفنيش.
_ طب يلا جايه
هو نا معنديش مشكله بس للاسف امى قالبه الشقه حتت قلبه وبنضف ولو نزلتلها ع ركبى م هترضى تنزلنى متعرفش هو بكرا العيد ولا لاء .
_ اتصلى بحد من صحابك يجى يعمل نفسه انو عاوزك بقا ضرورى وكدا وامك هترضى ع طول .
يبنى دول اندال وبعدين مين دى ال هتطلعلى من بيتها عشان تيجى تطلعنى من البيت وتروح تانى !
_اممم عندك دنيا دى كويسه ومرام دمغاها ناشفه بس لو قولتلها هديكى باكوا بسكوت هتيجى فيه روئ برده دى بكلمه منى تهد العالم وبسمله دى بتحبك جدا انتى لو قولتلها هتيجى ومنار الوتكه دى برضه مبترفضليش طلب فعادى والبت اه اه هى دى مريهان لو قولتلها تعالى هخرجك بكرا مسافه ما اقفل معاها هتكون هنا ولا ...
احيه يبنى ايه دا ملكش دعوه بصحابى يلا انا هقنع امى بمعرفتى .
_ ايييه دا كله !
بقولك ايه مكنوش ساعه الا ربع تأخير
_ وحيات امك
هنقعد ع القهوه
_ ودا من
ايه يعنى
مش نت بتقعد ع القهوه لما يتنزل !
_ اكتمى يملك
يبنى انت ازاى بتقول اسمى حلو كدا بس
ايه الجو المؤرف دا !
_ دانا جايبك فكافيه لو عشتى طول عمرك تحوشى مش هتدخليه .
تصدق انت مهزق دانا اشتريك انت وعيلتك بحالها .
قطع كلامنا صوت الويتر
عصير فراوله
_ واحد عصير فراوله شيشه تفاح وشاى
نت بتشرب شيشه
_ دى تفاح عادى
لو سمحت حضرتك هاتلو عصير جوافه
_ جوافه طب متقوليلو يحط عليها لبن ويحبهالى فببرون .
هتهالو فببرون لو سمحت !
قولتها وضحكت فالويتر ضحكلى وقالى تؤمرى
_ ال هو بتهزرى مع الناس الغريبه عادى كدا
انا كلمته يبنى
_ والله
خلاص اسفه
أحنا طالعين ليه
_ زهقان زهقت اوى .
عشان ابوك
_ هو فيه غيره طهقت والله دا فوق طاقتي ال بيحصل دا طول النهار اوامر نوم من الساعه ٨ بليل هو أنا بيبى صغير اصحى ٦ الصبح بوزع لبن انا زعيق طول النهار اصلا هو مش طايقنى فالبيت زهقت يملك هو أنا مش من حقى يبقى عندى اب زى كل الناس اب حنين ولطيف بيشجعنى دايما وبياخد بايدى يسئلنى عن يومى كان عامل ازاى العلاقه بينا تبقى علاقه صحاب اب ېخاف عليا ويحبنى يجبر خاطرى دايما
اب لما يلاقى حاجه واقفه معايا يساعدنى ويفتحلى كل الطرق المقفوله اب لما اغلط اجرى اترمى فحضنه مش اقعد افكر اهرب منه ازى اب يصلحلى غلطاتى مش يعاقبنى عليها اب احس انى فخور بيه قدام نفسى هو أنا وحش اوى كدا لدرجه انى مستاهلش اب كويس !
يبنى يخربيت ۏجع القلب ال بشكل دا م عارفه ليه بحس ان قلبى بيوجعنى لما بيتكلم عن باباه بالشكل دا يمكن عشان بابايا الله يرحمه كان نسخه من عمو كامل وان ال مازن عاشه نفس ال انا عشته زمان
بحنيه طب ما تبص للحاجات الحلوه ال فحياتك !
_ مفيش !
وانا
_ يست وانا مقدرش انكر دة قومى نشوف اى حاجه مسليه نعملها اصلا كله رايح !
بيتحول بسرعه جدا إل هو من ثوانى كان موجوع وبيدمع وهوب قلب الموضوع والضحكه اترسمت ع وشه مش بقولكوا مختلف
خرجنا من الكافيه روحنا الاسم اه الاسم متستغربوش منك لله يعمر يارتنى معرفتك يأخى بس برده مش هو ال غلطان مهو زوجى قره عينى
