انت هتتجوز سادين يا رعد دا آخر كلام عندى
فى الحديقه متوتره ورعد فضل مراقبها بعض الوقت قبل ما يطلع غرفته وهو بيبتسم
شربت سادين قهوتها ورجعت على غرفتها كانت لسه متوتره من مراقبة رعد ليها وان شافها بتعزف كانت فاكره ان رعد بره البيت ومتوقعتش انه يرجع من غير ما تشعر
خدت شاور وقعدت على السرير شويه قبل ما تقرر انها تنهى الروايه إلى بتقرائها
رعد تعالى هنا يا هند
وقفت قدام رعد وهى بتبص قدامها
رعد دخن سېجاره وسألها هى سادين هانم كانت بتعزف من امتى
هند ! من وقت قليل قبل ما حضرتك ترجع
مممممم القهوه بتاعتها ايه
ساده يا رعد بيه
مممم انتى بتطلعيلها الأكل كل يوم شوفتى شكلها
هند لا يا رعد بيه قبل ما تكمل فى سرها وحتى لا شوفته مش هقلك
لا يا بيه سادين هانم مش بتفتح الباب غير وهى لابسه النقاب
دخلت شاهنده من بره اترمت على الكنبه الجو بره حر جدا غير جو باريس خالص
انت يا زفت واقفه عندك بتعملى ايه خدى الشوبينج ده رتبيه فى الدولاب
مش بعمل حاجه رعد بيه كان بيسألنى عن شوية حاجات
وكمان هتردى يلا أمشى من قدامى
كويسه يا ماما السوق بايظ لكن احنا ماشين كويس
طيب خلى بالك يا رعد احنا مش حمل خساره تانيه
رعد بشرود حاضر يا ماما
سادين صحيت بدرى انهت صلاة الفجر وطلعت على الحديقه فضلت قاعده لحد الشمس ما طلعت
بعدها دخلت المطبخ فطرت مع الخدم وطلعت غرفتها
الاكل اتحط على السفره رعد لهند اطلعى لسادين هانم صحيها وقوليلها رعد بيه منتظرك على الفطار
لكن ايه صړخ رعد
سادين هانم فطرت من بدرى وطلعت تنام
ازاى كده
أصلها صحيت بدرى قعدت فى الجنينه شويه وبعدها فطرت معانا وطلعت غرفتها
رعد باستغراب فطرت معاكم
هند ايوه
رعد فى سره امال عماله تطلب الاكل فى غرفتها ومش بترضى تفطر معانا ليه
اطلعلها يا رعد بيه
رعد بص حواليه لا أستنى انا هطلعلها
طلع رعد على غرفة سادين خبط على الباب سادين كانت صاحيه
انا رعد ممكن تفتحى الباب
عايز ايه
عايزك تنزلى تفطرى معايا ولا انتى بتفطرى مع الخدم بس
سادين بلتعثم اعتقد اتفاقنا كان واضح من فضلك أمشى من هنا
رعد پغضب بعد ما رزع الباب براحتك انت فاكره إلى يشوف وشك المشوهه يقدر يكمل فطاره اصلا! وسابها ونزل
سادين بعد ما رعد مشى قلعت نقابها وقفت قدام المرايه
وابتسمت قالت الحمد لله
شايف رعد بيحكها مع تلا ازاى
فهد پغضب هو احنا مش قلنا الواد ده اتجوز وخلصنا منه لازق فى تلا ليه
اسامه بأبتسامة سخريه أصله يا سيدى اتجوز بنت عمه بيقولو مشوهه وشها كله مشوه اتجوزها عشان التركه والفلوس
فهد بعصبيه مليش فيه تلا بتاعتى انا مش هسمح لأى شخص ياخدها منى
اسامه بمكر لكن هى مستلطفه رعد
فهد انت متعرفش تلا زى رعد بالنسبه ليها مجرد لعبه اول ما تتسلى بيها هتسيبها دى محتاجه راجل حقيقى انا فاهمها اكتر من نفسها قال كده وهو بيقرب من طاولة تلا ورعد
سلم فهد على تلا ورعد وقعد معاهم ازيك يا رعد
بخير الحمد لله
سمعت انك اتجوزت ينفع ما تعزمنيش على الفرح
رعد بتوتر دا كان جواز ضروره مش اكتر وتلا عارفه كده
فهد هو انت مش ناوى تعرفنا على العروسه ولا ايه
رعد سادين مش بتحب تخرج بره البيت عندها أفكارها الخاصه
فهد أفكارها الخاصه ولا نقابها إلى بتخبى بيه وشها المحروق
رعد بعصبيه انا مسمحلكش تتكلم على مراتى بالطريقه دى مراتى مش مشوهه ولا حاجه
فهد بسخريه مشوهه وانت شخص حقېر اتجوزتها عشان الفلوس
انا مشفتش وضاعه اكتر من كده
مش مشوهه ولا حاجه صړخ رعد
فهد وعلى وشه ابتسامة سخريه طيب خلينا نشوفها اثبت انى كداب وانا باعهدك قدام تلا انى اقدملك اعتذار قدام كل الناس
رعد انا مش مضطر اثبت حاجه لأى شخص!
تبقى كداب صړخ فهد بتحفز
رعد مسك فى خناق فهد وتلا خصلت بينهم بالعافيه
رعد ساب القعده بعصبيه ركب عربيته وطلع على الفيلا
فهد لتلا انا عارف ان مراته مشوهه وشكلها بشع دى جايه من الأرياف ومتعرفش حتى تاكل زى الناس وهثبتلك كده
هند من ورا الباب ست سادين تشربى قهوه
سادين من غير ما تفتح الباب الجو هادى تحت
هند ايوه يا هانم رعد بيه خرج شاهنده هانم مش بتصحى غير المغرب
طيب حضرى فنجان قهوه وحطيه جنب البيانو وانا نازله
هند بسعاده حاضر يا ست سادين
نزلت سادين على الرواق فنجان القهوه كان إلى جوار البيانو قبل العزف الخدم اتجمعو سادين مكنتش ممانعه رغم معارضة سندس كبيرة الخدم
بكل ڠضب صفع رعد باب سيارته وانطلق نحو الفيلا
وصلت لمسامعه نغمات الموسيقى الهادئه قبل أن تعصف 50 cent
فكر رعد رغم غضبه ايه الجمال ده معقول بنت ريفيه مشوهه تعزف بالشكل ده
اتعلمت العزف فين اصلا
لكنه كان حويط المره دى ۏلع سېجاره وفضل واقف فى الحديقه يسمع العزف إلى نهايته
ووجد نفسه نسى غضبه وقرفه بس لو مكنتش بنت عمى مشوهه كنت خدتها من ايدها وطلعت بيها على النادى عشان اعرف الوغد فهد مكانته
لحظه واستغرب رعد انه بيقول بنت عمى الكلمه لسعته فى عقله لدرجة انه هز دماغك كأنها دبانه وقحه
رعد كان عارف انه اول ما يدخل سادين هترحل كان مستمتع بالعزف وبداء فضول ياكله تجاه سادين
ياترى شكلها عامل ازاى
وهل ټشوهها بشع ولا مقبول
رجليه خدته وهو بيفكر لجوه الفيلا
ايه الصدفه السعيده دي هو انا كل ما ادخل الفيلا الاقيكى بتعزفى
سحبت سادين صوابعها من على البيانو وبسرعه ركضت على غرفتها
الخدم اټرعبو لما شافو رعد دخل الفيلا فجأه وجهزو نفسهم لدش ساخن من اللوم
لكن رعد طلع غرفته وهو طالع طلب الغدا يطلعله غرفته
نزلت شاهنده بتتمطع من غرفتها قعدت على الكرسى ودخنت سېجاره
سندس صړخت شاهنده
جريت سندس كبيرة الخدم على شاهنده ووقفت قدامها
رعد بيه رجع
رجع يا هانم وطلع غرفته
شاهنده بتفكير غريبه دى رعد متعود يستنانى نتغدى سوى!
وايه إلى حصل تانى شاهنده كانت منتظره التقرير الزفت سادين لسه فى غرفتها
سندس لا يا شاهنده هانم سادين هانم نزلت عزفت على البيانو بعد كده طلعت غرفتها
هانم مين يا ج
انا بس إلى هانم هنا وبعدين البنت المتوحشه دى بتعرف تعزف دي هتبوظ البيانو
تكونش فاكراه زى الطبليه فى بلدهم
البنت دى متحطش ايدها تانى على البيانو ولو حطت ايدها عليه انا هقطهعلها فاهمه
وطت سندس دماغها فاهمه يا هانم
طيب يلا انجرى حضريلى الغدا
مشيت سندس كبيرة الخدم وشاهنده ولعت سېجاره تانيه قال بتعزف على البيانو قال
مش ناقص غير تكون بتعرف ترقص كمان!
سادين فى غرفتها خدت شاور بعد كده فتحت التابلت بتاعها كانت مواضبه على كورسات ايطالى واسبانى بعد ما أتقنت الفرنسيه والانجليزيه
كان دايما حلمها انها تدخل سوق العمل وتصبح سيدة أعمال ناجحه وتعمل مشاريع خيريه وكانت بتجهز نفسها لكده من بعد الجواز
كانت بتسهر تعمل دراسة جدوى لمشاريع كتيره وتتعلم من اليوتيوب أساليب الاداره خاصه انها خريجة تجاره انجلش وبتفهم فى الحجات دى
بعد ما زهقت من المراجعه خرجت لوح رسم وضعته على الحامل ولبست مريلة الرسم خرجت الفرشات الزيتيه وبدأت الرسم
كانت بترسم لوحات عالميه بنقلها بايدها عشان تتقن الرسم
الألوان لخطت هدومها ووشها بعد ما خلصت سادين وقفت قدام المرايه
وطلعت منها ضحكه كبيره انتى فعلا دلوقتى أصبحتى بشعه يا سادين
رعد نزل من غرفته بعد اكتر من ساعتين شاهنده كانت قاعده فى الجنينه
رعد لهند وهو نازل هى سادين هانم منزلتش من غرفتها
الخادمه هند لا يا رعد بيه
رعد بحزن ماشى وخرج قعد مع والدته شاهنده بغيظ انا سمعتك بتقول سادين هانم
انت نسيت احنا اتفقنا على ايه
منستش يا ماما لكن دول خدم ميعرفوش المشاكل إلى بينا سادين مهما كانت بنت عمى
شاهنده بصت لرعد پغضب انت ازاى بتقول كده دول عالم لمامه واستحاله يجمعنا بيهم اى شيء
ايه اخبار الشركه احنا عايزين نخلص بقا
رعد بتوتر الشركه احوالها مس تمام بابا الله يرحمه مشاكله كانت كتيره فى السوق والتجار متربصين بالشركه
شاهنده اطلب مساعدة والد تلا مش هيتأخر انا واثقه من كده
رعد بشرود حاضر يا ماما
لسه مخلصتش كلامه ووصله تليفون من الشركه خلى وشه صفر ورحل منه الډم
حصلت حريقه كبيره فى مخازن الشركه وكميه كبيره من البضاعه اتحرقت
رعد بعصبيه ازاى دا يحصل انا كنت حاطط امل كبير على البضاعه دى وكنت مستنى السوق يتعطش وابعها!!
وخدها جرى على عربيته
بالصدفه سادين كانت واقفه فى الشرفه وشافت رعد بيركض على العربيه وشاهنده بتجرى وراه وبتصرخ فيه ايه يا رعد
لما وصل رعد كان فيه جزء كبير من المخازن اتحرق سيارات الإطفاء والشرطه ماليه المكان الحريق كان بفعل فاعل وكاميرات المراقبه اتعطلت قبل الحاډث
رعد حط ايده على دماغه بحزن كان حاطط اكل كبير يحقق مكاسب سريعه بتعطيش السوق عشان يجمع فلوس كتيره
دلوقتى الجزء المتبقى يدوب يغطى الخساره والرواتب شاهنده كانت وصلت هناك وعملت دوشه كبيره مع الشرطه والموظفين
بعد ما الشرطه خلصت تحقيقات مع موظفى الشركه
رعد خد والدته شاهنده ورجع على الفيلا شفت البنت دى وشها زفت ازاى
من اول ما دخلت الفيلا والمصاېب عماله تهل علينا
رعد وهى ذنبها ابه بس يا امى
ذنبها ايه دى فأل شؤم وطول ما هى فى البيت هتحصل مشاكل اكبر
رعد ساب والدته ترغى وقعد يفكر مين ممكن يكون ليه مصلحه ېحرق المخازن
المنافسين كتير واعداء والده اكتر كان بيأمل ان الشرطه تحل القضيه وتعرف المتسبب فى الحريق
اسامه المخازن اتحرقت يا معلم اتساوت بالأرض
فهد اوعى يكون حد خد باله
اسامه عيب يا فهد هو انا تلميذ
فهد دلوقتى تلا مش هيكون قدامها غيرى رعد مش هيكون فاضى ليها
اسامه بمكر لازم تخلص بسرعه يا معلم قبل ما والدة رعد تتدخل
دى ست حربايه ولازقه فى والد تلا ليل نهار
كل ليله سهرانه معاه لحد الصبح
فهد باستغراب كل ليله
اسامه ايوه كل ليله مش عارف ليه مش مستريح للعلاقه دى
شاهنده متصاببه وفرسه شايفه نفسها ووالد تلا العوبان
فهد لا معتقدش العلاقه توصل لكده
اسامه بخبث نوصلها يا معلم كل حاجه تحت السيطره بس ننتظر الوقت المناسب
فهد بضحك دا انت مصېبه يا اسامه
تلميذك يا فهد بيه
رعد رجع الفيلا متحطم قعد يومين مش بيخرج من غرفته ولا بيكلم حد
وتصادف فى مره نزول سادين مع رعد على السلم
سادين كانت هترجع غرفتها
رعد لا من فضلك اتفضلى انزلى انا مش هضايقك كان مهموم وشارد
سادين بخجل انا متأسفه للحصل فى الشركه ربنا يعوضك خير ان شاء الله
انتى شمتانه فيه يا سادين
سادين بصدممه انت ازاي
بتقول كده حرام عليك
رغم كل حاجه انا
