غراب كشفلي سر حماتي واللي بتعمله في بنتي

بس يا امي انتي عارفه جابر وسعاد سمعتهم سبقاهم بتبعتي بنتي عندهم ليه وايه اللي بتحطيه في شعرها..
سميحه پحده 
عمل بعمل عمل في نصه وجابر بيكمله وباخد فلوس علي شغلي ده...
فضل بدموع
وبنتي ډخلها ايه في الموضوع ده يا امي ليه بنتي اللي بتخليها تروح عند جابر اللي سمعته زي الزفت..
سميحه 
انا هفهمك البنت بنتك لسه عيله صغيره وراسها طريه يعني بيشيل من راسها تلات او اربع شعريات من راسها بنكمل بيها العمل..

فضل 
انتي بتقولي ايه انا بنتي بيحصل فيها كل ده حرام عليكي بقي هو ده جزاءي اني بخلي بنتي تنزل تونسك وبعدين انتي عايزه الفلوس  دي في ايه الفلوس اللي بتاخديها وانتي بتخربي بيوت الناس هتعملي بيها ايه واحده غيرك تعمل لاخرتها..
سميحه 
وانت مالك انت بعمل بيها ايه الفلوس وبعدين بنتك بتاخد حقها اهو بتلبس وبتاكل اللي نفسها فيه ده فرقت عندي وزادت النص..
فضل 
انتي يا امي تعملي كده في بنتي حرام عليكي دي عيله صغيره
سميحه 
هو انا عملت ايه يعني ده انا باللي بعمله معاها ده هخليك تاكل الدهب والفلوس تجري في ايدك زي الرز المهم بس ما حدش يشم خبر اومال انا بشغل بنتك معايا ليه هي اولي من الغريب والخير يجيلما كلنا
فضل پغضب
انتي لولا انك امي انا كنت بلغت عنك انا مستحيل اسكت عن اللي بتعمليه في بنتي ده انتي فاهمه..
سميحه بدموع
اخص عليك ية ابني هتبهدل امك علي اخرة الزمن هتخليني اتحط في دار مسنين ولا اتحبس وانا في العمر ده..
فضل 
يبقي تبطلي اللي انتي بتعمليه ده وبنتي وانا مش هخليها تنزل عندك خالص وعشان خاطر ربنا هخلي مراتي تنزل تعملك شغل البيت هنا وتطلع تاني بس ورحمة ابويا يا امي لو عرفت انك رجعتي تعمل الحاجات دي تاني اللي تغضب ربنا وقتها انا مش هسكت..
_ واخد هاجر وطلع عندي فوق وزعق فيها قدامي وقالها..
فضل 
اوعي يا بت انتي تنزلي تحت تاني لوحدك وانتي يا منال البت ما تنزلش الشارع لوحدها..
منال
طيب فهمني يا اخويا عملت ايه البنت عشان تعاقبها كده...
فضل 
اهو انا قولت كده وخلاص يا منال وانزلي يلا عند امي شوفي هتعملي عندها ايه يلاا..
منال 
حاضر بس بالراحه علي البت وايه الريحه الوحشه اللي طالعه منها دي..
فضل 
انزلي يا منال يلا واسمعي الكلام..
_ونزلت فعلا وهو اخد البنت الحمام وبدأ يفك الحاجات اللي مربوطه في شعرها ويغسله ليها وقال وهو بيعيط..
فضل
حقك عليا يا حبيبتي انا مش هخليها تعملك حاجه تاني مش هسمح لحد يأذيكي انتي واخواتك تاني حتي لو كان التمن روحي.. وشالها وډخلها اوضتها..
فضل 
ياارب احمي ولادي من اي شړ انا بتعب وبيطلع عيني بس عمري ما هدخل عليهم قرش حرام بس احميهم ليا يااارب..
_ وعدي اليوم وانا كنت بحاول افهم من التلاته جوزي وبنتي وحماتي حصل ايه بس ما حدش قالي حاجه وتاني يوم الصبح نزلت عند حماتي وقولتلها..
منال
قوليلي يا ماما اللي انتي عايزاه عشان اعمله ليكي بسرعه قبل ما اطلع فوق. 
سميحه بحزن 
لا لا انا مش عايزه منكم حاجه اطلعي فوق وسبيني لوحدي يلاا..
منال
ليه كده بس يا ماما هو انا ولا فضل قصرنا معاكي في حاجه..
سميحه 
ايوه انا بحب البت هاجر وعايزاها تفضل قااعده معايا وتونسني انتو ليه اخدتوها مني..
منال 
ما انا مش عارفه يا ماما فضل عما كده ليه طيب انا عندي الحل ما تيجي انتي وتقعدي معانا فوق..
سميحه
لا لا انا مش عايزه اسيب شقتي انتي بس ابعتيلي هاجر تقعد معايا شويه