ماما اي اللي وراكي دا

ماما أيه اللي وراكي ده 
أيه يا حبيبتي اللي ورايا 
أنا شوفت حاجه وراكي يا ماما سودا وشكلها غريب 
لا يا حبيبتي هتلاقيكي بيتهيئلك ولا حاجه 
أدخلي نامي يلا عشان عندك مدرسة الصبح 
حاضر تصبحي على خير 
وانت من اهل الخير يا فطومتي
بعد م فاطمة نامت قعدت أفكر أيه اللي ممكن يبقى ورايا قلقت وخۏفت جدا بس اليوم عدا عادي ومكنش فيه حاجه 

تاني يوم في نفس الميعاد سمعت صوت في المطبخ 
محطتش في بالي عادي أوقات كتير بسمع اصوات في المطبخ بسبب الاطباق اللي على بعض وكده 
وبعد م الصوت اللي في المطبخ اختفى 
سمعت صوت فاطمه بتصوت 
جريت على اوضتها
مالك يا فاطمه فيه ايه 
حلم حلم وحش اوي
طيب أهدي يا حبيبتي 
خدي أشربي شويه ميه وأهدي 
حلمتي ب أيه 
الحاجه السودا يا ماما اللي شوفتها وراكي امبارح لقيتها في الحلم بتقرب عليا وقعدت تخنقني ومش راضيه تسيبني 
طيب أهدي وأنا هنام معاكي النهارده عشان مټخافيش 
ثانيه واحده اروح اجيب الموبايل عشان اشغل القرأن عشان يهديكي
بعد م طلعت من أوضه فاطمه شوفت حاجه بتجري ناحيه المطبخ ودخلت اوضتي مشيت براحه پخوف وقبل م ادخل عند باب الاوضه 
فجأه باب الاوضه اتقفل جامد 
جريت على اوضه فاطمه وشغلت موبايلي على سورة البقرة وحاولنا ننام بس كنا خايفين معرفناش 
الفجر أذن قومت أنا وفاطمه نتوضى ونصلي 
كنت طالعه من الاوضه خاېفه جدا بس حاولت ابين لفاطمه ان الدنيا كويسه عشان متخافش أكثر 
روحنا أتوضينا وصلينا الفجر
نمنا بعديها وراحت علينا نومه وفاطمه منزلتش لمدرستها 
كان البيت بيبقى هادي الصبح وعلى طبيعته 
لكن بعد أذان العشاء البيت بيتحول لړعب 
استمر الحال على سمع أصوات تكسير أصوات خبط وكوابيس 
شغلت قرأن لكن أول م أشغله يتطفى لوحده
اتصلت ب كريم جوزي وحكيتله على اللي حصل وقالي إنه يومين وهيجي من السفر 
وأنا بكلمه التلفون اتقفل النور قطع والشبابيك بتتفتح وتتقفل لوحدها 
أصوات ناس بتضحك واطفال بټعيط وحسيت كأن البيت بيتهز وهيقع استمرت الأصوات والنور المقطوع حوالي عشر دقايق لكن عدوا أكنهم عشر ساعات 
فجأه الأصوات اختفت النور اشتغل 
لكن لقيت فاطمه قاعدة على الأرض ضامه
رجليها على وشها ومبتتحركش 
كانت بټعيط بصوت مكتوم
فاطمة يا حبيبتي أيه اللي قعدك هنا 
فاطمه ردي عليا 
ماما
لقيتها مسكت فيا وقعدت ټعيط جامد
أيه اللي قعدك كده انت كنتي جمبي ايه اللي نزلك على الارض 
انا انا حد شالني وحطني هنا وسمعت صوته وهو بيقولي في ودني أوعي تصوتي 
طيب أهدي
فضلنا طول الليل نسمع أصوات غريبه ولما افتح سوره البقرة تتقفل لوحدها 
لحد م الفجر أذن وكل الاصوات اختفت 
اتصلت ب كريم
كريم أنا مش هقعد في الشقه دي لو مجتش 
طيب يا مريم أهدي وأنا هاجي حاضر
فضلنا صاحين لحد الساعه ١٠ الصبح سمعنا باب الشقه وهو بيتفتح فضلنا مرعوبين لحد م باب الاوضه اتفتح 
لقيت نفسي أنا وفاطمه بنصوت من الخۏف 
لكن طلع كريم اللي فتح 
دخل وقعد يهدينا 
اليوم عدا مفيش أي حاجه حتى بعد العشاء محصلش أي حاجه
أيه يا مريم طب محصلش حاجه فيه اي 
والله يا كريم في الوقت ده البيت بيتقلب أصوات وخبط وحاجات غريبه 
حتى القرأن بيتطفى 
غريبة دي أومال محصلش حاجه أهو 
مش عارفة