كانت تعد الطعام لطفلها وزوجها
بالشكل ده يعنى بعد ليل تتجوز واحده بالمستوى ده انا كنت فاكره ان مراتك دى بقى اكيد هتبقى حلوه وكلاس وكده لكن ايه المستوى اللى رميت نفسك في ده
اصل الستات اقدام زوجه تعلى من زوجها ومقامه وزوجه تفقر زوجها
أنس عندك حق أنا بفكر اطلقها وابعتها لاهلها
ليلى لأ اوعى تعمل كده دى لو راحت عند اهلها هترميلك عيالك وانت هتعمل وقتها ايه
ليلى سبها كده واهتم انت بنفسك شويه وخصوصا فى مركزك الجديد محتاج تلبس كويس ويبقى معاك عربيه حلوه موبايل أحدث موديل انما ايه ده ايه اللى انت عامله فى نفسك ده فين انس بتاع زمان
أنس عندك حق بس
ليلى بس ايه مش معاك فلوس لو مش معاك انا
أنس قطعها لأ معايا كنا محوشين قرشين كده عشان مستقبل العيال
أنس بصراحه يا ليلى انتى عندك حق انا اهملت نفسى كتير عشانهم وياريته بيطمر فيها
ليلى عموما إحنا لسه فيها تعالى ننزل نشتريلك هدوم حلوه كده وغير العربيه دى هاتلك حاجه تليق بيك
أنس خلاص بكره بعد الشغل ننزل سوا ايه رأيك
ليلى موافقه طبعا بقولك صحيح البن بتاعى نسيته فوق عندكم انا جايباه خصوصا من أمريكا بيعدل الدماغ بجد مش زى اللى بيتباع هنا
و مضړوب حلال عليك يا سيدى خليهولك وابقى أشرب منه وهتدعيلى
أنس هديه مقبولة
يا لولو
ليلى لو خلص ابقى قولى اجبلك منه تانى
قامت ليلى ووقفت
عن اذنك بقى انا اتاخرت
أنس طيب اجى اوصلك
ليلى لا طبعا مافيش داعى وعشان كمان الجيران محدش يتكلم عليا أنت ناسى انى قاعده لواحدى
أنس طيب أول ما توصلى كلمينى طمنيني عليكى
ليلى حاضر باى يا حب
نجوى ممكن أفهم بقى ايه اللى عملته ده وايه اللى بينك وبين ليلى ولا لما شفتها حنيت لايامك مع ليل
أنس بقولك ايه يا نجوى اتكلمى معايا عدل بدل ماقوم انا اعدلك
نجوى لا يا راجل وهتعملى ايه بقى إن شاء الله هتمد ايدك عليا تانى
أنس اه يا نجوى ولمى نفسك بقى
أنس أنا مابطلقش سمعانى اقعدى يا نجوى ربى عيالك ومالكيش دعوه بيا عايزه تسيبى البيت مع السلامه بس هتاخدى عيالك معاكى بس وقتها اعملى حسابك انتى هتصرفى عليهم انا مش هصرف مليم احمر بره البيت ده فهمانى طبعا
نجوى لا انت اټجننت انت استحاله تكون أنس
قام انس ضربها وبهدلها
سابها انس ودخل عمل كوبايه قهوه وخرج يشربها
أنس عندها حق فعلا القهوة طعمها عالى وبتعمل دماغ فعلا
وصلت ليلى البيت وهى حاسه إن خطتها فعلا ماشيه زى ماهى رسمالها وهتحققها في أقرب وقت
أتصلت ليلى على أنس وبلغته انها وصلت بيتها وانها مش هتقدر تكلمه لانها مجهده وهتنام
فى اليوم التالى صباحا وصلت ليلى إلى الشركه ووجدت السكرتيرة الخاصه بادهم تبلغها أنه بانتظارها في المكتب
دخلت ليلى مكتب ادهم والقت السلام
ليلى سلام عليكم
أدهم وعليكم السلام .
ليلى قلولى إنك عايزنى
أدهم أه انهارده هنعمل انترفيو لمبرمجين جداد وكنت عايزك تحضرى الانترفيو
ليلى وهيبدا أمته
أدهم الساعه ١٠
ليلى حلو اوى نلحق نظبطت مع بعض الأسئلة اللى هنقولها
أدهم انا كنت محضرها خدى شوفيها ولو حبيتى تضيفى حاجه عرفينى .
ليلى لا كده تمام اوى اهم من الاسئله اننا نعملهم تست على حل بعض البرامج ونشوف فعلا مين هيقدر يتعامل معاها لأن عدد كبير بيكون جاى محضر الإجابة على الأسئلة
أدهم عندك حق وانا مجهز اللابات اللى هنعمل التيست عليها
ليلى بضحك ايه ده بقى انت مش سايبلى ال حاجه اعملها .أدهم اكيد يا ليلى منجحتش الشركه دى صدفه
أدهم عملتى ايه مع أنس
ليلى قريب اوى هاخد حق ليل
أدهم ليه مابلغتيش البوليس وهو يتصرف
ليلى هما مش عليهم اى ادله جنائيه وهيطلع منها زى الشعره من العجين وهيتقفل المحضر ان واحده كانت حامل وسقطت وجالها ڼزيف ومحدش لحقها عشان قاعده لوحدها
أدهم بس أنس ده مش سهل
ليلى وانا بتعامل معاه من المنطق ده عشان كده دايما بخلى كلامى معاه بأفعال عشان يصدق
أدهم بالدور باولوليه الحضور
بدأ أدهم وليلى بعمل الانترفيو واللى كان بينجح فى الرد على الاسئله كانوا بمتحنوا على اللاب
بعد فتره دخلت اخر متقدمه للعمل كانت ترتدى جيبه ضيقة قصيره واسفلها حذاء ذات كعب عالى وتفرد شعرها الى الخلف
دخلت المتقدمه بكل ثقه وجلست على المقعد المقابل لادهم وليلى استغربت ليلى من موقف تلك المتقدمه وعندما وجدت ادهم لا يبدأ بالاسئله كما فعل مع غيرها بدأت هى
ليلى ممكن تعرفينى على نفسك
بدأت المتقدمه بالتعريف عن نفسها ثم بدأ ادهم بتكمله الاسئله معها بشكل جادى إلى أن انتهت من جميع الاسئله
خمنت ليلى ان ثقتها بنفسها المبالغ بها بسبب خبراتها السابقه وكفائتها فى العمل
ليلى تمام يا مدام جميل احنا بنعمل تيست للمتقدمين فى برنامج هنا فى مشكله على اللاب ده ممكن حضرتك تورينا هتتعاملى معاها إزاى فى وقت أد ايه
جميله تمام قامت جميله بمنتهى الاحترافيه بالتعامل مع البرنامج واستطاعت حل المشكله
ليلى تمام يا مدام جميله ممكن حضرتك تنتظرى بره كمان ربع ساعه هنبلغ اسماء اللى تم اختيارهم
خرجت جميله وجلست ليلى مع أدهم
ليلى أدهم بص انا شايفه دول مناسبين جدا
أدهم وانا كمان رأيى زيك
ليلى خلاص هبعت للسكرتيرة الاسماء وهى هتبلغهم واللى نجحوا هينزلوا تدريب من أول الاسبوع القادم والاسبوع اللى بعده يبدؤا العمل رسمى
اعطت ليلى الاسماء للسكرتيره والسكرتيره بلغت المقبولين باسماءهم
انصرف الجميع معادا جميله وطلبت الدخول مره اخرى لمكتب أدهم
دخلت جميله ووجدت ليلى مازالت جالسه مع أدهم تجاهلت ليلى وتقدمت من ادهم
جميله ميرسى يا أدهم انك مدخلتش الشغل فى المسائل العائليه
أدهم طول عمرى بقدر افصل بين الشغل واى حاجه تانيه مصلحه العمل فوق الجميع
ليلى مش تعرفنى يا أدهم
جميله انا مدام جميله مراته
أدهم
يتبع
أدهم قصدك طليقتى يا مدام وأكبر دليل على انك حاليا شخص عادى انى قبلت اعينك عشان كفاءتك في الانترفيو وكمان الأستاذه ليلى هى ايدت على اختيارك فاتمنى ان التعامل فى المستقبل يكون من المنطلق ده اننا أشخاص اغراب ومافيش بينا أى صله
يا مدام جميله وبما أننا
في لقاء عمل أتمنى اننا منشلش الألقاب
جميله حست بإحراج إنه قدر يحرجها قدام حد غريب
جميله أكيد طبعا يا استاذ ادهم وأنا فعلا جايه هنا عشان الشغل فقط بدليل انى قدمت زى اللى قدموا وخضعت لنفس الاختبارات
وبصت لليلى اتشرفت بمعرفتك يا استاذه ليلى عن اذنكم
خرجت جميله من الغرفه وهى مصممه على إرجاع ادهم ليها مره اخرى وأن تجعله يسامحها
داخل المكتب عند ليلى وادهم
ليلى مكنتش اعرف إنك متجوز
أدهم كنت زى ماقولك ومش حابب اسمى يرتبط باسمها
ليلى شكلها جرحكتك جامد
أدهم حب يغير الموضوع فسبق بالكلام على موضوع اختها مع انس
تستاهل بقى مراته اللى عملوا عشانها
ليلى اه لو شفتها عارف الناس اللى ضاربين اكسجين على شعرهم وراسمين حواجبهم بألوان فلوماستر دول وكله كوم وخدودها كوم غالبا فاهمه البلاشر غلط ومفضيه العلبه على خدودها والروج بقى فواتشيح عبارة عن فوشيا فاقع
أدهم فى رجاله بتحب الزوق ده من الستات
ليلى زى مايكون كان بيشوف كل حاجه عكس ليل ومختارها
صدق اللى قال وللرجال في النساء مذاهب
أدهم لا انا كده بقى جالى فضول ولازم اعرف عملتى ايه
ليلى عملت شريره
ادهم لأ بجد مش بهزر احكيلى
ليلى حكتله على كل اللى حصل بداية من دخولها الشقه لحد ماروحت
أدهم طيب افرضى طلقها
ليلى مافتكرش لانه خاف من حته انها تسبله العيال
أدهم الناس اللى زى أنس دول لازم تبقى سابقه تفكيرهم بخطوه عشان ما يفاجئكيش بفعل مايكونش انتى عامله حسابه او خطتى ليه
ليلى ماتقلقش كلها أسبوعين اسبوعين وهبدا الجزء التانى من الخطه
اصل انا عامله الخطه اجزاء وكل جزء ليه حلقات زى المسلسل كده
أدهم طيب الجزء الاول وعرفناه انك عايزاه يثق فيكى و يبعد عن مراته وانك تدخلى بيته وتشوفي عيشتهم
الجزء التانى ايه
ليلى حاليا عايزاه يصرف كل فلوسه كلها مايبقاش معاه جنيه فى جيبه
أدهم وهتستفادى ايه بقى ماهو بيشتغل وبيقبض
ليلى لأ بقى دى المفاجأة بتاعت الجزء الثالث
أدهم طيب قوليها
ليلى غمزتله لأ من حقى احتفظ بيها لنفسى زى ماتوهت سؤالى وماردتش عليه
أدهم واحده بواحده يعني
ليلى البادى أظلم بالعكس انا اللى عماله احكى
ادهم مش يمكن عشان محتجانى
ليلى مش يمكن انت كمان هتحتاجنى في المستقبل القريب
ادهم تقصدى ايه
ليلى لا انت فاهم وعارف ان مجيه طليقتك هنا مش عشان شغل واكيد ليها هدف تانى وده باين اوى من طريقة كلامها والثقه اللى بتتكلم بيها
ادهم هنشوف إذا كنت هحتاجك او لأ بس نادرا لما بحتاج حد
ليلى تمام هنشوف همشى انا بقى عشان الحق اشوف
شغلى
أدهم هتخرجى مع أنس انهارده
ليلى أكيد امال مين اللى هيخليه يصرف
خرجت ليلى من مكتب أدهم وذهبت إلى مكتبها وقامت بانهاء جميع اعمالها
انتهى اليوم وقابلت ليلى أنس فى إحدى المولات الكبيرة
أنس ايه رايك اعزمك على الغدا او على الأقل حاجه
ليلى منا قلتلك قبل كده مابكلش او اوشرب بره البيت وبعدين وفر فلوسك هاتلك بيها حاجه تنفعك
أنس ماشى ياستى طيب لما احب اعزمك على حاجه اعمل ايه
ليلى مش لازم تعزمنى ويلا بقى عشان منتاخرش عشان نلحق نشوف هتجيب ايه تحب نبدأ من البدل ولا من الكاجول ولا من الكلاسيك
أنس كل ده
ليلى البدل والكلاسيك دوا للشغل والسهرات والكاجول للخروجات
أنس اتحمس اوى لكلام ليلى ودخلوا المول واشترى ملابس كتيره جدا بيتى وبدل وكاجوال وكلاسيك
انس اتارى الواحد كان مېت بالحيا
ليلى شوفت بقى انك كنت مهمل جدا فى نفسك
أنس عندك حق
ليلى شربت من البن اللى اديتهولك
أنس اه بصراحه يا ليلى بن مظبوط درجه اولى عمرى ماشربت زيه قبل كده
ليلى أى خدمه لما يخلص هجبلك تانى انا دايما بشترى منه كميات
انتهى اليوم بين انس وليلى وليلى اطمنت ان انس عجبه البن وبيشرب منه
وصل انس البيت قابل قدامه نجوى واول ماشفها وشه قلب
نجوى إيه شوفت عفريت
أنس اه طالما شفتك يبقى شفت عفريت
نجوى من امته النغمه الجديدة دى يا انس انت ناسى انا مين انا نوجه اللى جفيت عشان تتجوزها نسيت اوام
أنس يارتنى انسى يا شيخه بصى لنفسك فى المرايه وشوفى بقيتى عامله ازاى ايه المنظر ده
نجوى طب يا خويا ادينى فلوس وشوف هيبقى شكلى عامل ازاى
أنس منا اديتك كتير وشكلك هو هو مافيش تغيير ايه تعمل الماشطه فى الوش العكر انا لو مشيت معاكى هيفتكروكى امى
نجوى للدرجادى يا أنس
أنس اه للدرجادى بصى
