عمتي استغلت مۏت امي وجوزتني ابنها
يا عمر انا امتحاناتي خلاص قربت ممكن اروح امتحن بدل السنه ما تضيع عليا
وقبل ما عمر يرد قالت امه
لا طبعا يا اختي بدل ما دماغك مشغوله بامتحانات وبغيره فكري تروحي لدكتور عشان تجيبيلنا حتت عيل لو انتي لسه صغيره جوزك بيكبر وعايز يفرح بحتت عيل في شبابه
عمر
امي معاها حق يا سما وبعدين هو مش انا قولت قبل كده ما فيش تعليم
بس انا بحب جامعتي وكنت عايزه اا
عمر پحده
وبعدين ده انا كنت لسه بقول عليكي عاقله وبتسمعي الكلام واجهزي بالليل هنروح لدكتوره نشوف الحمل ده اتأخر ليه
قال كلامه وقام دخل اوضته والهام قالت
اوعي تنسي يا بنت هناء ان عمر ابني اتجوزك بس عشان يخلف منك قال صغيره وحلوه ويضمن انك تخلفي بسرعه ولو ما حصلش الحمل اوعي تفتكري برضو انه هيسيبك طيب ميار وليها اهل واطلقت وراحت عندهم واهي اتجوزت ابن عمها وسافرت معاه دبي انما انتي هتفضلي هنا زي الكرسي اللي انتي قاعده عليه وعمر مش هيطلق بنت خاله عشان كلام الناس
عمتي هو انتي ليه الغل والسواد ده كله من ناحيتي انا وامي الله يرحمها انا بنصحك تشربي برسيل جيل بتاع الهدوم السودا ده يمكن ينضف السواد اللي جواكي من ناحيتي
اتعصبت الهام وقالت
طيب قومي من وشي والله العظيم ما انتي مكمله اكلك يا بت قومي يلا..
_ قامت سما فعلا ودخلت اوضتها لقيت عمر لابس وطالع فقالتله..
ممكن تفكر في موضوع الامتحانات انا كده سنين عمري كلها في التعليم هتضيع علي الفاضي..
عمر
افرض وافقت وامتحنتي فاضلك سنه كمان هتأجلي الخلفه سنه كمان مش كده..
سما بتوتر
اا لا اكيد طبعا لو ربنا اراد هخلف عادي وعمتي معايا اهي وانا مش هروح غير في الامتحانات..
عمر زعق فيها وقال
لا تعالي امسح الرياله من علي وشي فوووقي يا سما واعرفي انتي متجوزه مين لتكوني فاكراني مش عارف بحبوب منع الحمل اللي بتاخديها عشان ما تخلفيش مني..
لا انا عارف وكنت مستني تفتحي موضوع الكليه بتاعتك ده عشان اقولك زي ما عايزه تحرميني من حتت العيل اللي نفسي فيه انا كمان هحرمك من تعليمك واحمدي ربنا اني ما قولتش لامي والا كانت هتخلي يومك مش فايت..
وكمل كلامه بسخريه وقال
وعامله عليا ست الشيخه وانتي بتكدبي علي جوزك يا محترمه..
سما پبكاء
عمر بضيق
مش بمزاجك يا سما والحاجات اللي بتاخديها دي تقف هاا وهعرف برضو...
_ قال كلامه وسابها وطلع بره الييت والهام دخلت عندها وقالتلها..
ماله عمر يا بت طالع متعصب كده ليه..
سما
نعم يا عمتي عايزه ايه مني ومن سنيني..
الهام
وانتي حيتلك اين يا بت اعوذه منك قوليلي ماله حبيب امه عمر طالع مدايق كده ومش كويس..
سما
بقولك ايه يا عمتي في دكتور تجميل علي اول الشارع روحيله يمكن يعرف يطلع مناخيرك من حياتي انا وجوزي ويحطها في وشك..
الهام
اخص عليكي ده انا اللي جايه اهون عليكي طيب ورحمة الغاليين لانتي قايمه غاسله الموعين وغاسله الهدوم اللي مش نضيفه كمان وتعمليلي شااي بالنعناع..
سما
اولا كده يا عمتي انا مليون مره اقولك ما فيش حاجه اسمها ورحمة امي ورحمة ابويا حرام تحلفي كده عشان الرحمه دي مش بأيدك دي بأيد ربنا
