((العنيده قصه حقيقيه))

ذى اللى بتتحط فالسبوع. ونلف كل عروسه مع شيكولاتايه فى تول ونقفلها ب شرايط مدهبه. 
ونوزعها عالموجودين وتبقي حاجه شكلها شيك و ذكرى الكل هيفتكرها ويتكلم عنها ويءلدوها كمان. 
وكانت عايزه تطبع اسمك انت وعمرو على الشرايط بس طبعا هم برا مارضيوش عشان باباكى مش هيوافق ولا الوقت اصلا هيسمح نلحق نعمل كل ده. ..

ايه رأيك بقي !
..للحظه فرحت أوى باللى مروه بتقوله بس لما سالتنى عن رأيي. قلبى وجعنى أوى .....غريبه أوى يا مروه انك بتسالينى عن رأيي. .وأنا من امتى ليا رأى. .. أنا من امتى حد بيفتكرنى اصلا وللا بيعمل حسابى فى أى حاجه. .من امتى ماقدرتش خالص أمسك دموعى. .كنت للأسف بدأت استريح ل عمرو وأقول انى هعرف أفرح أخيرا. .بس بجد اتوجعت أوى ...
_ يا نهار ابيض. .في ايه يا مرام 
بتعيطى ليه ايه اللي حصل 
.....طيب اهدى اهدى بس شويه 
...
مروه كانت مستغربه لأنى فعلا مش من النوع اللى بعيط كتير. اصلآ انا نفسي مفتكرش خالص انى عملتها قبل كده وعيطت قدام حد..
...
وحكيت ل مروه اللى مضايقنى واللى حساه
مش عارفه يا مرام. .بس يمكن فى تفسير أو. ...
اصلآ والله عمرو ده مش ذى ما انت شاكه خالص. .
وصعب أوى يبقى ذى عمى يا بنتى في بينهم فرق شاسع. ..
........إنت ساكته ليه 
اوعى تقوليلى انك هتتخانقى معاه. ..
ده أنا امبارح ماصدقت اشوفكم كويسين شويه مع بعض وإحنا بنشترى الشبكه. .
......مرااااام. ..ردى عليا 
.......... . ...مش هتخانق يا مروه ولا حاجه. .
يا سلااااام! !
....آه والله. ..
أنا اصلآ تعبت من الخناق وشدة الأعصاب دى. .
و .......أنا فعلا بعترف انى حاسه إن عمرو مش وحش للدرجادى. .
ونفسي والله يبقي فى تفسير أو عذر للى حصل. ..
_ سبحان الله! !!!!!!!
من امتى العقل ده مع عمرو !
ده انا قلت إن موضوع عمرو ده من اوله جنن مرام العاقله خلاص. ..بس الحمد لله رجعتى لعقلك بالسلامة.
......................
_ مالك بقي 
....و قبل ما أرد عليها. .كان عمرو بيتصل. ..
وخرجت مروه عشان أرد عليه براحتى. .
مع انى كنت عايزه ماردش عليه دلوقتي عشان صوتى مش هيبقي طبيعى. .بس فعلا كنت عايزه استريح واخلص من الظنون اللى فدماغى. .
ألو 
...........مرام
.....نعم 
صوتك ماله 
_ ماله 
_. ......ماشي. .هدخل فالموضوع على طول عشان أنا عارف إنك مش هتحكى حاجه. .
انا كنت برا فى مشوار. وبابا اتصل بيا وبلغنى انه حدد معاد الخطوبة مع باباكى. وإنها هتبقي بعد بكره لأن باباكى جاله شغل مفاجئ وهيسافر بعد 3 أو 4 ايام. 
و قال إنه مش عارف هيفضل فى شغله ده أد ايه. وإنه ممكن لما يرجع أكون أنا سافرت ل شغلى بعد ما اجازتى تخلص. .
..وأنا اهه بكلمك عشان احكيلك. .
ولو انت متضايقه من المعاد ومن السرعه ذى ما هو واضح من صوتك. .انا ممكن أحاول أتصرف ونستنى باباكى لما يرجع وأنا أشوف طريقه اءجل بيها رجوعى للشغل ونعمل الخطوبة وقتها. .
.....لو ده يريحك قوليلى وأنا هقنع باباكى. .
................
_ لاحول ولا قوة الا بالله. ....مالك بقي. .مش بتردى ليه طيب 
....و رجعت تانى للدلع والسهوكه ..اكلمك بصراحه !
ممممممممممم. ..قول يا باشا 
انا فعلا كنت متضايقه لما عرفت. ..
و....يعنى فكرت للحظه كده انك تكون عارف من امبارح أو تكون أنت اصلا اللى اقترحت المعاد ده وماقلتليش أو مانقشتنيش واخدت رأيي. .وخصوصا يعنى إننا كنا لسه بنتكلم من كام ساعه. ......بس. .مارضتش أصدق أوى بردوا. .وقلت استنى واسمع منك الأول قبل ما ابدأ آخد قرارات مصيريه وكده.
.......أولا أنا مبسوط أوى أوى بكلامك. .لأنى فعلا اول حاجه فكرت فيها لما عرفت هى إنك هترجعي تتهمينى تانى ب حاجات ماليش يد فيها واصلا بعيده خالص عن شخصيتى. .
بس بجد نفسي نفضل كده يا مرام. .
نفسي فعلا تثقى فيا. .
وتثقى انى صعب اعمل حركات هايفه ذى دى واوافق إنها تزعلنا من بعض 
وتثقى فى غلاوتك عندى. .
وأنا موجود اهه طول الوقت .يعنى قبل ما الظنون السوده تشتغل اسالينى واسمعينى. ....ماشي !
مممممممم. ...ماشي 
شاطره يا رومه.
وثانيا بقي يا دكتوره مرام وبالنسبة للقرارات المصيرية اللى كنتى حضرتك ناويه تاخديها دى. .ف أحب ابلغك انك اتدبستى خلاص ومابقاش ينفع خالص واصلا انا مش هسمح إننا نفترق. .
و إنت اهه اللى هتخلينى آخد قرار من غير ما أسألك حتى و اروح اتحايل على باباكى وكل عيلتك إن الجواز هو اللى يبقي بعد بكره مش الخطوبه عشان أنا بدأت أشك إن الجوازه دى حد باصصلى فيها ومن سنين كمان ...
_ ههههههههههههههههههه ههههههههههههه ههههههههههههههههههه. .
يا سلااااام عجبتك أوى كده 
ههههههههههههههههههه. ..اصلى اول مره اسمعك وانت متنرفز أوى كده 
و دى بقي حاجه تضحك !!
يعنننى. ...أصلللك كنت لذيذ كده وانت متعصب ومتنرفز 
ؤلتى ايه ....قولى تانى كده ....أنا كنت ايه  
.....................................
_ مرااااام. ..يا جبانه 
ههههههههههه. ..ربنا يسامحك. .
ربنا ما يحرمنى منك 
...........................أحم. ....كفايه كلام بقي عشان ورايا حاجات كتير وكمان عندنا ضيوف وماينفعش اسيبهم كل ده. .
........عايز اقعد اتكلم معاكى يا مرام. ..تبقي قدامى يعنى وشايفك. .كلام التليفون ده بقي بيغيظنى اووى 
ههههههههههههههههههه. .والله بقي تقدر تاخد معاد من سيادة العقيد وتقعدوا تتناقشوا فالحكايه المهمه دى.
ماشي يا رومه. .حسابك تقل معايا أوى. .
ماشي بس يللا بقي عشان الضيوف 
خلاص ه يللا اهه. بس ما دام فى ضيوف نبقي ننشف شويه وبلاش الدلع ده 
ههههههههههههههههههه. .هنشف حاضر. .بس اصلا كل اللى برا ستات مفيش رجاله 
ممممممممممم. .بردوا ننشف. .انا عايز الدلع ده ليا انا بس.
..............واضح انى هنشف معاك انت كمان و اوريك الوش التانى كمان 
ههههههههههه عارف إنك مفتريه و ممكن تعمليها فعلا والله ....
وتقريبا مامته دخلت عليه وكانوا بيتكلموا سوا 
رومه ماما عايزه تكلمك وبتقولى انى شاغلك معايا وهى مش عارفه تتكلم معاكى خالص و فعلا مامته كلمتنى. .وأنا اصلا كنت مكسوفه أوى عشان نادانى بالاسم ده قدامها
وعشان معنى كلامهم كده إنها عارفه إنه كل شويه بيتصل بيا. .إحساس جديد خالص عليا موضوع الكسوف ده. .بس فالمجمل هو إحساس حلو ...
اتكلمت معايا شويه. 
وفوسط الكلام جت سيرة مراة عمى لأنهم اصلا أصحاب من زمان. .وقالتلى إنها هتقفل معايا وتكلمها. .
ف طبعا انا قلتلها إنها عندنا هى وبقية الحفلة اللى برا كلها. .
وفهمت منها إنها كان نفسها أوى تبقي موجوده هى كمان وإنها متعوده على اللمه بتاعتهم دى. ..
وكملنا المكالمه وقفلنا سوا. .
....
وأنا لما خرجت سألت مراة عمى ليه مش قالوا ل د عبير تبقي معاهم فالحفله اللى عالصبح دى. .
قالتلى إنها قالتلها بس هى اعتذرت عشان تقريبا حبت تسيبنا على راحتنا فى تجهيز الخطوبة عشان مايبقاش الوضع فيه أى حرج. .
المهم. .
اتصلت ب عمى واتحايلت عليه إن هو اللى ينزل معايا انا ومروه و أريج عشان اشترى لبس للخطوبه. .و إنه يقنع بابا بكده. .
كنت عايزه أنقى براحتى واشترى حاجه حلوه. .وطبعا بابا ماكانش هيسيبنى براحتى. .
واصلا هو رفض إن جوز أريج هو اللى ينزل معانا. .
ووافق الحمد لله ونزلنا سوا .
وماما ومراة عمى وخالتى نزلوا مع اخويا واشتروا الحاجات بتاعة الخطوبه. .
واتفقوا على باقى الحاجات تيجى بكره. .
وبالليل قعدت انا ومروه نتفرج على العرايس الصغيره اللى اشتروها والشيكولاته والتول عشان ينفذوا فكرة طانط دى صاحبة مراة عمى. ..
الحاجات كان شكلها مبهج جدااا. .وأنا كنت متحمسه أوى للفكره دى. .
و اتفقنا إننا بكره نقعد نلفهم ونجهزهم. .
وقلت ل ماما تتصل ب حماتى تقولها تيجى تلفهم معانا 
وماما طبعا قالتلى مايصحش مامة العريس تيجى تجهز معانا. .بس انا و مراة عمى اقنعناها. .
وفعلا اتصلت بيها. 
وقالتلى إنها كانت مبسوطه اووى وإنها هتيجى بكره من بدرى تعمل معانا. .
وماما قالتلها انى انا اللى اقترحت كده. .
.....
وعمرو اتصل ولما مارضتش أرد عليه عشان الوقت متأخر. بعتلى رسايل يقولى إن مامته مبسوطه أوى. .وإنه هو مبسوط بيا أوى عشان فكرت في مامته .........
العنيدة قصة حقيقية بقلم سماح سماحه
تانى يوم اللى هو قبل الخطوبه بيوم صحيت بدرى وقلت أجهز نفسي من دلوقتى عشان الكل هيتجمع هنا عندنا بعد ما بابا ينزل الشغل على طول. .
وطبعا بما إن القعده كلها ستات بس ف انا هقعد من غير طرحه .
وحماتى هتبقي موجوده. .
فلازم بقي أجهز نفسي. .
اللبس والشعر وكده. .
هو أنا صحيح شعرى حلو بس قلت لازم بردوا اسشوره الانطباع الأول يدوم 
اخدت دش محترم وكلمت مروه تيجى تساعدنى فالسشوار لأن شعرى طويل شويتين تلاته وبيغلبنى وبياخد وقت. .
وفضلت أفكر هلبس ايه 
وفالاخر استقريت انى ألبس بنطلون جينز و عليه بلوفر قصير كده ومجسم حبتين. .لأن انا اصلا كان في خطه فدماغى واللبس ده هيساعد أوى ...
وخلصنا السشوار أخيرا وأنا رفعت شعرى ديل حصان طويل. .
وبدأت رحلة المعاناه مع مروه هانم. .
..
مش هقدر يا مرام خالص. ..مش هعرف انطقها اصلا والله 
اووووف. ..زهقتينى يا شيخه. .
كل الوقت والمجهود ده عشان اقنعك إنك تقومينى ارقص! !!!
أومال لو هقولك انت اللى ترقصي هتعملى ايه ! ! ! 
وإنت مالك بتقوليها عادى كده وكأنك بتتكلمى عن ساندوتش هعزمك عليه. .
إنت بتتكلمى فى رقص وقدام الناس كمان. .
ناس ايه. .دى حماتك نفسها هتبقي موجوده اصلا. .إنت نسيتى وللا إيه ! 
لأ طبعآ مانسيتش. .
اصلآ انا عامله كل ده عشان هى هتبقي موجوده. .
يا سلااااام. ..
طيب السشوار والميكب ماشي مفهومين. .لكن ممكن أفهم بقي لازمته ايه الرقص وقلة الأدب دى. .
قلة أدب ليه إن شاء الله 
كل الموجودين ستات يعنى مفيش قلة أدب ولا حاجه. .
. .....حتى لو. ..
بس على الأقل هتنكسفى منهم. ..
وللا انا نسيت صحيح انك بجحه اصلا وماتعرفيش حاجه عن الكسوف ..
بس بردوا ماتوصلش للرقص 
مروه ماتنرفزنيش. .نفذى اللى بقولهولك وخلاص. .
كل اللى هتعمليه انك هتقومى تقوليلى ارقص بمناسبة الخطوبه وكده . وطبعا يكون صوتك عالى ومسموع للكل مش تتكلمى وكأنك بتوشوشي نفسك يعنى. .
وأنا فالأول هعترض شويه كده .بس إنت تصممى وتتحايلى عليا. واصلا انا متأكده إن وقتها الكل بردوا هيقولى أقوم ارقص بعد ما يسمعوكى بتكلمينى. .وبس ومش عايزه منك حاجه تانى. .آه استنى نسيت. .تشغلى الاغانى. انا اصلا مجهزه فولدر عليه اللى انا عاوزاه. والكمبيوتر اصلا فالصاله برا. وأنا فتحته من شويه. يعنى يادوب هتشغلى الاغانى بس. .
فهمتى وللا نقول كمان 
..............لالا لا مش هقدر انا عارفه نفسي. .طيب ما تخلى شيرين بنت خالتك هى اللى تقوم بالواجب ده 
شيرين ڤضيحه يا مروه وانت عارفه. وحتى لو ماحكتش لحد عن طلبى ده.