لكم حريه التصديق فيها
لقيت ست عجوزه شكلها كبير اوووي واقفه جمب البوتجاز وبتدور في الاطباق والحلل اول لما شافتني بصت عليا ورجعت تاني تدور في الحلل
انا اتخرست حرفيا مقدرتش حتي اصړخ او اقري قران
وهي عدت من جمبي وغزتني بالعصايه في كتفي مشيت للصاله وبعد كده انا معرفش راحت فين
وقعت علي وشي. ومحسيتش بحاجه الا وجوزي بيفوقني ويقولي اصحي ايه اللي حصل وقعتي كده ليه
جابلي شويه ميه شربتهم ورجعت الاوضه ومتكلمتش معاه للصبح وقبل ما ينزل قلتله خدني معاك للمستشفي
لقيت حاله مامته اتحسنت وبقت كويسه
واول حاجه سالتني عنها قالتلي انتي غسلتي الاطباق بليل ليه
قلتلها انتي عرفتي منين
قالت. مش انا قلتلك متغسليش الاطباق بليل خالص وسبيها للصبح
قلتلها. انا شوفت ست كبيره وبتقلب في حلل واطباق المطبخ الست دي مين
قالت انا هاحكيلك يابنتي
اول لما اتجوزت في البيت ده كان بيت لسه جديد وانا اول واحده اسكن فيه
دخلت فيه عروسه وزي اي عروسه كنت فرحانه بنفسي وبطبيخي واتعودت اسيب الاطباق. للصبح
صحيت علي خربطه في المطبخ وبصيت لقيت واحده واقفه بتقلب في الحلل والطبيخ البايت
وقفت قصادها اتلجمت وقبل ما انطق قالت انا ساكنه هنا معاكي في نفس البيت. وعندي ولاد. بناكل باقي اكلكم
واختفت علي كده
سالت شيخ قال ان دي من عمار المكان وبتاكل من باقي اكلك فلو طبختي متغسليش الاطباق بليل خالص
ومن وقتها وانا بسيب الاطباق للصبح
انا سمعت كده منها. وحلفت انا ماهابات هناك تاني
وسالت بردوا قالولي ان دي من هوام الجن
ولعند دلوقتي مش مصدقه اللي شوفته 😳
قصه حقيقيه
