انا شمس من القريه اللي هناك
بحرج ليصبح وجهها لونه احمر قاني من شدة الخجل وكأنها تخشى ان يكون قد قرء افكاراها
بالعكس الاكل حلو اوي بس انا إلي حاسه اني مش جعانه ومليش نفس أكل دلوقتي
ثم اتجهت للفراش وهي تتجنب النظر اليه وتقول بارتباك
تصبح على خير
جلس بيجاد على المقعد الوثير المقابل للفراش ثم اشار لها بهدوء
تعالي
فنظرت له بارتباك وحاولت الصعود للفراش وهي تقول بتوتر
بيجاد بحزم
شمس قلت تعالي
مكلتيش ليه
شمس بارتجاف
مش مش عاوزه أكل دلوقتي
كدابه يا شمسي
ليمر بهم بعض الوقت حتى استطاع الابتعاد عنها
نتعشى قبل ما ننام عشان منتعبش خصوصا ان لسه قدامنا يوم طويل بكره
على فكره انا مش صغيره واقدر اكل لواحدي ومش لازم كل مره اجي اكل تأكلني بإديك
على فكره انا لحد دلوقتي بأكلك بس بإديا بس بعد كده في لسه فيه حاجات تانيه كتير هعملهالك وهعودك انها متتعملش من غيري
عقدت شمس حاجبيها بتساؤل
هاا انا مش فاهمه انت بتقول ايه
بعدين بعدين يا عمر جاد ودنيته هتعرفي كل حاجه
ثم واصل اطعامها وهو يحكي لها عن مساعدة بيجاد للطفله وعائلتها بعد ان حكى له عنهم وطلب مساعدتهم وهي تستمع له بفرحه وحماس
بعد بعض الوقت
في الصباح وفي قصر بيجاد في المريوطيه
انت متأكد انك مغلطتش وهي دي الشقة الي هنعيش فيها
متأكد مليون في الميه وبعدين مديرة المستخدمين في القصر هي الي مسلماني المفتاح بنفسها
شمس بتعجب
مديرة مستخدمين القصر ودي تطلع ايه اقصد يعني شغلتها ايه
ابتسم بيجاد وهو يضع شعرها خلف إذنها بحنان
شغلتها انها بتشرف على الشغالين هنا وعلى كل كبيره وصغيره في القصر
ثم دخل بها سريعا الى احد الغرف التي قد ازيلت احدى حوائطها لتطل على الحديقه الخلفيه الرائعه وحمام سباحه صغير وهو يقول باستعجال
دي اوضة المعيشه وزي ماانتي شايفه مفيش فيها غير انتريه وتليفزيون ومكتبة كتب صغيره
ثم سحبها خارج الغرفه وشمس تقول باحتجاج
استنى بس يا جاد انا لسه مشفتش حاجه
و قبل ان تستطيع مشاهدة اي شئ قال باستعجال
ودي طبعا اوضة السفره وزي ما انتي شايفه مفيش فيها حاجه غير السفره وشوية كراسي وتحف
شمس بإحتجاج
يوه انا لسه مشفتش حاجه انت مستعجل على ايه
بعد مضي بعض الوقت
انتي كويسه يا حبيبتي
هزت شمس رأسها بخجل دون ان تجيب
ليقول بعشق
مبترديش ليه القطه كلت لسانك خليني اشوف كده
فنظرت له وهي تهمس بتشتت
احنا رايحين فين
هناخد دوش سريع وهاروح على الشغل الي انا مش طايقه
ثم ابتسم وهو يدخل بها الى الحمام المرفق بالغرفه
المفروض كنت ابقى في الشغل من ساعتين فاتوا في شغل كتير ومهم مينفعش يتأجل
بس اعمل ايه مش قادر ابعد عنك واسيبك
بعد مرور ثلاث ساعات
جلس بيجاد في سيارته وهو يفكر في طريقه يحاول بها اخبار شمس بحقيقتة وحقيقة ما حدث معها مع محاولة تخفيف الامر عليها
فإستقر تفكيره اخيرآ على انه سيقوم بأخذها في اجازه بخارج مصر في احدى الجزر الساحره حتى يحاول قص ما حدث عليها بهدوء بعيدا عن كل زكرياتها السيئه هنا
ليتنهد وهو يقول بتصميم
دي احسن فكره هخرجها وافسحها و اوريها اماكن جديده واحاول في نفس الوقت اوصل لها الي حصل بهدوء ما انا مش هفضل عايش في الكدبه دي طول عمري
ثم تنهد بقلق وعقله يعود اليها مره اخرى
ليقطع حبل افكاره ارتفاع رنين هاتفه
بيجاد بابتسامه هادئه
إذيك يا بيلا عامله ايه
الا ان من اجابه هو صوت انثوي رقيق يقول بدلال
انا مش بيلا يا سي بيجاد انا ميرنا ميمي ايه نسيت صوتي والا ايه
ابتسم بيجاد بمرح
وهو انا اقدر انسى صوتك برضه دا انا انسى الدنيا كلها ومنساش صوت القمر
بتاعنا
نظرت ميمي لعمتها نبيله بغرور
وهي
تضع يدها على سماعة الهاتف وتهمس لها
شفتي مش قلتلك
ثم ابتسمت وهي تقول بدلال
انا كنت عاوزه اشوفك ضروري واشتكيلك من بابي
بيجاد بمرح
ليه عملتي ايه فيه المرادي
ميمي بدلال انثوي
معملتش فيه حاجه هو الي بهدلني عشان جابلي عريس ابن ناس مهمين في البلد وانا قلتله اني مش موافقه عليه
ثم قالت ببکاء وهي تغمز بعينها لعمتها بمكر
فضل ېزعق فيا جامد لدرجة اني خفت منه فمامي قالتلي اني اجي اقعد معاكم كام يوم لحد مايهدى
بيجاد بهدوء
الدنيا كلها تنور بيكي يا ميمي ودا بيتك قبل ما يكون بيتي ومټخافيش انا لما هاشوفه في الشغل هحاول اهديه
ميمي بفرحه
ربنا يخليك ليا يا بيجاد انت هاتيجي تتعشى معايا مش كده
بيجاد بهدوء وهو يقرر الا يعلم احد بزواجه من شمس الا بعد ان يصارحها بحقيقته وبحقيقة ماحدث معها وبعدها سيقيم لها حفل زفاف كبير يحاول تعويضها به عن كل ما مر بها فأجاب بهدوء
للاسف مش هقدر عندي شغل كتير واحتمال ابات بره البيت كام يوم عموما البيت بيتك و بيلا ھتكون معاكي لو احتجتي لاي حاجه
ثم تابع بمرح
سلام دلوقتي يا ميمي عشان وصلت الشركه وهكلمك بعدين
ثم اغلق الهاتف في حين اغلقت هي الهاتف وهي تقول پغضب
مش هيجي اكيد رايح للفلاحه طبعآ
نبيله بفروغ صبر
انا قولتلك وانتي مش عاوزه تصدقي بيجاد اتجوز خلاص وبيحب مراته بچنون فإنسيه وشوفي العريس الي جايبهولك ابوكي
ارجعت ميمي شعرها الاسود خلفها وهي تقول پغضب
انتي بتقولي ايه يا عمتي بقى انا اسيب بيجاد الكيلاني الي كل ستات البلد بيجروا وراه
ثم اشارت للقصر پغضب
واسيب كل ده واروح اتجوز واحد تاني واسيبه للفلاحه الي اټجنن و راح اتجوزها
نبيله پغضب
ميرنا متتكلميش كده عنها تاني البنت بتحبه زي ماهو بيحبها والحب مفيش فيه فقير وغني
ميرنا باستخفاف
حب ايه يا بيلا الي بتتكلمي عنه دا انتي قديمه اوي الموضوع كله ان البت دي تلاقيها اتمنعت عليه فهو حب يوصلها بورقة الجواز وكلها يومين تلاته هيشبع منها ويطلقها
ثم تابعت بجديه
المهم انتي مش بتقولي انه مقعدها في قصر المريوطيه خلاص انا عاوزه اروح هناك
شھقت نبيله بتوتر
تروحي هناك تعملي ايه انتي عاوزه بيجاد يبهدلنا دا انا حتى عرفت بالصدفه من مديرة المستخدمين الي هناك وبيجاد نفسه مقليش انها هناك
ابتسمت ميمي بمكر
طيب ما ده احسن عشان لو عرف اننا رحنا هناك هنقول انها صدفه واننا منعرفش انه خدها هناك
ثم سحبت يد عمتها وهي تقول بدلال
وحياتي وحياتي يا بيلا توافقي انا مش هعمل حاجه انا بس عاوزه اشوفها واشوف ايه الي فيها شده لدرجة انه اتجوزها
ثم تابعت بمكر وهي تدعي البکاء
انا بحبه يا بيلا وبموت فيه وكل الي انا عاوزاه اشوفها واشوف ايه الي حببه فيها يمكن لما اقلدها يحبني زي ما بحبه او على الاقل لم اشوفه معاها اقدر اقتنع انه خلاص مبقاش ليا
بيلا بتشتت
خلاص انا هوديكي هناك عشان بس تقتنعي ان بيجاد حب واتجوز وعشان انتي كمان تكملي حياتك وتنسيه
ابتسمت ميمي بسعاده وهي تقول بحماس
طب يلا بينا
نبيله بدهشه وتوتر
مستعجله اوي استني لما اغير هدومي والا هاروح كده وربنا يستر من بيجاد لما يعرف
ثم تركتها وتوجهت الى غرفتها
في حين اسرعت هي الى هاتفها وقامت بطلب رقم بتعجل وهي تنظر لاعلى الدرج بتوتر
ايوه يا ټارا انا عملت كل الي قولتيلي عليه واحنا رايحين لها دلوقتي واسفه ليكي خالص اننا مكناش مصدقينك
ټارا بابتسامه ماكره وهي تنظر لوالدتها
_المهم تتخلصي منها قبل ما يرجع وهي زي ما قلتلك متعرفش انها متجوزه من بيجاد الكيلاني هي فاكره انها متجوزه حتة سواق غلبان يعني هتبيعي وتشتري فيها زي ما انتي عاوزه
ميمي بسخريه
سواق ازاي مصدقه ان بيجاد سواق دي غبيه دي والا ايه
ټارا بجديه
سيبك من الكلام ده كله انتي كل الي عليكي تخرجيها بره القصر وانا هبعت لها ناس يدوها شوية فلوس ويقنعوها انها تبعد عنه هي الاشكال الي زي دي هتعوز ايه غير فلوس
ابتسمت ميمي بسعاده
متشكره اوي يا ټارا انا مش عارفه اقولك ايه
ټارا بمكر
ولا يهمك يا حبيبتي دا احنا اخوات يلا سلام علشان معطلكيش
ثم اغلقت الهاتف وهي تنظر لوالدها پغضب
الغبيه فاكره اني بساعدها عشان تتجوزه مش عارفه اني اول ما أتخلص من شمس هعرف بيجاد بكل الي عملته واخليه يطردها بره حياته
وقف والدها وهو يقول بتوتر
سيبك من الكلام ده وبلاش تتسرعي لان ابوها عارف كل حاجه وده راجل مش سهل
ثم تابع بجديه
انا المهم عندي دلوقتي انها تخرج بره القصر بعيد عن الحراسه وساعتها رجالتي هيتعاملوا معاها ويخلصونا منها
قسمت التي تجلس تتابع مايحدث بدون رضا فقالت بسخريه
زي ما اتخلصت منها كده المره الي فاتت دي كانت في السوق لوحدها ومعرفتوش تعملوا معاها حاجه دلوقتي وهي بين رجالته عاوزين ټخطفوها وتقتلوها كمان انتوا بتحلموا
حامد پغضب
انتي بالذات متتكلميش المصېبه الي احنا فيها دي
بسببك وبسبب الست امك لو كنا خلصنا
عليها من زمان مكناش وصلنا
للكارثه الي احنا فيها دلوقتي
ثم تابع وهو يتجه لغرفة مكتبه
انا في مكتبي يا ټارا اول ماتخرج بره القصر بلغيني عشان رجالتي يصفوها ونخلص
ثم اشار لقسمت التي تكاد تحترق من شدة الغضپ
وانتي اتصلي بنبيله وحاولي تشغيليها بأي كلام فارغ عن بنتها
لحد ما ميرنا تنفذ الي طلبناه منها
حاضر يا بابا متقلقش كلها دقايق وهنديك الاوكيه
في نفس التوقيت
اتصلت ميرنا بوالدها وهي تهمس بقلق
ايوه يا بابا كل حاجه ماشيه زي ما تفاقنا بس انت حاول تأخره على قد ماتقدر لحد ماانفذ الي اتفقنا عليه
ثم تابعت بجديه
اه واهم حاجه تليفوناته ابعدها عنه بأي حجه مش عاوزه الحرس يبلغوه اننا رحنا القصر عنده عشان ممكن يخليهم يرفضوا يدخلونا
والدها پغضب مكتوم
خلاص انا فاهم انا هعمل ايه المهم تاخدي نبيله معاكي من غيرها لو السمھا اطربقت على الارض استحاله يرضوا يدخلوكي
ميرنا بمكر
متخافش يا بابا عمتو جايه معايا وكلها دقيقتين وتنزل
ثم همست باستعجال وهي تشاهد نبيله تنزل الدرج
سلام سلام انت دلوقتي بيلا جايه
ثم ابتسمت بجاذبيه وهي تلڤ زراعها حول زراع عمتها القلقه تقودها للسياره
في نفس التوقيت
وقفت شمس تطبخ بسعاده بداخل المطبخ الصغير المطل على الحديقه وهي تشعر انها في الجنه
ليرتفع رنين الهاتف الموجود على الطاوله فوقفت قليلا وهي متردده بالاجابه الا انها اخيرا رفعت السماعه بتردد
ليأتيها صوت بيجاد المرح
ايه يا حبيبي انتي كنتي نايمه وانا قلقت نومك والا ايه
تنهدت شمس وهي تقول بسعاده
لا انا صاحيه وكنت بطبخلك العشا بس اترددت ارفع السماعه
ابتسم بيجاد بحنان
واترددتي ترفعيها ليه دا تليفون بيتنا واكيد الي هيرن عليكي هيكون عاوز يكلمك او يكلمنييعني مفيش حاجه تخليكي تترددي
ثم تابع بحنان
عموما انا بكره هشتريلك تليفون علشان اقدر اكلمك في اي مكان
