((البت اللي هتحمل مكان الست هانم وصلت))

ع م ا د قالت اسمه بصوت متقطع من الشهقه وعماد كان مش عارف يعمل ايه معاها بعدها عنه وهوا بيرجع شعرها لورا وبيقول طيب انا لازم امشي علشان اقفل المحضر دا واوعدك اني هرجع تاني بس متعيطيش بق!
نسمه اخدت نفسها وهيا بصاله وقالت هستناك والله بس اوعي تضحك عليا 
عماد ابتسم وهو بيمسك ايديها ويحطها علي قلبه وبيقول وغلاوتك هنا هرجعلك! 
نسمه ابتسمت وهزت راسها لانها حست بنبضة وهوا وقف وهو بيقول روحي اغسلي وشك وارجعي للبنات واسمعي الكلام اللي انا قولتهولك وكلي كويس ونامي كويس ومتطلعيش وانتي بالبيچاما تاني
قامت بسرعه تبص عليه من الشباك وهو قبل ما يمشي غمزلها وابتسم!! 
وفي اوضة يونس دخلت روح وهيا بتمشي علي طراطيف صوابعها لحدما وصلت للسرير بتاعه فضلت تبص علي ملامحه الي سحرت قلبها ووقعتها في عشقه وهيا مبتسمه 
اما يونس كان حاسس بوجودها و بكل حركاتها واول ما حطت ايديها علي شفايفه حس بنبضة 
روح غمضت عينيها
يونس ابتسم علي حركاتها الشقيه ورجع فرض ضهره علي السرير وهو بيقول بتعب ااه يا ضهري 
في فيلا مراد الشافعي وبالتحديد في غرفة نورين كانت واقفه وجمبها انتصار والدة مراد وهما الاتنين مستغربين حالتها لانها فجأة بدأت تستفرغ بطريقه غريبه! 
انتصار مدت ايديها باختبار الحمل وهيا بتقول جربي المره دي يا نورين انا شكه ان دا حمل مش مجرد برد في المعده! 
نورين اخدت نفسها وهيا بتهز راسها وبتاخد منها الاختبار ودخلت للحمام وبعد دقايق خرجت وهيا ماسكه الاختبار اللي فيه شرطتين باللون الاحمر وبتقول ماما شوفي كده ! 
انتصار اخدت منها الاختبار واول مشافت الشرطتين زغردت من الفرحه وهيا بتقول حمل يا نورين حمل الف مبروك يا روح قلبي تعالي في حضڼي 
نورين مكانتش مستوعبه انها حامل فعلا بعد كل السنين دي قربت من انتصار وحضنتها بفرحه وقالت دي معجزه يا ماما الحمدلله يارب! 
انتصلر ابتسمت بفرحه وقالت احنا لازم نعرف باباكي ومراد دول هيفرحوا اوي ! 
نورين هزت راسها وقالت وهو فين مراد! 
انتصار بصتلها وقالت بتفكير هو عند عبير بيقول انها تعبانه من الصبح!! 
نورين هزت راسها وقالت خلاص ياماما عرفي انتي بابا وسيبيلي مراد انا هعرفه بطريقتي!!! 
انتصار هزت راسها وخرجت من اوضة نورين وهيا طايره من الفرحه واول ما شافت جوزها قالت بفرحه نورين حامل ! 
نصار بفرحه بجد يا انتصار ! 
انتصار هزت راسها وقالت الحمدلله يا نصار دي معجزه 
نصار هز راسه وقالت صبرت ونالت ربنا بيعوض فعلا يا انتصار بس هو مراد عرف! 
انتصار هزت راسها بالرفض وقالت لا لسا بس نورين قالتلي مقولوش حاجه وانها هتعرفه ببنفسها!! 
نصار ابتسم وقال ربنا يهديك يا مراد يبني ويجعلك اب صالح ! 
انتصار ردت من قلبها وقالت اللهم امين يارب العالمين ! 
نصار مسك ايد انتصار وقال هتبقي جدة يا انتصار ! قالها بضحك 
فانتصار ردت عليه وقالت منت هتكون جد انت كمان! 
نصار ابتسم وهو بيقول وفرحه في نفس الوقت وقال بتقولي حمل! 
عبير قالت مش متاكده بس اعتقد اه! 
مراد قرب منها وحضنها وقال عارفه يا عبير لو طلعتي حامل بجد انا هكون اسعد انسان في الكون! 
عبير ابتسمت وقالت ان شاء الله هيكون حمل وهتبق اب يا مراد! 
مراد ابتسم وهو بيقول طيب خليكي هنا وارتاحي وانا هروح اوضة نورين اجيب من عندها اختبار حمل علشان نتاكد برضوا! 
بقلمي شيماء صبحي 
عبير هزت راسها ومراد خرج من اوضتها وراح اوضة نورين اللي في وشها واول ما دخل كانت نورين واقفه قدام المرايه وهيا بتبص علي بطنها ومبتسمه! 
مراد قرب من الادراج وقال نورين فين اختبارات الحمل اللي كانت هنا! 
نورين بصتله باستغراب وقالت ليه بتسأل عليهم يا مراد! 
مراد بصلها وقال مفيش بس عبير حاسه انها حامل وعايزين نتاكد! 
نورين هزت راسها بحزن وقربت من درج تاني وطلعت منه اختبار وهيا بتقول مش عايز تعرف خبر يفرحك يا مراد! 
مراد بصلها بانتباه وقال خبر ايه يا نورين قوليلي!
نورين قربت من مراد ومسكت ايديه وقال وهما بيبصوا للمرايه شايف بطني دي يا مراد! 
مراد هز راسه وهو بيبص لبطنها وبيقول مالها انا حاسس كده ان بق ليكي كرش صح! 
نورين بصتله پصدمه وقالت كرش يا مراد هو دا اللي لفت نظرك 
مراد بص تاني لبطنها وقال مهوا دا اللي باين يا نورين اعمل ايه 
نورين مسكت اختبار الحمل اللي كان معاها وحطته في ايد مراد وقالت اتفضل! 
ادتهوله وقعدت علي السرير بحزن ومراد اول ما فتح ايديه وشاف الاختبار بصلها پصدمه وهو بيقول انتي حامل 
نورين هزت راسها وهيا بتدمع وبتقول انا عمري مكان ليا كرش
يا مراد ! 
مراد ابتسم بفرحه وهو بيقرب منها وبيقول انا اسف متعيطيش بس انا فكرتك بتاخدي رأي في شكلها ! 
نورين فضلت ټعيط وهوا وقفها قدامه وبص في عيونها وقال انا مش مصدق بجد يا نورين دا اكيد حلم! 
نورين هزت راسها وقالت لا دا حقيقه مش حلم انا فعلا حامل!
مراد بعدها عن حضنه وبصلها بحزن وقال والبيبي دا يا نورين مش لازم يتربي في وسط باباه ومامته 
نورين ابتسمت وهيا بتقول انا عارفه الكلام دا كويس بس صدقني مش قادره استحمل انك معاها وانا عارفه انك حبيتها ويمكن اكتر مني كمان ولاكن صدقني حاولت كتير بس مش قادره اتقبل وجودها !!
مراد
اټصدم من كلامها وقال نورين متقوليش الكلام دا تاني انا بحبك زيها بالظبط ويمكن انتي اكتر كمان احنا اللي بينا مش سنه ولا اتنين دول عشرة يا نورين! 
نورين ابتسمت وهيا بتحط ايديها علي بطنها وبتقول البيبي هيشوفك وهيبق عارف انك باباه وانا عايزاك تعتبر انك مطلقتنيش كل
الحاكايه اني هكون في بيت تاني وبس وان شاء الله اما البيبي يتولد هيجي هنا وانا اللي هجيبه بنفسي وانت هتيجي عادي بس انا خلاص يا مراد مش عايزه
افضل علي ذمتك تاني لو سمحت طلقني 
مراد بصلها بحزن وهز راسه وقال خلاص يا نورين انا بحترم قرارك وانا عارف وواثق انك ام قد المسؤليه وهتكوني ونعم الام لابني وانا موافق اطلقك يا نورين انتي طالق بالتلاتة 
في اوضة عبير كانت قاعده مستنياه واول ما مراد دخل للاوضه كان باين عليه الحزن عبير قربت منه وهيا بتقول مراد حبيبي انت كويس! 
مراد بصلها ومد ايده بالاختبار وقال خدي يا عبير دا اختبار الحمل بتعرفي تستخدميه! 
عبير هزت راسها بلا ومراد شرحلها ازاي تستخدمه وهيا هزت راسها ودخلت للحمام وبعد دقايق خرجت وهيا بتقول طلع شرطتين يا مراد دا معناه ايه! 
مراد ابتسم وهو بيقول معناه انك حامل يا عبير 
يتبع بقلمي شيماء صبحي 
نوڤيلاجعلتني أقوي
بقلم
Shimaa sobhy 
الخاتمة
نوڤيلاجعلتني أقوي
بقلم شيماء صبحي
اتجه عماد لدار الايتام بعد مرور اسبوع كامل علي انتهاء مهمته فيها 
كانت الدكتورة سمر في عنبر البنات الكبار وكانت معاها المساعدين وكانو بيلبسوا البنات فساتين لانهم هيتجوزو النهاردة علي سنة الله ورسوله ! 
كانت نسمه بتبص للبنات اللي كانوا فرحانين وهما بيلبسوا الفساتين بحزن كبير لانها مشتاقه ل عماد اللي وعدها انه هيجي تاني يزورها ولاكن عدي اسبوع ومفيش منه اي خبر 
واحدة من المساعدين قربت من نسمه وهيا بتقول يلا يا نسمه علشان تلبسي الفستان وتحطي الميك اب!! 
نسمه هزت راسها بحزن وقامت غيرت هدومها ورجعت تاني وبدات المساعده تلبسها الفستان!! 
وبدات المساعده التانيه تحطلها المكياچ وبعد مرور دقايق كانو البنات كلهم جاهزين!! 
الدكتوره سمر طلبت من كل بنت تطلع بطاقتها الشخصيه البنات نفذوا كلامها وبعدما الدكتوره نزلت فضلوا البنات واقفين مع المساعدين وهما مستنين امر المديره في نزولهم
دخلت الدكتوره لمكتبها ولقت عماد موجود!! 
عماد بابتسامه ازاي حضرتك يا دكتوره ! 
الدكتوره سمر ردت عليه بابتسامه وقالت الله يسلمك يا حضرت الظابط نورت الدار كلها! 
عماد ابتسم وقال الدار منوره بالناس الجميله اللي فيها! 
الدكتوره سمر ابتسمت وطلبت من عماد يقعد وقالت والله يا حضرت الظابط انت جيت في وقتك اصل انا جبت للبنات عرسان ومستنيه المأزون بس يوصل علشان نبدأ كتب الكتاب ! 
عماد بصلها باستغراب وقال بالسرعه دي!! 
الدكتوره هزت راسها وهيا بتعدل البطايق بتاعة البنات وبتقول البنات كبرت ولازم يتجوزوا وانا لمعرفتي الكبيره قدرت الاقي شباب مناسبه ليهم وهما حاليا في الطريق مع المأزون وطبعا لان حضرتك هنا فممكن تقدملهم خدمة وتكون الواصي عليهم ! 
عماد كان مصډوم من كلامها ولاكنه هز راسه وقال كل البنات هتتجوز 
الدكتوره ابتسمت وهزت راسها وهوا قال طيب انا هروح اسلم علي الاطفال واول ما الجماعه توصل هكون جيت!!
الدكتوره هزت راسها وعماد خرج من مكتبها وهو حاسس بقبضة قويه في قلبه !! 
اتحرك عماد عند الاطفال وسلم عليهم وهو عيونه علي المبني اللي هتخرج منه البنات عايز يتأكد لو نسمه هتكون معاهم 
عدي دقايق ووصلوا الشباب والمأزون وكانت المديره مجهزه في الحوش كراسي وحفلة صغيره كانو ١١ شاب والمأزون والمديرة والمساعدين وفي الوقت دا خرجوا البنات مع المساعده اللي كانت بتساعدهم يجهزوا وهما مبتسمين !! 
عماد كان واقف جمب المديره والشباب كانو قاعدين واول مشافوا البنات وقفوا وهما مبهورين بجمالهم!! 
المديره ابتسمت للبنات وطلبت منهم يقفوا جمبها واول ما عماد شاف نسمه وهيا لابسه الفستان اټصدم وقرب منها وهو بيقول ايه اللي انتي لبساه دا 
نسمه استغربت طريقته معاها في الكلام فقالت بحزن دا فستان علشان هتجوز!! 
عماد ضغط علي ايديه پغضب وبص للمديره وهيا كانت بتشاورله علشان يبدأو كتب الكتاب!! 
نسمه شدت ايديها من ايد عماد ووقفت جمب اخواتها البنات وبدأ المأزون يكتب الكتاب لاول بنت بعدما اختارت العريس والعريس كان موافق بيها وكان عماد الواصي عليها هو والمديره وبعد ما كتبوا كتاب ال١١ بنت فضلت نسمة واقفه لانها كانت اخر واحده!! 
المديره بصتلها پصدمه وهيا بتقول فين عريسك! 
نسمه بصت حواليها وهي مش فاهمه حاجه لحدما واحد من الشباب قال عريسها تعب في الطريق واتضر يرجع تاني ! 
الدكتوره بصتلها بحزن وقالت معلشي يا حبيبتي ممكن ناجل كتب كتابك ليوم تاني!! 
عماد في الوقت دا وقف وهو بيبص للمديره وبيقول لا مش هنأجل حاجه انا عايز اتجوز نسمه!! 
عماد بص لنسمه بصه سريعه ورجع بص للمديره وقال انا هتجوزها واوعدك اني هيشيلها جوه عيوني ! 
المديرة بصت لنسمه وهيا بتقول اي رأيك في كلام حضرت الظابط يا نسمه! 
نسمه بصت في الارض بخجل والبنات كانو باصين عليها وبيقولوا مع بعض وافقي وافقي وافقي !!
نسمه بصت لعماد بخجل كبير وهزت راسها وهوا ابتسم وهوا بياخد نفسه وبيقول الحمدلله يا رب!! 
الدكتوره بصت للمأزون وقالت اكتب الكتاب يا حضرت المأزون!! 
المأزون ابتسم وبدأ يكتب كتاب عماد ونسمه وكان وكيلها شاب من اللي واقفين والمديره وبعد دقايق تم عقد الزواج بين نسمه وعماد!! 
الدكتوره بدات تزغرط هيا والمساعدين وهما