((انا هتجوز))

سكريبتبقلم سولييه نصار 
انا هتجوز 
قولتها وانا مبتسم للبيدة 
بصتلي هي بحيرة وقالت بإبتسامتها الحلوة
اكيد يا عصام هنتجوز...ده فرحنا بعد اسبوعين...
ضحكت بتريقة وكنت حاسس بالانتصار اووي وقولت
بتحبيني يا لبيدة 
وشها احمر وارتبكت وقالت بكسوفها المعتاد
ايوة بحبك اووي انت عوضتني عن حاجات كتيرة ...بقيت حياتي خلاص...

الانتصار زاد جوايا...شيطاني كان منتشي لما اتاكدت انها وقعت فيا خلاص...اني قدرت اجيبها الأرض ودلوقتي روحها في ايدي أنا...كنت فرحان اوووي ان لبيدة اللي رفضتني كتير دلوقتي بتحبني اكتر من حياتها...
بصتلها بإبتسامة قلقتها فقالت
مالك يا عصام فيه حاجة انت غريب النهاردة ليه!!
ضحكت وقولت
انتي ذلتيني عشان تبقي معايا...
بصتلي بحيرة فكملت وانا بضحك..
بس أنا دلوقتي اللي هذلك يا لبيدة 
بهت وشها وهي بتقول
عصام فيه ايه انت بتخوفني...
ابتسمت وقومت وانا بقول
انا فعلا هتجوز...بس واحدة غيرك....
قامت لبيدة وهي بتبصلي پصدمة وقالت
انت بتتكلم جد...مالك يا عصام أنا عملت ايه...
وحاولت تمسك دراعي بس زقيتها پعنف وقولت
انتي فاكرة اني هتجوز واحدة زيك...
بصيت حواليا لبيتهم المتواضع وقولت
عايزاني اتجوز واحدة في مستواكي فوقي يا ماما انني كنتي مجرد تسلية...
كانت واقفة مذهولة...الدموع بدأت تتصاعد لعينيها وهي متجمدة مكانها بتفكر هي عملت ايه عشان أعمل فيها كتير...بس هي كانت لازم تتعاقب علي اللي عملته معايا...لازم تعرف اني مبسيبش حقي وان ده كان هيحصل....
فجأة والدتها جات ولقيتها واقفة كده...
مالكم يا ولاد اټخانقتوا ولا ايه !
سألت امها لما لقيتها واقفة كده ودموعها بتنزل....بصيت ليها بإبتسامة وقولت
لا يا حماتي كنت بقول لبنتك كل شئ قسمة ونصيب أنا مش عاوزها خلاص...
قربت امها مني ومسكت ايدي وهي بتزعق
وجاي تتكلم قبل الفرح بأسبوعين!!!عايز تشوه سمعة بنتي...
بعدتها عني وقولت
بصراحة كده يا حماتي نسبكم ميشرفش..
وبعدين جهزت عشان امشي وبصتلها وقولت
احتفظي بالشبكة والهدايا مش عاوزها اعتبريهم تعويض ليكي...
وبعدين مشيت وانا حاسس بالانتصار....
......
بعد ما مشي...قعدت لبيدة علي الانترية وهي بټعيط...كانت مذهولة...ازاي اللي حبته يعمل كده فيها...ازاي يكسرها...هي اعتبرته كل حاجة في حياتها...افتكرته هيعوضها عن غياب ابوها بس طلع أسوأ منه....جريت عليها امها وحضنتها وهي بتقول
قوليلي فيه ايه يا بنتي...احكيلي..
معرفش يا ماما...معرفش ليه عمل كده ...أنا معملتلهوش حاجة...
طيب اهدي استني يومين وشوفي ماله عشان يكون لينا وقفة معاه واتصل بأبوكي يجي يقف في وشه...
هزت لبيدة راسها وقالت
لا يا ماما الراجل اللي رمانا ومسالش فينا مش من حقه يتدخل دلوقتي...أنا هكلمه واديله حاجته !!
......
كنت قاعد في الكافية وانا مبسوط اووي اني قدرت اكسرها واذلها....لبيدة كانت معايا في هندسة ديكور...أنا كنت دنجوان الجامعة اللي محدش يقدر يرفضه...كنت مصاحب بنات قد عدد راسي ومفيش بنت في قسمي رفضتني...الوحيدة اللي رفضتني هي لبيدة...أول ما دخلت الكلية عرفت انها مختلفة...لبسها واسع وحجابها طويل...وشها كان صافي وكانت في حالها انجذبت ليها...حاولت كتير أقرب منها لكن كانت بتصدني...ولأول مرة ادوق احساس الرفض وكان احساس بشع اووي...كنت متغاظ منها ان واحدة زيها ترفضني فقررت ادخل من السكة اللي متقدرش ترفضني بيها....اقنعتها بالحب واتقدمتلها...قعدنا مع بعض ست الشهور...اديتها اهتمام لحد ما علقتها بيا وجه الوقت عشان اكسرها لانها تجرأت ورفضتني.....
عينيا لمعت وانا شايف سهيلة بتدخل...اهي هي دي اللي هتدمر لبيدة نهائي...
قومت وسلمت عليها فابتسمت هي وقالت
بقالك اسبوع مطنشني يا عم...اختي واخداك مني...
ضحكت وقولت
كلمة اختي مش لايقة عليكي...أنا عارف قد ايه پتكرهي لبيدة لانها بنت ضرة امك...
بكرهها كلمة قليلة 
قالتها سهيلة پحقد فابتسمت وقولت
ولو قولت هكسرها وتساعديني ايه رايك...
لمعت عينيها. قالت
ازاي قولي 
تتجوزيني...وهنعمل الفرح بعد اسبوعين!!
يتبع
الجزء التانيبقلم سولييه نصار
ممكن بابا ميوافقش
قالتها سهيلة بتوتر...ابتسمت بإنتصار...هي وافقت والمشكلة في ابوها ودي مشكلة محلولة بسبب سلبية ابوها مع امها...
بس امك هتوافق جدا خصوصا انها پتكره لبيدة وامها وانتي عارفة ابوكي من وقت غلطته وانه اتجوز عليها بقا سلبي معاها وهي بقت المتحكمة في كل حاجة....
بصتله سهيلة وقالت
انت عبقري علي فكرة....
طول عمري 
قولتها بغرور فضحكت وقالت
طيب ممكن اسألك سؤال 
اتفضلي
قولتها بسرعة...بصتلي بحيرة وقالت
انت ليه بتعمل فيها كده !!
رفعت حواجبي وقولت
ايه..صعبت عليكي 
هزت راسها بالنفي وقالت
لا طبعا انا بكرهها بس مستغربة يعني أنا ليا مبرر اني اكرهها...في الاول والاخر هي بنت الست اللي اخدت مننا بابا ولولا ان امي ست قوية وقدرت ترجعه وتمشيه علي مزاجها مكانش هيبقي معانا...أنا اتربيت من صغري اكره كريمة وبنتها...أنا اتربيت من صغري اكرههم وكنت مستنية أي فرصة اقهر كريمة زي ما قهرت امي...عشان كده وافقت علي كلامك...اني اتجوزك عشان اكسرها...بس حقيقي مش فاهمة انت بتكرهها ليه...يعني هي اذتك في ايه...واضح جدا انها بتحبك....لبيدة رفضت كتير جولها ومسمحتش لحد يقرب لها غيرك....فليه بتعمل كده!!
الكلام ده فرحني اوووي...خلي قلبي يدق بإنتصار...البنت اللي رفضتني قبل كده بټموت فيا دلوقتي وانا قدرت اعاقبها واكسرها...حسيت غروري رضي اوووي والحړقة اللي في قلبي خفت شوية....بصيت لسهيلة وقولت
عشان اتحدتني...اتكبرت عليا ورفضت ترتبط بيا وانا اللي يرفضني ويحسسني اني قليل اكسره وانا كسرتها ولسه هكسرها اكتر...ها قولتي ايه...كلمي مامتك وزني عليها...وهي هتوافق علطول عشان پتكره كريمة وبنتها وابوكي موضوعه سهل...وانا فيه حاجة كده ناوية اعملها...
تمام يا بيبي هكلمها النهاردة واتصل بيك...
وبعدين قامت ومشيت...غمضت عينيا وجزء بسيط جوايا متضايق وبيقولي اني هندم بس أنا تجاهلته...هي السبب مكانش لازم تقلل مني...هي اصلا كانت تطول ترتبط بيا أنا !!
......
بعد ساعات...
ضحكت سميرة وهي بتحضن سهيلة وقالت
طبعا موافقة يا روحي....ياااه يا سهيلة كبرتي وهتاخدي حق امك...ياااه أنا استنيت الفرصة دي من كتير اوووي...أخيرا هنتقم من اللي لفت علي جوزي واخدته مني....
دخل فجأة ابوها وقال
فيه ايه !!
ابتسمت سميرة وقالت
سهيلة جاي ليها عريس...
ومكلمنيش أنا ليه...
رفعت حواجبها وقالت
كلمني أنا..ايه مش كفاية وهيجي بعد يومين بإذن الله عندك مانع يا كارم..
هز هو راسه وقال بسلبية
طبعا لا يا حبيبتي...
........
بعد يومين 
كنت قاعد في بيتي بحضر نفسي عشان اتقدم لسهيلة...كنت ناوي اوافق علي كل حاجة يطلبوها...أنا مبحبش سهيلة ابدا بس عشان اكسر لبيدة مستعد أعمل أي حاجة...
...
فجأة جات سالي الخدامة وهي بتقولي ان لبيدة تحت مستنياني...قلبي دق بحماس وانا بفكر ان دي فرصة ليا...أكيد هي جاية تترجاني اني ارجعلها....نزلت بسرعة ولقيتها قاعدة بتفرك ايديها بتوتر وجمبها اكياس كبيرة...
نورتي البيت يا لبيدة 
قولتها بصوت سعيد...
بصتلي...وشها كان جامد بشكل صدمني...كنت متوقعة انها مڼهارة بس مش مشكلة أكيد دلوقتي هتنهار...
قامت وهي بتقولي
منور بيك يا عصام...
جاية ليه...
شاورت هي علي الاكياس وقالت
دي الشبكة والهدايا اللي جبتهالي كلها اظن أن خطيبتك الجديدة أولي بيها...بس فيه سلسلة منهم وقعت مني ...هجمع فلوسها واديهالك ...
بصتلها بغيظ...هي ايه لوح تلج !!بس أنا هوريها..
بس أنا عايز السلسلة دلوقتي...أنا ايش ضمني انها ضاعت وانتي مطمعتيش فيها..
بصتلي ببرود وقالت
انت مچنون صح اطمع فيها ليه وانت قولت ان الشبكة كلها ليا ومش عاوزها انا جيبتهالك لانها حقك وانا مش عايزاها...
مليش دعوة عايز السلسلة 
هجيبهالك حاضر...
لا دلوقتي يا لبيدة..
بصتلي پصدمة فقولت بخبث
لو مش هتقدري تجبيها أنا هسامحك بس بشرط 
ايه 
انك تشرفي علي تجهيزات الفرح بتاعتي بإختصار تكوني مصممة الحفلة اللي هعملها عشان فرحي بما أنك مهندسة ديكور!!!
يتبع...
الجزء التالت بقلم سولييه نصار
انت بتقول ايه !!
قالتها پصدمة...هزيت راسي وقولت
ده قراري...السلسلة غالية وده حقي !!!
الجمود اللي كان مسيطر علي وشها اختفي وهي بتبصلي پصدمة