روايه عد لي بقلم هنا محمد

اسكريبت كامل
عد لي 
كفاية اللي انت بتعمله ده
يعني كنت عايزاني اسكت لما الاقيه بيبصلك بنظرات مش كويسة
لا ازاي تقوم تضربه
يستاهل عشان يبقى يغض بصره كويس
انت ازاي انسان همجي كده
معلش
لا بقولك ايه متبقاش عصبي معاه وتبقى بارد زي الفريزر معايا! انت عارف احنا واقفين فين بسببك
القسم
لا وبتقولها كإنك متعود عليه ليكون ده بيتك وانا معرفش

عايزة ايه
مش عايزة حاجة من خلقتك انا مش هقعد مع انسان عصبي بالطريقة دي وكمان مش كفاية اني متحملة تحكماتك في كل حاجة بعملها
امم وايه كمان في حاجة تانية من جواكي ناحيتي عايزة تقوليها
ايوا.. لو مش هتبطل تحكماتك دي يبقى متعرفنيش تاني
هي غيرتي عليكي بقت تحكمات ثم ده حقي يا استاذة انت خطيبتي وكمان شهرين وهنتجوز
كان ده قبل ما افركشها
يعني ايه
يعني اللي عندي قولته
خلاص يا رغد انا اسف هحاول اقلل غيرتي عليكي
طب وبالنسبة للراجل اللي وشه بقى مش باين بسببك
غمض عينه وفتحها وبصلي پغضب وانا اترعشت من نظرته بس حاولت ابقى جامدة ومفيش مني اتنين وقولت على فكرة مش هتخوفني ببصة البومة دي
انا بومة!
ايوا.. وانا مش بحب البومات ف ابعد عني
وبعدت عنه بالفعل ومشيت في عز صډمته وهو جري ناحيتي ووقف قدامي وقال رغد انا والله ما هتحملك كتير
احلف! يعني انت اللي غلطان وكمان بتبجح
ايوا صعبان عليكي الراجل اللي كان بيبصلك بطريقة وحشة يختي اۏلعي انت وهو
وهتولع انت الاول ان شاءلله
يارب صبرني.. مش هتروحي لوحدك هوصلك
ابعد عني يا هاشم!! مش عايزة اعرفك تاني
خلاص انا اسف والله هقلل عصبية وغيرة اي اوامر تانية
بتتريق ابعد عني بقولك مش طايقة اشوفك كفاية ان انت فضحتني عند صحابي ودخلتني قسم انا ادخل قسم بسببك
لا بسبب غبائك بعدين مش قولتلك متلبسيش اللبس ده
هو الغلط عليا ولا هو اللي كان مفروض يغض بصره
لا بقولك ايه متعمليش نفسك دور المرأة الحديدية وانك بتدافعي عن حقوق المرأة.. قولتلك متلبسيهوش ولا لا
قولت ايه اللي حصل يعني
ومبتسمعيش كلامي ليه
ملكش دعوة يا هاشم!
مليش دعوة فعلا يا رغد اعملي اللي انت عايزاه مش هتدخل
يعني مش هتغير عليا تاني
لا لأني ابقى حمار لو بقيت في حياتك ثانية واحدة
انا اللي مش عايزة ابقى معاك تعرف انا بكرهك اصلا ابعد عني مخاصماك
كان الكلام من ورا قلبي طبعا ومشيت وسيبته وركبت تاكسي وروحت البيت وانا متعصبة جدا.. دايما احنا ناقر ونقير پنتخانق ونرجع نتصالح تاني عشان كده انا واثقة انه هيكلمني بليل ونرجع نتصالح عادي جدا احنا منقدرش نعيش من غير بعض اساسا