عايز اعرف حكايه فرح

 

تشيليني زي

م انتي شيلاه كدا.. 
الحاجات اللي بتفرحك بسيطه.. اكله كشړي او فول بالزيت الحار انتي وهاله و تقلبولنا ريحه الشركه.. والله و دا مش عشان انا مش عاوز اعملك حاجه كبيره تفرحك بس عشان انا كمان كدا.. مش بيبهرني الظهور و الحياة الفيك..فهماني!!
فرح بإبتسامه فهماك.. و ي رب اكون عند حسن ظنك فيا..

قاسم هبعتلك صور الشقق بليل تشوفيها و تختاري وي ريت انتي و خالك و طنط عايده تيجوا تشوفها ولو والدك هيقدر هكون سعيد جدا.. عشان بس الإجراءات بتاخد وقت..
فرح انت عايش مع والدك صح!
قاسم لا.. انا عايش في شقتي مع اخواتي و هما هيفضلوا فيها بعد م انا اتجوز..
فرح و ليه مش عايشين في بيت والدكم..
قاسم فرح.. محدش مني او أخواتي بيكلم والدي..
فرح ب صډمه اي!!!
قاسم بصي ي فرح.. انا بس عاوزك تصدقيني.. ابويا اذانا كتير اووي في حياتنا احنا التلاته.. فارس مثلا السبب انه مبقاش يتكلم بسبب ابويا من غير دخول في تفاصيل... 
ف ما كان مني غير أني سفرت أخواتي الأتنين برلين و هو ميعرفش عنهم حاجه و حتي ميعرفش انهم رجعوا يدوب من اقل من شهر و عايشين معايا..
فرح بس ليه كدا!
قاسم موضوع كبير.. ولما يجي الوقت المناسب و اكون قادر اتكلم فيه هحكيهولك أكيد..
فرح تمام..
قاسم طيب الساعه دلوقتي تلاته العصر تعالي أروحك بقي و ترتاحي كدا من دلوقتي عشاااان بكرا فيه شغل ي استاذه..
فرح ب ابتسامه ماشي..
فرح بالفعل من تاني يوم رجعت للشركة و بدأت ترجع لحياتها الطبيعية بالتدريج.. بس حياة افضل و احسن و الطف بوجود قاسم و برجوع والدها للشفا و اللي بدأ يحرك أطرافه و في طريقه انه يرجع تاني للحالة الطبيعيه... 
فرح بدأت تتعلق بقاسم و إعجابها بيه بقي كبير لحد الحب.. شخص لطيف مريح في كلامه معاها و بيهون ضغطواتها دايما.. 
أكتشفت انه محب للحياة الطبيعيه بشكل كبير.. بيحب الطبيعه و الهدوء.. مغرم بالبحر و السما.. و دت خلاها تنجذب ليه اكتر يوم بعد يوم... 
أما قاسم ف بدأت فرح تاخد جزء كبير أوي من تفكيره و من يومه و حياته بشكل عام.. اتعود عليها علي هزارها و ضحكها.. بدأ يتعرف علي شخصها الحقيقي من كونها شخص بشوش و لين الطبع و قلبها نقي بعيدا عن عصبيتها لما بيكون الحمل تقيل عليها.. شخص بيحب اكتر انه يكون مسؤل من حد مش مسئول عليه.. و فرح كانت معاه زي الطفله بالظبط ..
مر شهرين مليانين بالكتير من التجهيزات لفرحهم اللي باقي عليه كام ساعه بس...
فرح فين الجذمة فين!! و تليفوني كان هنا..
هالة موجودين ي فرح اهدي.. اهدي ماشي كل حاجة ماشية تمام...
فرح بتوتر انا متوترة اوي اوي هو دا طبيعي ولا اليوم هيبوظ ولا هيحصل حاجة!!
داليا وسعوا.. وسعوا كدا انتي اي فهمكوا انا اتجوزت قبل كدا.. بصي ي فرح القلق دا طبيعي ي حبيبتي ماشي.. اليوم هيبقي حلو والله يلا بقي قومي البسي فستانك عشان تلحقي تحطي الميكب ي بنتي و تلفي الطرحه ولسه موال.. ف يلا بقي..
فرح اه يلا بقي.. هدخل ألبس..
فرح بدأت تلبس هدومها و سعادتها هالة و علا و بعدين الميكب ارتست بدأت تحطلها ميكب خفيف و ني لفت الطرحه لنفسها... 
اما عند قاسم ف كان لسه نايم اصلا...
خالد أنت ي بني أدم... ي عرييييس... ي عمم بقي أصحي...
قاسم وسع يلا بطل رخامه..
خالد ي أبني هو انت محدش قالك ان فرحك النهاردة!!
قاسم بنوم لسه بدري...
خالد الساعة اربعه.. قوووم بقي..
قاسم ي انهر اسود... اانا نمت كل دا!!
خالد أدي اخره الرغي ع التليفونات طول الليل..قوم انا جهزتلك كل لبسك و شقتك اتزينت زي م انت طلبت بالظبط و المفتاح معايا... ادخل خد شاور علي م البس عشان افضالك...
قاسم م ماااشي..
قاسم خد شاور وخرج لبس بدلته و ظبط شعره... فارس وقف قصاده و هو مبتسم و ربط الجرافت ل قاسم و باركله...
خالد مبروك ي قاسم الف مبروك..
قاسم الله يبارك فيكم ي شباب عقبالكم...
خالد هو.. ابوك هيجي..
قاسم انا قولتله بس قولتله بردو ي ريت ميجيش.. و أنتوا لو شوفتوه تبعدوا عنه و محدش يتكلم معاه فاهمين.. هما ساعتين زمن و هقوله انكوا رجعتوا برلين.. ماشي!
خالد اللي تشوفه ي حبيبي.. يلا بقي مش هننكد علي نفسنا.. انت روح هات عروستك و احنا هنروح نشوف كله جهز ولا اي في القاعه...
قاسم تمام..
قاسم وصل عند فرح بعد فترة و كانت جهزت و مستنياه...
هالة فرح قاسم جه... هه صاحبه مجاش معاه ليه!
علا اقعدي انتي دلوقتي مش وقتك.. اي اللي هيجيب صاحبه معاه يعني!
قاسم دخل جوا و شافها وهي واقفه مكسوفه و مستنياه...
قاسم ب سعادة اي القمر دا بس.. مبروك عليا انتي ي فرح والله..
فرح احم.. شكلي حلو بجد..
قاسم قمر..
قاسم كان هيحضن فرح بس هي رفضت و بعدت عنه...
فرح لااا.. لسه مكتبناش الكتاب...
قاسم ماااشي ي انسه فرح.. طب يلا عشان لسه السيشن..
فرح يلا....
فرح وقاسم اتصوروا السيشن و بعدين وصلوا علي القاعة.. 
والد فرح كان واقف علي عكازه ساند عليه بصعوبه بس هو مش حابب يكون علي الكرسي يوم فرح بنته الوحيده زي م هو اعتبر...
جلال دي الغالية.. روحي كلها و أملي في الدنيا.. حبيبتي و بنتي و صاحبتي و أحيانا امي كمان
ان في يوم زعلتك تعلالي لو كنت انا عايش و انا هقف في صفك لو انت علي حق.. بس صدقني هي مش هتزعلك ابدا...
قاسم و أنا عمري م هزعلها و هحطها في قلبي مش بس في عنيا..
جلال مبروك ي حبايبي ألف مبروك..
فرح حضنت ابوها وهي بټعيط و عاجزه عن الرد بعد كلامه و هو ضمھا والفرحه مش سيعاه... 
بعد شوية كان الكل مجتمعين و وسطهم المأذون وقاسم ايده في ايد المأذون و للحظه لمح ابوه واقف بعيد بيبصله و بيبص لأخواته اللي كانوا واقفين في ضهره و قاسم حس بالخۏف لما شافه و خاف اكتر علي أخواته.. 
هو عارف أنه مش هيعمل اي حاجه بس جبروت ابوه القديم خوفه منه و حقيقه أن هو اللي قتل زينة لا يمكن تغتفر بالنسبه لقاسم...
المأذون بارك الله لكما و بارك عليكما و جمع بينكما في خير...
بدأت الإحتفالات و الكل كان فرحان لقاسم و فرح.... 
كانوا قاعدين و المعازيم بيسلموا عليهم لحد م وصلت مليكة...
مليكة قاسم ألف ألف مبروك..
قاسم الله يبارك فيكي ي مليكة عقبالك...
مليكة مبروك ي فرح..
فرح بضيق الله يبارك فيكي..
مليكة بيني وبينك ي فرح انا عمري م تخيلت ان قاسم يحب تاني بعد خطيبته.. هي كان اسمها اي اه.. زينة عبد الله..
و يتبع...
بقلمي آية محمد عامر 
ابن_صاحب_الشركه
حكاية_فرح
رأيكم.. ي تري فرح هتعمل اي!!Part 15 
مليكة بيني وبينك ي فرح انا عمري م تخيلت ان قاسم يحب تاني

بعد خطيبته.. هي كان اسمها اي اه.. زينة عبد الله..
فرح ايوا.. اسمها كان زينة عبد الله و أتوفت من تلات سنين..
مليكة تعرفيها..
فرح ايوا.. طبعا قاسم حكالي عنها لأنها البنت الوحيده اللي خطبها.. البنت الوحيدة اللي اهتم بيها مش حد غيرها بس ربنا استرد أمانته و حاليا قاسم ربنا بعتله فرح اللي هي أنا..
مليكه سابتهم و مشيت و هي متغاظة و قاسم بص لفرح ب إبتسامه و هي بصتله بضيق من وجود مليكه في الفرح..
فلاش بااك..
قاسم فرح انا كنت خاطب.. من تلات سنين و خطيبتي أتوفت.. أنا كنت حابب اقولك عشان كدا كدا هتعرفي ف الأحسن تعرفي مني..
فرح كنت بتحبها..
قاسم بهدوء اكتر من روحي.. بس دلوقتي انا شايف حياتي معاكي انتي بس..
فرح كان اسمها اي!
قاسم زينة.. زينة عبد الله..
فرح پصدمه دي... دي نفسها اللي كانت ماټت وقالوا غ..
قاسم بمقاطعه لا.. تشابه اسماء ي فرح مش هي..
باك...
فرح البت الصفرا دي اي اللي جابها..
قاسم انا اللي عزمتها..
فرح و تعزمها ليه
قاسم عشان انا عزمت ناس كتير من اللي شغالين معايا و هي أهمهم فكان لازم اعزمها.. خلاص بقي ي فرح متضايقيش النهاردة فرحنا..
فرح خلاص ي قاسم مش متضايقه..
قاسم ايوا كدا ي قمر اضحك كدا و ورينا الضحكه الحلوه...
فرح خلاص ماشي..
هالة جت و وقفت جمب فرح و ميلت عليها..
هالة فرح البوفيه هيفتح أمتي..
فرح بهمس اهمدي ي هالة هتفضحينا..
هالة بقولك اي ي فرح انا طول اليوم معاكي و مكلتش حاجه.. جعاااانه...
قاسم بضحك فاضله نص ساعه ي هالة..
هالة بحرج احم.. هو حضرتك سامعني!
قاسم انتي عبيطة ولا اي م انا لازق جمبها..
زياد ألف مبروك ي قاسم..
قاسم الله يبارك فيك ي حبيبي...
زياد مبروك ي فرح..
فرح الله يبارك فيك..
هالة عقبالنا ي رب..
فرح خبطتها في جمبها و زياد مشي ف فرح بصتلها بضيق..
هالة روحي اقعدي و لمي نفسك..
هالة مشيت و هي لسه مركزة مع زياد اللي راح وقف جمب بنت... و هالة قعدت جمب علا..
هالة شوفتي بيخوني ازاي!!
علا هالة ي حبيبتي هو ميعرفش انك عايشه اصلا.. حبيبتي هو ميعرفكيش!
هالة ايوا بس دا مش مبرر للخيانه ي علا..
علا انا هخرج برا شويه و أسيبك للعبط بتاعك دا...
علا خرجت برا وقفت لوحدها لفترة بعيدا عن الدوشه و بعدين دخلت تاني لكن لقت ياسر قاعد لوحده برا و مفيش حد معاه..
علا اي ي مستر ليه قاعد لوحدك كدا..
ياسر مفيش كنت بكلم خطيبتي..
علا الاستاذة زينة اخبارها اي..
ياسر كويسه..
علا حضرتك كويس! حساك متضايق..
ياسر نعمل اي لو الشخص اللي بنحبه محبناش..
علا قعدت قصاده و هي بتبصله بتفهم و كأنها فاهمه كل ألم و كل إحساس هو بيفكر فيه..
علا ندي لقلبنا الفرصه انه يرحب بالحب اللي يستاهله..
ياسر اذا كان القلب دا نفسه مش شايف غيرها.. بس بردو في نفس الوقت متردد من ناحيتها..
علا القلب لو حب مستحيل يتردد..
ياسر لا صدقيني بيكون متردد.. كنت متوقع شكل تاني لعلاقتنا و هي نفسها تفكيرها و الحاجات اللي قدرت استنتجها من كلامنا القليل سوا انها غير م اتوقعت.. حسبتها غلط.. وحبيتها استنادا علي خيال جاي بسبب اعجاب بيها مش اكتر..
علا يعني اي! دا إعجاب ولا حب..
ياسر حب اتبني في خيالي بشخصيه مش موجوده.. شخصيه مخدتش من زينه غير شكلها و بس...
علا انت بتفكر انك تفشكل خطوبتك..
ياسر تؤ... هي شخصيه كويسه و محترمه و ان شاء الله تكون زوجه كويسه.. و ان انا قررت اتجوز مش هيكون اختياري غيرها..
علا ربنا يتمملك جوازتكم علي خير ي رب.. أنا هدخل جوا بقي عشان فرح قالتلنا محدش يسيبني...
علا وقفت وبعدت عن ياسر و هي بتفكر في الكلام اللي قاله ليها...
هالة كنتي فين!
علا كنت برا و قعدت مع مستر