انتو اكيد اټجننتو انا اتجوز واحده من مصر
اشوفك حفظت ولا لا وخد الورقه دي اقرا منها القران اللي تصلي بيه لحد ما تحفظ
بدا يعمل انه بيصلي عشان يشوف حفظ ولا لا بص لولاء عشان يتأكد
_مينفعش تبص لي وانت بتصلي عينك ف الارض .
كمل صلاة للاخر وبعدين قام
_ها غلطت !
كحركات لا بس اهم حاجه النيه وذهنك يبقى صافي وتحس الكلام وانت بتقوله...يلا عشان تصلي بجد
خلص صلاة وبص للسجادة بتوهان
_تفتكري اقدر ابقى حد تاني ...تفتكري ربنا هيسامحني
_لا مفتكرش
زعل سيف جامد واستغرب ان ولاء بتضحك
_بجد ليه !!
_ربنا غفور رحيم ...ربنا قال ف قرآنه العزيز بسم الله الرحمن الرحيم
فقلت استغفرو ربكم انه كان غفارا .
قال رب إني ظلمت نفسي فاغفر لي فغفر له ۚ إنه هو الغفور الرحيم
وهو الذي يقبل التوبة عن عباده ويعفو عن السيئات ويعلم ما تفعلون
_آيات ربنا كلها
رحمة ومغفرة مهما كنت ومهما حصل تقدر ترجع الانسان بيغلط ويتوب يغلط ويتوب ....والتائب كمن لا ذنب له .
_ارجع ازاي ي ولاء!
_اولا قلبك ده لازم تنضفه وتنوي انك هتوب ومش هترجع تاني ع اي حاجه وحشه .
_ولو ڠصب عني رجعت !
_تتوب تاني وترجع لحد ما ټموت.
_وكل مره هيسامحني
_كل مرة
ولاء قعدت تعلم وفيه وتفهمه حاجات كتير وحاجات كتير اووي مكنش يعرفها.
سيف طول الفترة دي اكتشف انه حب ولاء وانه لازم يكمل معاها كان حاطط خاتم ف علبه قطيفه حمرا ومعاه بوكيه ورد ومخبيه .
حد خبط ع بابا الشقه افتكر انها ولاء بص ف المراية وسرح شعره ودقنه وحط برفان وعدل القميص فتح لقاها صاحبته من اميريكا اللي قطع علاقته بيها
_سيف ...ايه ده شكلك اتغير بس بقيت احلى
زقها من عليه عشان كانت راحه تحضنه
_امشي من هنا
_مالك ي سيف !!
_انا متجوز وبحبها ...وكمان انا توبت
_سيف احنا صحاب انت عبيط !!
_امشي بقولك ...يلا لو شافتك هتزعل ومش هتصدقني .
_مش همشي انا جيت ليك مخصوص
_امشي بقولك.
_احنا بنحب بعض
قفل الباب سمع صوت ولاء برا اتخض....سمعها وهي بتسال مونيكا
_انتي مين !
بس مونيكا مكانتش فاهمه حاجه وسالتها
_انتي بتقولي ايه !
خرج سيف بسرعه
_دي مونيكا وكانت واحده اعرفها قبل ما اجي هنا
ولاء فهمت ودخلت جوا وقفلت الباب ع نفسها
_شوفتي اهي زعلت اهي ...امشي ومتجيش تاني
دخل عدل هدومه وهو متوتر وخد الخاتم والبوكيه وخبط عليها
دخل وهو بيعرق جامد حاسس انه اول مره يتعرف ع بنت رغم انه مكنش بيتكسف خالص قبل كده بس حس انه متوتر .
_احم ولاء
_نعم ي سيف
بلع ريقه واتكلم بلخبطه
_انا ...انا عارف ان احنا اتعرفتا بطريقه م اوي ....و ..و احم ....يعني اكتشفت انك بنت رقيقه وجميله ولطيفه ...وحلو جدا شخصيتك
حس ان الكلام طار
_و ...و ... الصراحه انا ....حاسس او انا متاكد اني بحبك ...و مبسوط معاكي .
وحط الخاتم قدامها وقال بتوتر
_تيجي نتجوز حقيقي...انتي بتحبيني !
_لا ...
سيف اتصد م من ولاء جامد وحس ان الدنيا اسودت بعد
