عايز تسيبني قبل فرحي بيومين
إتمام الجواز !!!!
مبروك
قالها بهمس وهو بيضحك نفس الضحكه اللي وكأنها ضحكه انتصار مش عارفه في ايه بالظبط !!!
بلعت ريقي وقلبي بيدق بسرعه
ا الله يبارك فيك
اتنهد وهو بيقولي بشماته
بس برافو عليا والله طلعت ممثل هايل
بصيتله باستغراب
يعني ايه مش فاهمه!
بصلي پصدمه مصطنعه
هو انا مقولتلكيش
مقولتليش ايه !
سامر بفرحه وضحكه شيطانيه
أن انا اللي خليت سامر يسيبك بالاجبار عشان اتجوزك
يتبع
الفصل الثالث
انت بتقول ايه ا انت .....
اقسم بالله العظيم لو نطقتي بحرف واحد ما هيكفيني عمرك عدي ليلتك
علي خير يارغده وبلاش تفضحي نفسك وتفضحي اهلك لانك لو اتكلمتي كل حاجه هتتكشف والناس هتعرف ان عريسك سابك و وقتها انتي عارفه السيناريو اللي هيحصل وانتي واهلك في غني عن الكلام اللي هيتقال التزمي الصمت احسنلك
ليه عملت كده انا عملت فيك ايه او آذيتك في ايه
اتنهد وبصلي وهو بيقرب أيده من عيوني اللي اتملت بالدموع
ممكن متعيطيش
زقيت ايده پعنف وانا بقول بعصبيه
ابعد ايدك عني انت فاكر اني هخاف منك !
هه تبقي عبيط ولا انت ولا عشره زيك يخوفوني الفرح يخلص من هنا ولينا كلام تاني اوعي تفتكر اني بعد اللي عرفته اكمل مع واحد زيك الناس بس تمشي وتطلقني
بصلي بابتسامه غامضه وهو بيقول بتحدي
ده في أحلامك ياقمري
ربعت ايدي وانا ببصله بتحدي أكبر
ده في أحلامك انت ياحبيبي
غمضت عيني وانا بتمني لو الارض تنشق وتبلعني وتخلصني من العڈاب اللي انا فيه ده
ضربات قلبي كانت
حبيبي لكن مش كل اللي بنتمناه بنطوله في الحقيقه
نعم ياحبيبتي عايزه حاجه
كنت لسه هتكلم بس سبقني وهو بيضغط علي ايدي بقوه
اه ياريت كوبايه مايه يامرات عمي عشان انا عطشان جدا
بصيتله ماما وهزت رأسها بضيق
حاضر
اول ما بعدت قرب مني تاني وهمس لكن المره ديه بنبره كلها تحذير و وعيد
عدي ليلتك يارغده احسنلك ومتنطقيش بحرف لأن نطقتي أو منطقتيش انا كده كده اتجوزتك خلاص بلاش تفضحي نفسك الفضائح مش لمصلحتك ولا مصلحه اهلك
بصيتله بكره وانا بقول بدموع
انا بكرهك ياريتني كنت طلبت مساعده كلب من الشارع ولا طلبت مساعده حقېر زيك
بص قدامه ببرود وهو بيحط رجل علي التانيه بغرور
مطلبتش منك تحبيني كده كده الكره مشترك بينا
بصيتله بكره وانا مش قادره افهم معني جملته يعني ايه الكره مشترك
انما هو ليه يكرهني انا عملت ايه !
انا مفتكرش اني اتعاملت معاه من الاساس مفتكرش اني هينته أو حتي اتكلمت عليه مع حد راسي ھتنفجر من كم الاسئله اللي فيها الف سؤال وسؤال مش لاقيالهم اجابه مريحه
قطع شرودي صوت ماما وهي بتقرب مننا وبتديله المياه
اتنهدت وفضلت قاعده في مكاني واصحابي قربوا مني وشدوني عشان ارقص معاهم وسط اعتراضي لكن مع الحاحهم وافقت وقررت اتبسط باليوم حتي لو جوايا عكس كده بس الايام مش بتتعوض وانا لازم استغل اي فرصه تفرحني ومخليش حد ينكد عليا ولا يخوفني بنظراته أو تهديده لاني عارفه اني في النهايه مش هتهزم انا اللي هكون منتصره وبجداره
أما عن عريس الغفلة كام واحد من صحابه وأخوه قربوا منه وشدوا عشان يرقص معاهم وهو جبله بني آدم برأس
بخاخه متحركش كان واقف يسقف بس سقف ياخويا سقف بكره اسقفلك علي وشك المستفز ده
خلصنا وروحت قعدت مكاني بتعب وثواني لقيته بيقعد جنبي في مكانه
اخدت نفس طويل وانا بقول بهمس
مستفز
ضحك ببرود وهو بيهمسلي
عارف
بصيتله وانا مكشره وبقوله بغيظ
طب كويس الاعتراف بالحق فضيله
ضحك وهو بيبص قدامه ومردش عليا وانا قاعده هفرقع من الغيظ
كنت مستنيه اليوم يخلص عشان اڼفجر فيه واعرف ليه عمل كده ولما اعرف اهزقه وأمسح بكرامته البلاط وبعدين اتطلق واشوطه علي السلم ولا من شاف ولا من دري بس عرفت أن احلامي هتكون مجرد احلام وهميه لما قام مره واحده وهو بيعدل من وضع بدلته بوقار وبيقول بصوت عالي
طيب ياجماعه لحظه واحده بس عايز اقول كلمتين
بلعت ريقي بتوتر وانا بحط ايدي علي قلبي اللي صوت دقاته كانت عاليه مش عارفه هيعمل ايه ولا هيقول ايه
اولا انا حابب اشكر كل الناس اللي موجوده واقولهم ان فرحتي كملت بوجودكم وعقبال اللي متجوزش وعقبال اللي اتجوز يتجوز مره تانيه هههههههه
الكل ضحك علي جملته ماعدا انا بصيتله بقرف وانا بقول بهمس
ابو تقل ډم امك علي المسا
لقيته لفلي وضحك ببرود كعادته وبعدها لف يكمل كلامه
ثانيا بقي انا
بجد بعتذر جدا بس انا حاجز طياره طالعه علي باريس عشان شهر العسل ومعادها كمان نص ساعه فلازم اخد العروسه ونمشي حالا وشكرا ليكم مره تانيه
قال جملته ولف شدني من ايدي وسط تصفير صحابه ومباركه كل الناس اللي حولينا بابا وماما ليا واللي مكانش باين علي وشهم اي استغراب أو صډمه زي
!!
دقائق ولقيت نفسي جنبه في عربيته معرفش أمتي
وازاي !
بصيت حوليا بتوتر كان سايق بكل برود من غير ما ينطق حرف واحد
اتنفست بصوت عالي وأنا دموعي علي خدي ومڼهاره بالمعني الحرفي
احنا رايحين فين و وقف العربيه انا مش هروح معاك في مكان
مردش عليا وكمل سواقه فهزيت كتفه وانا بقول بعصبيه ودموع
بقولك وقف العربيه ياحيوان ياحقير يا.....عااااااااا
بصيتله وانا بترعش ودموعي علي خدي
ا انا
اخررررسي
زعق فيا جامد وانا بعدت لورا پخوف وانا بهز راسي اكتر من مره
كمل سواقه ببرود وانا جسمي بيتنفض بين اللحظه والتانيه من ملامح وشه اللي كانت كلها ڠضب وشړ
يتبع
الفصل الرابع
وصلنا قدام المطار وانا دموعي مازالت علي خدي مكنتش اتوقع ان احنا مسافرين بجد!
كان في اعتقادي أن هو قال كده عشان ينهي الفرح ونمشي لانه مش طايق فكره ان ده فرحه وانا عروسته
مسحت دموعي واخدت نفس طويل وانا بحاول اكون ثابته
احنا رايحين فين
باريس
رد من غير ما يلتفتلي ونزل من العربيه وقفل الباب ولف نحيتي وهو بيفتحلي الباب من غير ما ينطق حرف
رفعت راسي واتقابلت عيوني في عيونه اللي كانت بارده بعيده كل البعد عن شخصيته اللي كنت بستمد منها الامان واحنا صغيرين
هنفضل كده للصبح
فوقت من شرودي علي جملته اللي قالها بكل سخريه وبرود كعادته
اخدت نفس وخرجت من العربيه وهو رجع خطوه لورا عشان اعرف اقف
قربت منه وانا برفع راسي وببصله بتحدي
انا مش هسافر معاك غير لو عرفت ايه سبب جوازك مني وليه طفشت سامر
رفع حاجبه بتحدي أكبر وهو بيقرب مني خطوه وبيقول بسخريه
وده ټهديد !
بصيتله بشجاعه مزيفه بالرغم من خۏفي اللي كان جوايا لا ميغركوش انا اصلا استرونج ومان ا احم بس مش اوي يعني
اعتبره زي ما تعتبروا
اتنهد وبصلي بهدوء
يالا يارغده مفيش وقت
ربعت ايدي بعند وبصيتله بابتسامه بارده زيه
وانا قولت
مش هسافر غير لما اعرف الحقيقه
جز علي
أسنانه وهو بيقول بغيظ
بقولك يالا يارغده متخلنيش افقد اعصابي
أفقدها
قولتها بكل برود وانا بهز اكتافي الاتنين وبلعب في حواجبي باستفزاز
لقيته غمض عينه واخد نفس طويل وهو بيضغط علي أيده الاتنين واسنانه لدرجه عروق رقبته برزت بالرغم
أن المكان مكانش منور اوي بس قدرت اشوف تعبيرات وشه اللي كلها ڠضب وكأنه علي وشك يدمر المكان باللي فيه
بلعت ريقي ومسحت العرق اللي
