نزل من الطياره بهيئته اللي ټخطف القلوب

 

وهو حيطير من الفرحه وانا بصراحه مش متعوده يحب حد غيري
رامي بضحكه
خفيفه عمي ده حبيبي بس الظاهر كده اني ححبو اكتر وغمزلها
دنيا عارفه انو بيهزر بس كلمتو كسفتها مۏت رجعت شعرها ورا ودنها بكسوف ووشها احمر
رامي بابتسامه ايه ده يابنتي انتي لسه بتحمري زي ماانتي
دنيا بتغير الموضوع اه وصلنا خلاص الكافيه ده بيقدم اطعم واحلى قهوه حتدوقها في حياتك

رامي قال بصوت مش واضح والله مظنش بعد حلاوتك اشوف حاجه حلوه
دنيا بتركيز بتقول حاجه
رامي فاق لنفسه انا لا ابدا 
دنيا امم طب يلا نشرب القهوه
فضلو يتكلمو ويهزرو ودنيا كانت مبسوطه وبتضحك من قلبها ورامي كمان فرحان جدا وكل شويه يسرح في جمالها وفضلو كلام وضحك لحد ما وصلو القصر
عمه كان في القصر كل شويه يبص للساعه ومستني على ڼار لحد ما وصلو
واول ما دخلو اتقدم رامي على عمه الي كان شبه جري عليه وفضل يحضنو كتير بحب شديد
دنيا احم احم نحن هنا انا كده حعيط
رامي بضحك فرحه ولا غيره
دنيا غيره طبعا
مروان بتنهيده ياااه اخيرا يا رامي اخيرا يا بني تسع سنين مشوفكش يارامي هنت عليك يا بني
رامي باس ايد عمه بحب ڠصب عني والله ياعمي انت عارف ظروف شغلي كانت عامله ازاي بس خلاص الفرع الي هنا بقى شغلو كويس ونقلت اغلب الشغل حتابعو من هنا وكل فتره اسافر بقى لو فيه حاجه يلا ابسط يا عم
مروان الحمد لله يا بني ربنا اكرمك انت تستاهل يا رامي يبقى خلاص دنيا حتتجوز وتسبني وانت تفضل معايا هنا ها قلت ايه
رامي افضل معاك اوكي بس هنا لا يا عم انت عارف انا مشتاق لشقتنا قد ايه
مروان طيب يا بني الي يريحك نتغدي وتريح عندنا شويه وتبقى تروح تاخد راحتك في شقتك
دنيا اه على فكره يا رامي انكل كمال وشريف عاملين حفله جميله على شرف استقبالك حعدي عليك بالليل اخدك ونروح دول عازمين كل صحابنا بتوع الدراسه
رامي باستغراب الحفله دي ليا انا امم غريبه
دنيا ايه الغريب في كده
رامي لا ابدا بس من امتا الحب ده كلو يعني
مروان يا بني انسى القديم احنا عيله وعمك ومراتو بيحبوك واكيد وحشتهم
رامي اه طبعا يا عمي واكيد حروح
دنيا يلا بقى الغدا جهز وانا حموت من الجوع
بالليل كانت دنيا جهزت لبست فستان يجنن عليها وبقت قمر كالعاده بسيطه وجميله جدا
نزلت دنيا بسرعه وهي بتقول انا جهزه يا بابا متاكد انك مش جاي معايا تعالى والله حتنبسط
مروان لا يا حببتي روحي انتي وانبسطي
دنيا راحت شقت رامي وهي بتخبط فتح رامي وهو بيقول انا جاهز على معاد
وسكت لما رفع عينه وشافها كانت حوريه تجنن كل شيى فيها يسحر
قال بلا وعي ايه ده يخربيتك
دنيا بقلق ايه فيا حاجه غلط
رامي بهيام كلك على بعضك غلط على البشريه الجمال ده غلط
على الكوكب كلو
دنيا اتكسفت وقالت بطل غلبه ويلا بينا
ركبو العربيه وراحو الحفله سلمو على الكل ورامي حضڼ عمه ومرات عمه الي باين عليها عدم الرضا
في الحفله كان رامي قاعد مع شريف وصحابو من ايام الثانويه ورائد صاحبو الانتيم رائد شاب من سن رامي بس طباعو مختلفه تماما هادي وطيب لابعد الحدود خجول ووسيم جدا رائد منقطعش عن رامي حتي بعد ما سافر كان كل يوم بيكلمه
رائد بطيبه مع
اني كل يوم بشوفك ومع ذالك واحشني لدرجة اني مش مصدق اني شايفك قدامي
واحد من صحابهم اسمو
احمد كل يوم بتشوفو الى هو ازاي بقى
رائد بطيبه اصل احنا كل يوم بنتكلم صوت وصوره على الموبايل
شريف هو احنا الى اسمنا عيلتو عمره ما كلمنا صوت وصوره وقال بخبث ولا انتو فيه حاجه خصوصي ما بينكم وغمز
رائد بضيق بس يا شريف بلاش هزار بايخ
الشباب كلهم ضحكو بصوت عالي على رائد وشكلو لانو خجول ومش بيحب الكلام ده
رامي بضحك كده برضو يا رائد تعرفهم الي ما بننا
وضحكو تاني رائد بضيق كلمه كمان وحسبهالكم مخضره
رامي قال خلاص ياجماعه وشريف قال يا جماعه متكسفهوش رائد قال كده طب انا ماشي مسكو رامي وهو بيضحك خلاص واله خلاص
على زاويه كانت واقفه دنيا مع عبير بنت عمها اخت شريف عبير بنت جميله ومؤدبه بس لسانها متبري